DİN sözçüsü: Ərşad Ibrahimov saxlanılmayıb - TƏFƏRRÜAT

  • 29 iyul 2021, 17:56
Daxili İşlər Nazirliyinin Mətbuat Xidmətinin KİV və ictimaiyyətlə əlaqələr şöbəsinin rəisi Elşad Hacıyev jurnalist Ərşad İbrahimovun saxlanılması barədə yayılan məlumata aydınlıq gətirib. DİN rəsmisi "Turan"a bildirib ki, Ərşad Ibrahimov vətəndaşın müraciəti əsasında polis orqanına dəvət edilib və izahatı alındıqdan sonra sərbəst buraxılacaq.
*   *   *
Xatırladaq ki, Gəncədə dunyaninsesi.az saytının redaktoru Ərşad İbrahimovun saxlanılması barədə məlumat tirajlanıb. Dünən axşamdan dunyaninsesi.az saytının redaktoru Ərşad İbrahimovun Gəncədə saxlanılması barədə Turan-a onun qardaşı Taryel İbrahimov bildirib.
Jurnalistin DİN-nin Baş Mütəşəkkil Cinayətkarlıqla Baş Mübarizə İdarəsi tərəfindən idarəyə çağırılması və dünən axşam saat 18 radələrində Gəncədə yaşadığı ərazidə bir neçə mülki geyimli şəxs tərəfindən avtomobilə əyləşdirilərək naməlum istiqamətə aparılması iddia edilirdi...

Demokratik.Az
Oxşar xəbərlər