Şamaxının Çaylı kənd Bələdiyyəsinin sədri Azərbaycan bayrağını təhqir etdi - foto

Şamaxı rayon Çaylı kənd Bələdiyyəsinin sədri Səmədzadə Saməddin Nüsrəddin oğlu oturuş-duruşu və rəftarı ilə Azərbaycan Bayrağını açıq şəkildə təhqir edib. Dəfələrlə bu cür xoşagəlməz əməllər törədən Saməddin Səmədzadənin hələlik cəzalandırılmaması isə Şamaxılılarda ikrah hissləri doğurub və dərin etirazlara səbəb olub.

"Demokratik.Az" bildirir ki, bu barədə məlumatı jurnalist İkram Rafiqoğlu ("ReallıqTV") yayıb.

Jurnalist İkram Rəhimov bildirib ki, baş verənlərə Şamaxının icra başçısı Tahir Məmmədov və aidiyyatı orqanlar hələ ki, laqeyd münasibət bəsləyir.
Yayılan fotodan da görünür ki, adıçəkilən şəxs ayaqlarını mədəniyyətsiz şəkildə qaldıraraq stolda Azərbaycan bayrağının yanında yelləyir.

Ölkənin əsas atributuna qarşı belə bir davranış sərgiləyən, bayrağımızı təhqir edən bir bələdiyyə sədrinin qanunla cəzalandırılmasını tələb etmək, məsələni ictimai qınaq səviyyəsinə qaldırmaq olduqca vacibdir.

Əlavə məlumat üçün onu da bildirək ki, sözügedən bələdiyyə sədri Avropadan (Londondan-red) Azərbaycan hakimiyyətinə qarşı hədyanlar yağdıran, ölkədə siyasi çaxnaşma və dövlət çevrilişi arzulayan hüquqşünas Qurban Məmmədovun yaxın qohumudur. "Reallıq TV"-də yer alan iddialara görə, baş verənlər Qurban Məmmədovun özəl təlimatları ilə də baş tuta bilər. Belə ki, Şamaxıda bir sıra vəzifə sahibləri Qurban Məmmədovdan və Şamaxıdakı qudasından bərk qorxur, nəticədə Şamaxıda İXTİŞAŞa səbəb ola biləcək belə çirkin əməllər ortaya çıxır.

Ümidvarıq ki, xoşagəlməz olaya rəsmi aydınlıq gətiriləcək.
Demokratik.Az