"AZƏRSU" əməkdaşı Qaradağ sakininə əsassız cərimə yazıb ?- ŞİKAYƏT

Qaradağ rayonu Sənqəçal qəsəbəsinin sakini Vüqar Məmmədov "Azərsu"nun ərazi idarəsinin fəaliyyətindən şikayətçidir.
"Demokratik.Az"-a müraciət edən vətəndaş qeyd edir ki, ona Elçin Məhərrəmov adlı "AZƏRSU" əməkdaşı tərəfindən əsassız cərimə yazılıb. V.Məmmədovun adına qeydiyatda olan (1111700410042) su sayğacına borc olmadığı halda, heç bir çek təqdim edmədən 8 manat debütor borc yazıb. Hər ay internet vasitəsilə evinin su, işıq, telefon kimi kommunal borclarının olub-olmamasını yoxlayan şikayətçi saxta borca düşdüyünü də internetlə öyrənib.
V.Məmmədov belə bir hadisə ilə ilk dəfə rastlaşmadığını da bildirir. Belə ki, "AZƏRSU" onun digər həyətinin sayğacına da əvvəllər 420 manat borc yazıbmış. Lakin, sonradan şikayətçidən üzr istəyib borcu pozubmuşlar. Görünür, vətəndaşa yenə tələ qurublar.  
Şikayətçi "Demokratik.Az"-a müraciətindən əvvəl Azərsu sədri Qorxmaz Hüseynova da öz iradlarını yazıb, lakin qurumdan Günel Xəlilova adı ilə bildirilib ki, şikayətin onlara heç bir aidiyyatı yoxdur.  
Adıkeçən qurumun şikayətə dair irad və təkliflərini dinləməyə, münasibətlərini dərc etməyə hazırıq...
Demokratik.Az