İŞİD “Yunus peyğəmbərin qəbri”ni partladıb

İraqın Misirdəki səfiri Həbib Məhəmməd Əs-Sədr "Əl-Həyat Əl-Yaum” telekanalına müsahibəsində İŞİD terrorçularının Mosulda aparılan hərbi əməliyyatlara qarşı hansı üsullardan istifadə etməsindən danışıb. Səfir çıxışında partlayış və dağıntıların İŞİD döyüşçülərinin əsas mübarizə metodu olaraq qaldığını bildirib. O qeyd edib ki, terrorçular peyğəmbər Yunusun qəbrini partladıblar və yanvarın 1-də Mosulun cənuyb hissəsində bir sıra neft quyularına od vurublar. İraqlı diplomat vurğulayıb ki, od tutmuş neft quyularının bəzilərini hökumət qoşunlarının köməyi ilə söndürmək və beləliklə də, çoxsaylı itkilərin qarşısını almaq mümkün olub (virtualaz.org).