“Broker Əbülfəz”-ə DGK-da vəzifə verilməyib" /Açıqlama

Dövlət Gömrük Komitəsi "Broker Əbülfəz” kimi tanınan Əbülfəz Məlikovun vəzifəyə təyin olunması barədə yayılan məlumata münasibət bildirib.

DGK-nın açıqlamasında qeyd olunur ki, bu gün bəzi Kütləvi İnformasiya Vasitələrində Dövlət Gömrük Komitəsi sədrinin əmri ilə Bakı Baş Gömrük İdarəsinin Abşeron gömrük postuna rəis təyin olunması barəsində yayılan məlumatlar əsassız və yalandır.

DGK onu da bildirib ki, məlumata görə, Bakı Baş Gömrük İdarəsinin Abşeron gömrük postuna hər hansı təyinat olmayıb və postun rəisi Şükürov Muxtar Fazil oğludur.

Dövlət Gömrük Komitəsi bir daha media qurumlarını və jurnalistləri komitə, onun əməkdaşları və ya fəaliyyəti barədə məlumat verərkən diqqətli olmağa, dəqiqləşdirilməmiş məlumatları yayımlamaqdan çəkinməyə dəvət edib.

Xatırladaq ki, adıçəkilən "Broker Əbülfəz”, yəni Əbülfəz Məlikov "TransBroker MMC"-nin sahibidir. Bu şirkət gömrük-broker xidmətləri həyata keçirir. 

Demokratik.Az