“Qızıl Məryam”ın məhkəmə işində yeni gəlişmə

Bakı Ağır Cinayətlər Məhkəməsində "Jewellery” zinət əşyaları mağazasının sahibi, "Qızıl Məryəm" kimi tanınan Məryam Namet-zadə qətli ilə bağlı təqsirləndirilən şəxslərin cinayət işi üzrə məhkəmə iclası keçirilib. Hakim Eynulla Vəliyevin sədrliyi ilə keçirilən prosesdə təqsirləndirilən şəxslərin vəkilləri vəsatətlə çıxış edərək, cinayət işində ailə məsələləri və şəxsi münasibətlərlə bağlı hissələrin olmasına görə məhkəmə islaslarının qapalı keçirilməsini istəyiblər. Vəsatət təmin edilib və məhkəmə proseslərini qapalı keçirilməsi ilə bağlı qərar qəbul edilib. 

Prosesdə prokuror ittiham aktını elan edib. Təqsirləndirilən şəxslərdən Ceyhun Əsgərov özünü qismən təqsirli bilib. Günel və Nicat isə özlərini təqsirli bilməyiblər. 

Proses sentyabrın 30-da davam etdiriləcək.

Qeyd edək ki, Təqsirləndirilənlərdən biri Məryam Nemət-zadənin öz qızı 1988-ci il təvəllüdlü Günel Hüseynova, bacısı oğlu 1998-ci il təvəllüdlü Nicat Eyvazov və 1997-ci il təvəllüdlü Ceyhun Əsgərovdur. 

Hadisə bu ilin yanvar ayında baş verib.  Bakı şəhər Baş Polis İdarəsi və şəhər prokurorluğunun rəsmi məlumatına görə, Nəsimi rayonu ərazisində qeyri-aşkar şəraitdə törədilmiş qətlin üstünün "isti izlər”lə açılıb. Belə ki, yanvarın 5-də saat 09:00 radələrində 1965-ci il təvəllüdlü Namet-zadən Məryəm Tofiq qızının yaşadığı mənzilində üzərində çoxsaylı kəsilmiş-deşilmiş xəsarətlərlə müşayiət olunan meyitinin aşkar edilməsi barədə daxil olmuş məlumat əsasında polis və prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, maddi sübutlar götürülüb, digər zəruri prosessual hərəkətlər yerinə yetirilib. Fakta görə rayon prokurorluğunda Cinayət Məcəlləsinin 120.2.4, 120.2.11 (quldurluqla əlaqədar xüsusi amansızlıqla qəsdən adam öldürmə) və 181.3.3-cü (quldurluq, zərərçəkmiş şəxsin sağlamlığına ağır zərər vurulmaqla törədildikdə) maddələri ilə cinayət işi başlanıb. 

Polis və prokurorluq orqanları tərəfindən həyata keçirilmiş təxirəsalınmaz istintaq və əməliyyat-axtarış tədbirləri nəticəsində cinayətin mərhumun qızı 1988-ci il təvəllüdlü G.Hüseynova, qohumu (bacısı oğlu) 1998-ci il təvəllüdlü N.Eyvazov və 1997-ci il təvəllüdlü C.Əsgərov tərəfindən törədilməsində əsaslı şübhələr olduğundan onlar tutularaq istintaqa cəlb olunublar. Həmin şəxslər barəsində məhkəmə qərarı ilə həbs qətimkan tədbiri seçilib və ittiham irəli sürülüb. 

Xatırladaq ki, qətlə yetirilən M.Namet-zadən Bakıda qızıl alveri ilə məşğul olub. Cinayəti törətməkdə təqsirləndirilən onu qızı G.Hüseynova boşanıb. Onun keçmiş həyat yoldaşından azyaşlı qızı var.