Xəbər lenti
Bütün xəbərlər

Fuad Qəhrəmanlının həbs müddəti uzadıldı

  • 02 mar 2016, 20:13
Nardaran hadisələrində dövlət əleyhinə çağırışlarda təqsirləndirilərək həbs olunan Azərbaycan Xalq Cəbhəsi Partiyasının sədr müavini Fuad Qəhrəmanlının barəsində seçilmiş həbs-qətimkan tədbirinin müddəti uzadılıb.

Bu barədə F.Qəhrəmanlının vəkili Fəxrəddin Mehdiyev məlumat verib.

Nəsimi Rayon Məhkəməsi həbs müddətinin 2 ay uzadılması barədə qərar çıxarıb.

Bu gün, həmçinin F.Qəhrəmanlının barəsində seçilmiş həbs-qətimkan tədbirinin girov müqabilində ev dustaqlığı ilə əvəz olunması barədə vəsatətə də baxıldığını deyən vəkil bildirib ki, vəsatət təmin edilməyib.

Qeyd edək ki, F.Qəhrəmanlı barəsində Cinayət Məsəlləsinin 281.1-ci (hakimiyyətin zorla ələ keçirilməsinə, zorla saxlanılmasına və ya Azərbaycan Respublikasının konstitusiya quruluşunun zorla dəyişdirilməsinə və ya ərazi bütövlüyünün parçalanmasına yönələn açıq çağırışlar etmə, habelə bu cür məzmunlu materialları yayma) və 283.2.1-ci (milli, irqi, sosial və ya dini nifrət və düşmənçiliyin salınması - zor tətbiq etməklə və ya zor tətbiq etmə hədəsi ilə törədildikdə) maddələri ilə ittiham irəli sürülüb.

Trend
Oxşar xəbərlər