Çində koronavirus qurbanlarının sayı 2663 nəfərə çatıb

Çində yeni növ koronavirusun yaratdığı pnevmoniya səbəbindən ölənlərin sayı 2663 nəfərə çatıb.
APA xəbər verir ki, bu barədə ÇXR-in Səhiyyə məsələləri üzrə Dövlət Komitəsi açıqlama yayıb.
Məlumata əsasən, 27,2 min insan müalicə yolu ilə bu virusdan xilas olub.
Son gün ərzində 71 ölüm faktı qeydə alınıb, təxminən 2,6 min insan xəstəxanalardan evə buraxılıb. Çində yeni növ koronavirusa yoluxanların ümumi sayı isə 77,6 mindən çoxdur.