Gəncə Dövlət Universitetinin dekan müavininə cinayət işi açılıb

  • 19 mar 2020, 15:12
Gəncə Dövlət Universitetinin dekan müavininə cinayət işi açılmasına dair məlumat yayılıb.
Demokratik.Az-ın məlumatına görə, Universitetin Pedaqoji fakultəsinin dekan müavini Yusifov Anar İdris oğlu dələduzluqda və rüşvət vermədə təqsirləndirilir.
Onun barəsində Cinayət Məcəlləsinin 178-ci (dələduzluq), 312-ci (rüşvət vermə) maddələri ilə ittiham verilib.
A. Yusifovun barəsində aparılan ibtidai istintaq başa çatıb. Cinayət işi baxılması üçün Gəncə Ağır Cinayətlər Məhkəməsinə göndərilib. İş hakim Dadaş İmanovun icraatına verilib. Məhkəmənin hazırlıq iclası martın 30-a təyin edilib.
Gəncə Dövlət Universitetinin rektorunun müşaviri Asif Cavadov olaya münasibət bildirib. Müşavir APA-ya bildirib ki, A. Yusifovun barəsində cinayət işi açılandan sonra dekan müavinliyindən azad olunub: "O, hazırda universitetdə Bədən Tərbiyəsi kafedrasında müəllim kimi çalışır”.
Bildirək ki, son illər GDU-da oxşar ittihamlar üzrə cinayət işinə cəlb edilən müəllimlərin sayı artmaqdadır. Ötən il saxta diplom qalmaqalı ilə də universitetin bir qrup əməkdaşı həbsə atılıb.
Demokratik.Az
Oxşar xəbərlər