Şirvanda qaynı qızı ilə evlənən və onu mağazada döyən kişi həbs edildi

Bir neçə gün öncə Şirvanda qadını hər kəsin gözü önündə döyən şəxs polis əməkdaşları tərəfindən yaxalanıb.
Demokratik.az-ın redaktor.az-a istinadən verdiyi xəbərə görə, 1957-ci il təvəllüdlü Mirhüseyn Nağıyevi əvvəllər qeyri-rəsmi nikahda yaşadığı 1993-cü il təvəllüdlü Ayşən Məmmədlinin şikayəti əsasında saxlayıb.
Qadın şikayətində mayın 26-da Mirhüseyn Nağıyevin onun satıcı işlədiyi telefon mağazasına gələrək insanların gözü qarşısında vəhşicəsinə döyərək baş nahiyəsindən xəsarətlər yetirdiyini bildirib.
Araşdırmalar zamanı məlum olub ki, Ayşən Məmmədli qeyri-rəsmi nikahda yaşadığı şəxsin həyat yoldaşının qardaşı qızıdır.