Daha bir ölkədə koronavirusdan ilk ölüm qeydə alındı

Yəməndə koronavirusa yoluxan 2 nəfər ölüb.
“Report” Yemen TV-yə istinadən xəbər verir ki, bu, ölkədə qeydə alınan koronavirusdan ilk ölüm halıdır.
Qeyd edək ki, Yəməndə koronavirusa ilk yoluxma faktı aprelin 10-da qeydə alınıb.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.
Dünyada koronavirus infeksiyasına indiyədək yoluxanların sayı 3 221 000-i ötüb. Bunların 1 005 229 nəfəri sağalıb, 228 263 nəfəri isə ölüb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.