"2022-ci ilədək maska taxın” - Bayden

ABŞ Prezidenti Co Bayden ölkəsinin hələ də koronavirus pandemiyasının pəncəsində olduğunu dilə gətirib.
“Qafqazinfo”nun xəbərinə görə, prezident buna görə 2022-ci ilədək maska taxmağın zəruriliyindən danışıb.
“Yayadək 300 milyon amerikalıya kifayət edəcək qədər vaksin əldə edəcəyik. 2021-ci ilin yanvarı yaşadığımız ən ölümcül ay idi. 100 min vətəndaşımızı itirdik.
Gələn ay 500 min ölünü keçə bilərik. Ortaya çıxan yeni ştammlar görünməmiş çətinliklər yaradır. Maska taxmaq hələ də xilas olmaq üçün ən asan yoldur. Hər kəsin maska taxmasına ehtiyacımız var”, - ABŞ lideri qeyd edib.