Gəncədə "bayraq davası"! Polislə kamaz sürücüsü dalaşdı

Demokratik.Az-a bu barədə məlumat verən olay şahidlərinin sözlərinə görə, saat təxminən 21:40-da şəhərin mərkəzi küçəsinə qanunsuz yolla daxil olub Bakıya doğru hərəkət edən qoşqulu Kamaz markalı yük maşını karantin postunda saxlanılıb. Və maşının sənədləri yoxlanılarkən polislərdən birinin gözü maşından asılmış bayrağa sataşıb. Dərhal da kamaz sürücüsünə "əsas" tapılan iradını bildirərək dava salıb. Sürücüdən tələb olunub ki, Kamazdan asdığı Azərbaycan bayrağını çıxarsın və yoluna davam etsin. Nəticədə sürücü sükandan düşərək polislərə sərt etiraz edib, bayrağı çıxarmayacağını bildirib. Təxminən 15-20 dəqiqəlik mübahisədən və yaxalaşmadan sonra polislər sürücünü sərbəst buraxmağa məcbur olub. Kamazdan Polislərə xatirə qalan isə lentə aldıqları videogörüntülər və bayraq şəkilləri olub.
Müstəqil media orqanı olaraq hadisəyə üzüntümüzü ifadə edir, karantin postunda keşik çəkən polislərin mühüm nöqsanlara deyil, kamazda dalğalanan Azərbaycan bayrağına ilişməsini şiddətlə qınayırıq. Axı bayraq bizim qürurumuz, bayraq bizim andımızdır!
İnanaq ki, olay sözügedən postun fəaliyyətinin fonunda DİN yetkililəri tərəfindən dərindən araşdırılacaq!..
Demokratik.Az