Xəbər lenti
Bütün xəbərlər

"Qarabağ" "Çelsi"nin sabiq ulduzunu transfer edir

  • 23 mar 2016, 09:27
Qana yığmasının və Yunanıstanın "Panatinaikos” klubunun yarımmüdafiəçisi Maykl Essyen karyerasını Azərbaycanda davam etdirə bilər. Fanat.az xəbər verir ki, bu barədə Yunanıstan mətbuatı məlumat yayıb.

Məlumatda bildirilir ki, İngiltərənin "Çelsi”, İspaniyanın "Real” (Madrid) və İtaliyanın "Milan” kubunun sabiq futbolçusu ilə Azərbaycanın "Qarabağ” klubu maraqlanır.

Qeyd edək ki, qanalı futbolçu karyerası ərzində Fransanın "Bastiya" (2000-2003), "Olimpik" (Lion, 2003-2005), İngiltərənin "Çelsi" (2005-2014), İspaniyanın "Real" (2012-2013) və İtanliyanın "Milan" (2014-2015) klublarında çıxış edib. 2015-ci ildən "Panatinaikos"da forma geyinən ulduz futbolçu Qana millisində 58 oyun keçirib və 9 qol vurub. 33 yaşlı yarımmüdafiəçi Fransa çempionluğunu (2 dəfə), kubokunu (2), İngiltərə çempionluğunu (2), Federasiya Kubokunu (4), Liqa Kubokunu (1), Super Kubokunu (1) və Çempionlar Liqasını (1) qazanıb.
Oxşar xəbərlər