İranda COVID-19-dan ölənlərin sayında artım müşahidə edilib

İranda koronavirusa yoluxma və ölüm hallarında artım müşahidə edilir.
AZƏRTAC İranın Səhiyyə Nazirliyinin açıqlamasına istinadla xəbər verir ki, son sutkada ölkə ərazisində 33 min 780 nəfər koronavirusa yoluxub, 669 nəfər isə bu xəstəlikdən həyatını itirib. Bununla da İranda COVID-19 yoluxanların ümumi sayı 4 milyon 960 min 744 nəfərə, ölənlərin ümumi sayı isə 107 min 151-ə çatıb.
Ölkə üzrə xəstəxanalarda müalicə alan 7 min 886 xəstənin vəziyyəti ağır olaraq qalır. Eyni zamanda müalicə alan 4 milyon 175 min 504 sağalaraq evə buraxılıb.