Xəbər lenti
Bütün xəbərlər

Sarkisyan hakimiyyətə nəzarəti itirib?

  • 27 apr 2016, 21:35
Dördgünlük müharibənin ilk günlərində vahid idarəetmənin olmadığı, ordunun özbaşına hərəkət etdiyi və Sarkisyanı qismən tanıdığı hissi yaranırdı. 

Bu barədə Ermənistanın "Lragir.am” portalının əməkdaşı Naira Ayrumyan analitik məqaləsində yazıb. O, hazırda Ermənistan Prezidenti Serj Sarkisyanın iki seçim arasında qaldığını bildirib: 

"Sarkisyan bir neçə gün öncə "Blumberq” agentliyinə müsahibəsində Dördgünlük müharibə zamanı Rusiya Baş Qərargah rəisinin sülhlə bağlı danışıqlar aparmaq üçün Ermənistanın Baş Qərargah rəisinə zəng vurduğunu dedi. Rusiya niyə Müdafiə naziri Seyran Ohanyana, Prezident Administrasiyasına yox, Yuri Xaçaturyana zəng vurdu? Bu, o mənaya gəlir ki, Sarkisyan hərbi-siyasi rəhbərliyə tam nəzarət edə bilmir? Müharibənin ilk günlərində vahid idarəetmənin olmadığı, ordunun özbaşına hərəkət etdiyi və Sərkisyanı qismən tanıdığı hissi yaranırdı”.  

Müəllif hesab edir ki, Sarkisyan müsahibəsində 5 rayonu qaytarmağa hazır olduğunu bildirməsi ilə XİN rəhbəri Edvard Nalbəndyanı çətin vəziyyətdə qoydu:  

"İndi Nalbəndyan ya Sarkisyanın yeni siyasi xətti ilə hərəkət edəcək, ya da istefaya gedəcək. İstisna deyil ki, vəzifəsindən gedən növbəti şəxs Nalbəndyan olacaq. Sarkisyanın day a hakimiyyətə nəzarət edə bilmədiyini etiraf etməli, ya da bütün hakimiyyəti ələ keçirməlidir”.

axar.az 
Oxşar xəbərlər