Şok MÜRACİƏT! "Müstəntiq Rauf Atakişiyev 230 min manatımı mənimsəyib"

  • 12 sen 2020, 00:42
Gəncə şəhər sakini Rübail Hüseynov Gəncə Baş Polis İdarəsinin müstəntiqi Rauf Atakişiyevdən şikayətçidir.
Şikayətçi iddia edir ki, müstəntiq onun barəsində olan cinayət işi üzrə zəruri istintaq araşdırmaları apararkən vətəndaşı qorxudaraq və qanundankənar vədlərlə şirnikləndirib. Və bu yolla ondan ümumilikdə 230 min manat pul vəsaitini rüşvət kimi alıb, dələduzluq qismində əmlakını mənimsəyib.
Demokratik.Az-ın məlumatına görə, Baş prokuror Kamran Əliyevə müraciət edən vətəndaş adıçəkilən müstəntiqin cəzalandırılmasını tələb edir. O, uzun müddətdir ki, müraciətlərinin ciddi araşdırılmadığını qeyd edərək ona dəymiş maddi zərərin geri ödənilməsini istəyir.
Bildirək ki, bugün sözügedən şikayət üzrə məsələyə Baş Prokurorluq artıq rəsmi reaksiya verib.
Baş Prokurorluq "instaqram" sosial şəbəkəsi üzərindəki yazışmanın birində bildirilib ki, qeyd olunan faktla bağlı vətəndaşın müraciəti əsasında hazırda Gəncə Şəhər Prokurorluğunda araşdırma aparılır. Həmçinin şikayətçinin 01.09.2020-ci il tarixli müraciəti baxılması üçün Baş Prokurorluğun Xidməti Araşdırmalar İdarəsinə və Prokurorluqda İstintaqa Nəzarət İdarəsinə göndərilib.
Demokratik.Az vətəndaşın baş prokurora videomüraciətini təqdim edir:

Oxşar xəbərlər