Qazaxıstan Azərbaycana aviareyslərin sayını azaldacaq

  • 02 mart 2020, 10:17
Qazaxıstan martın 5-dən etibarən koronavirus infeksiyası hallarının qeydə alındığı ölkələrə, o cümlədən Azərbaycana aviareyslərin sayını azaldacaq.
“Report” “Tengrinews.kz” portalına istinadən xəbər verir ki, bu barədə Qazaxıstanın Sənaye və İnfrastruktur İnkişafı nazirinin müavini Berik Kamaliyev hökumətin iclasında bildirib.
“Nur-Sultan-Bakı reysi martın 5-dən etibarən dayandırılacaq. Almatı-Bakı reysini beşdən birə endirəcəyik. Aktau-Bakı reysi yeddidən birə düşəcək. Nur-Sultan-Tokio aviareysi isə ikidən birə endiriləcək”, - B.Kamaliyev deyib.
Onun sözlərinə görə, yuxarıdakı reyslərə martın 1-dən biletləri olan sərnişinlər biletləri aldıqları yerlərə qaytara və ödədikləri pulu tam həcmdə geri ala bilərlər.
Oxşar xəbərlər