"16 yaşım olan zaman digər qızlar kimi olmayacağımı düşünərək özümə qapandım..."

Uelsdə 28 yaşlı gənc qadın 9 yaşında qaz partlaması nəticəsində yanıb və şiddətli sinə yanıqları səbəbi ilə 60-dan çox əməliyyat olub. Kiçik yaşlarından bəri zorakılıqla mübarizə aparan qadın indi bədənini qəbul etmənin xoşbəxtliyini yaşayır.
 
Moderator.az xəbər verir ki, Uelsin paytaxtı Kardiffdə yaşayan Saça Pugsley adlı qadın bədənini sevməyi və yara izlərini qucaqlamağı öyrəndikdən sonra çılpaq pozalar verib. Dəhşətli hadisədən sonra 3 ay komada, iki il də xəstəxanada qalan qadın 60 -dan artıq əməliyyat keçirib. 
Gənc qadın yaşadığı bədbəxt hadisəni belə danışır: 

“9 yaşım vardı. Yaşadığım yerin yaxınlığında əlində alışqan və benzin dolu qabla keçən uşaqlar vardı. Hər ikisi birdən alov aldı və yandım. Oyananda əməliyyat olmuşdum və hər yerim sarğı içində idi. Çox qorxunc idi. 16 yaşım olan zaman digər qızlar kimi olmayacağımı düşünərək özümə qapandım və hər kəsdən uzaq bir həyat yaşamağa başladım. Heç vaxt döşlərim olmayacaqdı” 
 
Evlənən və beş yaşında bir oğlu olan gənc qadın oğlu doğulduqdan sonra dünyaya baxışının dəyişdiyini deyir. İngilis fotoqraf Sofiya Mayennein “Behind the Skars” (Yaraların arxasında) adlı foto layihəsi üçün poza verən Saça fotoşəkillərini sosial media hesabında bölüşdükdən sonra xoş mesajlar alıb.

İndi 28 yaşında olan qadın hekayəsi və yara izləri ilə insanların köməyinə gedir və insanlara inam aşılayır.