Neymar ən yaxşı oyunçu seçildi

Fransa Liqasında dekabr ayının ən yaxşı futbolçusu müəyyənləşib.

Qol.az-ın məlumatına görə, Fransanın futbolçularının həmkarlar ittifaqının saytında azarkeşlər arasında keçirilən səsvermənin yekun nəticəsinə əsasən PSJ-nin hücumçusu Neymar ötən ayın ən yaxşı oyunçusu seçilib. O, 50 faiz səs toplayıb. Mario Balotelli 2-ci ("Nitsa", 26 faiz), Kilian Mbappe 3-cü (PSJ, 24 faiz) olub.

Qeyd edək ki, Neymar dekabrda ölkə çempionatında 3 matçda 2 qol vurub, 3 qolun ötürməsini verib.