Mövcud olmayan şirkət GDU-da tenderin qalibi oldu

  • 14 iyun 2021, 23:52
Gəncə Dövlət Universiteti tərəfindən keçirilən tender müsabiqəsinin (kotirovka sorğusu) qalibi məlum olub.
Demokratik.Az Yeniavaz.com saytına istinadən bildirir ki, bu gün yayılan rəsmi açıqlamalarla məlum olub ki, universitetin keçirdiyi tender müsabiqəsinin qalibi “Viper” MMC olub.

“Viper” MMC Gəncə Dövlət Universitetinin sifarişi əsasında abadlaşdırma işləri görəcək və bunun qarşılığında 49 min 95 manat 1 qəpik alacaq.

Qeyd edək ki, kotirovka sorğusu 12.04.2021-ci il tarixində elan olunub. Elanda bildirilib ki, kotirovka sorğusunda iştirak etmək üçün sənədlər 12.04.2021-ci il saat 16:00-dan – 16.04.2021-ci il saat 12:00-dək qəbul olunur.
Tender müsabiqəsində diqqət çəkən məqam odur ki, qalib şirkət “Viper” MMC sənəd qəbulu başa çatdıqdan 7 gün sonra – 24.04.2021-ci il tarixində dövlət qeydiyyatına alınıb.

Məlumat üçün bildirək ki, nizamnamə kapitalı 30 manat olan “Viper” MMC–nin hüquqi ünvanı Nəsimi rayonu, Dilarə Əliyeva, ev 225, m 54-də yerləşir. MMC-nin qanuni təmsliçisi Həşimova Ayşən Əlizal qızıdır.

Maraqlı məqamlardan biri də odur ki, Gəncə Dövlət Universiteti bu cür qeyri-adi tender müsabiqəsini əvvəllər də keçirib. Belə ki, ötən il Gəncə Dövlət Universiteti “Bazar Trade Rave” MMC-yə “Yumşaq İnventar, yataq ləvazimatları və xüsusi geyimlərin alınması” üçün 195 min 798 manat ödəyib. “Bazar Trade Rave” MMC tender müsabiqəsinin başlamasından təxminən bir ay sonra dövlət qeydiyyatına alınıb. Gəncə Dövlət Universiteti 17.03.2020-ci il tarixində tender müsabiqəsinə başlayıb. “Bazar Trade Rave” MMC isə bir ay sonra 14.04.2020-ci il tarixində dövlət qeydiyyatına alınıb.

Mövcud olmayan şirkət GDU-da tenderin qalibi oldu
Mövcud olmayan şirkət GDU-da tenderin qalibi oldu
Oxşar xəbərlər