Şirvan rayonunun deputatı da biznesmen çıxdı - 18 min maaş və Ofşor şirkəti...

Tanınmış mühacir jurnalist Həbib Müntəzir Şirvan rayonunun deputatı İltizam Yusifov barədə maraqlı məlumat paylaşıb.
"Demokratik.Az" jurnalistin iddiasına əsasən bildirir ki, sən demə İ.Yusifov Milli Məclisə düşənədək "Shirvan Operating Company ltd" şirkətinin vitse-prezidenti olub və hələ də həmin biznes fəaliyyətini davam etdirir. Eləcə də hər ay 18.600 manat əməkhaqqı alır.
Bilirik ki, Azərbaycan qanunvericiliyinə görə deputat yalnız pedeqoloji fəaliyyətlə məşğul ola bilər. Buna baxmayaraq İltizam müəllimin bilə-bilə öz biznes fəaliyyətini əldə saxlaması maraq doğurur.
Həbib Müntəzirin yaydığı sənəddən aydın olur ki, Dövlət Sosial Müdafiə Portalından çıxarış sənəddə qeyd olunur ki, iki neft şirkəti "Shirvan Operating company LTD" şirkətinin filialı və Kayman adalarının "Karasu Operating Company" şirkətinin filialı deputata hər ay maaş ödəyir.
Bundan başqa, İltizam Yusifov müəllim Vircin adalarında ofşor şirkətinə də sahibdir.

Demokratik.Az