Azərbaycan güləşçisi erməni rəqibini məğlub etdi

Azərbaycan güləşçisi İslambek Dadov Serbiyanın paytaxtı Belqradda keçirilən Fərdi Dünya Kubokunda yarımfinala yükləsib.
"Report"un məlumatına görə, 67 kq çəki dərəcəsində mübarizə aparan idmançı 1/4 finalda Ermənistan təmsilçisi Slavik Qalstyanla üz-üzə gəlib.
Qarşılaşma Dadovun qələbəsi ilə yekunlaşıb. Yarımfinal görüşləri Bakı vaxtı ilə saat 21:00-da başlayacaq.
55 kq-dakı Eldəniz Əzizli 1/4 finalda, Ülvü Qənizadə (72 kq) və İslam Abbasov (87 kq) 1/8 finalda, Sənan Süleymanov isə təsnifat mərhələsində uduzub. Onlar rəqibləri finala çıxacağı təqdirdə təsəlliverici görüşdə iştirak edəcəklər.
Qeyd edək ki, Fərdi Dünya Kuboku dekabrın 18-də başa çatacaq.