Xarici mütəxəssislər ADAU-da olub

Latviya Təbiət Elmləri və Texnologiyaları Universitetinin nümayəndə heyəti və Kənd Təsərrüfatının Rəqabət Qabiliyyətinin
Gücləndirilməsi Layihəsinin nümayəndələri Azərbaycan Dövlət Aqrar Universitetində (ADAU) olublar.
"Demokratik.Az"-ın məlumatına görə, Kənd Təsərrüfatının Rəqabət Qabiliyyətinin Gücləndirilməsi Layihəsi çərçivəsində Azərbaycan Dövlət Aqrar Universitetinin Baytarlıq təbabəti və zoomühəndislik fakültəsinə dəstək proqramı icra olunur.
Bu barədə saytımıza universitetin mətbuat xidmətindən ötürülən rəsmi məlumatda bildirilir.
Səfərin məqsədi Latviyanın Qida və Baytarlıq Xidmətinin regional ofisinin rəhbəri Marek Samoxvalov və Latviya Təbiət Elmləri və Texnologiyaları Universitetinin Baytarlıq fakültəsinin dekanı professor Kaspars Kovalenko fakültənin müəllim heyəti ilə birgə tədris proqramını təkmilləşdirmək və müzakirələr apararaq təkliflərin hazırlanmasında iştirak etməkdir.
Görüş zamanı səfərdən məmnunluğunu bildirən Universitetin rektoru, AMEA-nın müxbir üzvü, professor İbrahim Cəfərov mövcud layhiələrin perspektivindən və gələcəkdə planlaşdırılan layihələr haqda fikirlərini bildirib.
Demokratik.Az