Demokratik.Az » Xəbərlər » Kriminal » Gəncədə valideyinlər məktəbin kitabxanaçısını polisə şikayət etdi - direktor danır

Gəncədə valideyinlər məktəbin kitabxanaçısını polisə şikayət etdi - direktor danır

  • 30 apr 2022, 16:41
Gəncə şəhər V. Veysəlov adına 30 nömrəli tam orta məktəbində maraqlı hadisə yaşanıb. Dünən valideyinlərin bir neçəsi məktəbin kitabxanaçısını şagirdlərə pulsuz paylanmalı olan kitabları pulla verdiyi üçün polisə şikayət ediblər. Bu barədə Demokratik.Az-a məktəbdən bildirilib.
Məlumata görə, valideyinlər pul verib uşaqlarına müvafiq fənn kitabı aldıqdan dərhal sonra bu barədə şəhərin Kəpəz rayon polisinə məlumat verib kitabı da dəlil kimi araşdırmaya təqdim ediblər. Hazırda xoşagəlməz olay üzrə araşdırma aparılır. 

Demokratik.Az məsələ ilə əlaqədar məktəbin direktoru ilə əlaqə saxlayıb. Direktor bildirib ki, söhbət kitabxanaçının kitabı rüşvətlə valideyinlərə paylanmasından getmir. Sadəcə, kimlərsə kitab götürərkən gözlənilmədən kitabxanaçıya zorla pul verərək, üstünə pul ataraq məktəbdən çıxıb gediblər. Ona görə də, polis həmin şəxslərin kimliyini araşdırır.

Direktorun açıqlaması maraqlı və gülməlidir - kim inanar ki, məktəbin kitabxanaçısı tanımadığı kimlərəsə kitab versin. Eləcə də direktor açıqlaması ilə demək istəyirsə ki, valideyinlərdən pul istənilməyib, sadəcə kitabxanaçının üstünə hansı məbləğdəsə pul atılıb. Eləysə, onda bunu edənlər niyə kitabla birgə özləri polisə gedib şikayət etməli idilər ki?
(mövzu diqqətimizdədir)
 
Demokratik.Az
Oxşar xəbərlər