Azərbaycanda kredit təşkilatı satılıb

Azərbaycanda bank olmayan kredit təşkilatı -"Gold Finance” BOKT sahibini dəyişib.

FED.az-ın əldə etdiyi məlumata görə, BOKTun alqı-satqısı ötən həftə baş tutub. "Gold Finance”nin yeni sahibinin fiziki şəxs olduğu bildirilir.

Hazırda BOKTda daxili status bölgüsünün aparıldığı bildirilir. Digər vəzifəyə işçilərin hələ təyin olunmadığı məlumdur. Hətta hələ BOKTun İdarə Heyətinin sədrlərinin də seçilmədiyi bildirilir.

Tezliklə BOKTun sıfırdan formlaşdırılacağı və ofisinin də yerinin dəyişdiriləcəyi qeyd olunur.

Qeyd edək ki, "Gold Finance” BOKT 2013-cü ildə Bərdə şəhərində yaradılaraq fəaliyyətə başlayıb.

2018-ci ildə Gold Finance-ın təsisçilərinin tərkibində dəyişikliklər edilib. Ötən ilin sonunadək BOKTun direktoru vəzifəsini Babək Quliyev yerinə yetirib . Sonradan onu bu postda Vasif Əsgərov əvəz edib.