Aşıq Ədalət dəfn olundu

Azərbaycanın əməkdar incəsənət xadimi, ustad aşıq Ədalət Nəsibov Qazaxda dəfn olunub.

Bununla bağlı sosial şəbəkələrdə yayılan fotolardan aydın olur ki, mərasimdə Aşıqlar Birliyinin rəhbərliyi, tanınmış aşıqlar, Qazax ziyalıları iştirak ediblər.

Xatırladaq ki, aşıq Ədalət Nəsibov ötən gün uzun sürən xəstəlikdən sonra dünyasını dəyişib. Ustad aşığın vida mərasimi Bakıda nəzərdə tutulsa da, sonradan mərhumun cənazəsi vəsiyyətinə əsasən Qazağa aparılıb.