Demokratik TV
13 yaşlı qızı zorlayan gəncin anası: “qız çox şən idi” (FOTO)
Türkiyədə 13 yaşlı qızı dəfələrlə zorlayan 25 yaşlı gəncin anası danışıb.ANS PRESS-in məlumatına görə, həbs edilən 25 yaşlı Bahadır K.-nin anası Selver K. məhkəmədə səslənən bütün ittihamların yalan olduğunu bildirib. Onun sözlərinə görə, qaçırılan S.Ö.nün könüllü olaraq oğlu ilə yaşadığını bildirib.
Qadının məhkəməyə oğlu ilə qaçırılan qızın birgə çəkdirdiyi fotoları təqdim edib. O, oğlunun qızla zorla cinsi əlaqədə olmadığını bildirib.
"Heç məcburən qaçırılan və zorlanan qız fotolardakı kimi xoşbəxt görünə bilərmi? Heç kimsə məcburən elə şən görünə bilərmi? Xoşbəxtlikdən az qala uçan qız necə məcburi qaçırıla və zorlana bilər”, - deyə Selver K. bildirib.
Qadın qaçırılan qızın yaşının az olduğunu də bilmədiklərini vurğulayıb: "S.Ö. yaşından 10 yaş böyük görünürdü. Bizə 20 yaşı olduğunu demişdi”.
Selver K. məhkəməyə verdiyi ifadədə onu da vurğulayıb ki, S.Ö.-nü məcburən dilənməyə vadar etməyib.
Məhkəmədə ifadə verdikdən sonra saxlanılan Bahadır K.-nın atası Arif K. ilə anası Selver K. sərbəst buraxılıb.
Qeyd edək ki, ötən həftə Türkiyədə 13 yaşlı qızı dəfələrlə zorlayan 25 yaşlı gənci polis yaxalayıb. Əməliyyat qızın valideynlərinin şikayətindən sonra keçirilib. Valideynlər şikayətlərində bildiriblər ki, qızları 13 yaşlı S.N. 3 ay bundan əvvəl yoxa çıxıb. Sonra məlum olub ki, onu qonşuluqda yaşayan 25 yaşlı Bahadır K. qaçırıb.
Bahadır K. əvvəlcə qıza elçi gəlibmiş. Lakin yaşı az olduğu üçü onu ərə verməyiblər. Bu zaman Bahadır K. qızı qaçırıb və valideynlərinə zəng vuraraq bildirib ki, S.N. məndədir. O, uşağın valideynlərini polisə xəbər verilərsə, qızı öldürəcəyilə qorxudub.
Daha sonra qızı dəfələrlə zorlayıb. Bahadır K.-nın atası, anası və əmisi 13 yaşlı qızı dilənməyə məcbur ediblər. S.N.-in valideynləri başlarına gələn müsibət barədə polisə xəbər veriblər. Keçirilən əməliyyatda tutulan Bahadır K. Ittihamları qəbul etməyib.
Lakin sonradan göstərilən dəlillər və qızın ifadəsi nəticəsində hər şey məlum olub.
Məhkəmənin qərarı ilə Bahadır K.-nin atasına, anasına və əmisinə azyaşlının köməksizliyindən istifadə edərək diləndirmək maddəsilə ittiham irəli sürülüb. Bahadır K.-nin özü isə azyaşlını zorlamaq və onun köməksizliyindən istifadə edərək ölümlə təhdid etmək maddəsilə cinayət işi qaldırılıb.
Keçirilən ilk məhkəmədə Bahadır K. Günahkar bilinərək həbs edilib.
