Xəbər lenti
Bütün xəbərlər

Aslan İsmayılov da danışdı: "Vüqar Səfərliyə cinayət işi açılmalıdır"

  • 06 apr 2020, 14:56
İşdən azad olunan KİVDF sədri Vüqar Səfərlinin fəaliyyəti araşdırmalı və ona cinayət işi açılmalıdır. Bu iddia ilə tanınmış hüquqşünas Aslan İsmayılov çıxış edib. 
Onun fikrincə, mütləq oğurlanmış milyonlar geri qaytarılmalıdır:
“Vüqar Səfərli Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun İcraçı direktoru vəzifəsindən azad edilib. Bəli, bu çox yaxşı addımdır. Ancaq uzun illər Azərbaycan mətbuatını məhv edən, ondan “reket dəstəsi” düzəldib insanları terror etdirən, əxlaqsızlıq tirajlayan, büdcənin milyonlarını talayan, şəhid ailələri, müharibə əlilləri kirayədə yaşadıqları zamanda dövlət hesabına həyasız, reket jurnalistləri rüşvət müqabilində evlə təmin edən, Əli Həsənovun pul kisəsi olan birisinin beləcə rahat getməsi yolverilməzdir. 
500-1000 manata görə müəllimlər, həkimlər, biznes adamları haqqında cinayət işi başlayıb istintaq aparan Respublika Prokurorluğunun Korrupsiya ilə Mübarizə İdarəsinin əsl işi belələri ilə olmalıdır ki, büdcədən oğurlanmış yüz milyonları sahibinə qaytarsın. Bu tipin də aid olduğu cinayətkar dəstəni ifşa etsin. Bu edilməyəcəksə bu sərəncam sadəcə oğurlanmış milyonların üstünü örtməkdir”.
Oxşar xəbərlər