Türkiyədə dövlət çevrilişi necə başlandı, Ankarada düyməni kim basdı?

Avropa.info xəbər verir ki, ordu generalı Axın Öztürk, Hava Qüvvələri Komandanlığına Balyoz  əməliyyatı zamanı bir çox komandanın həbs olunmasının ardından 2013-ci ildə gətirilmişdi . İki il komandanlıq etdikdən sonra  2015-ci ilin avqustunda onun yerinə ordu generalı Abidin Ünal təyin olunub. Ordu generalı Öztürk, bir il idi ki,  Ali Hərbi Şuranın üzvü  kimi vəaliyyətini davam etdirirdi, bu ilin avqust ayının 30-da pensiyaya çıxacaqdı.

Ötən il Fəttullahçı Terror Təşkilatı ilə (FETÖ) əlaqələri olduğu iddia edilən Axın Öztürkün  çevriliş edə biləcək potensiala malik olduğu  bir qrup zabit tərəfindən  Türkiyə  Ordusunun  Baş Qərargahı rəhbərliyinə bildirilib. 

 

Türk Silahlı Qüvvələrinin  dövlətdən təmizlənməyə başlanan FETÖ  ilə əlaqələrə  malik general və admiraldan  yaxın günlərdə  təmizlənəcəkdi. Bunun üçün  yaxın vaxtlarda  keçiriləcək Ali Hərbi Şurada pensiya vaxtı çatan  Öztürkün  və Quru Qoşunları Təlim  və Təhsil  mərkəzinin  komandiri General-leytenant  Mətin İyidilin təqaüdə göndəriləcəyi bildirilirdi. Buna görə də hər iki generalın düyməni basdığı qeyd olunur. Dövlət çevrilişi baş tutsaydı  Akın Öztürk Türkiyə ordusunun Baş Qərərgah rəisi olacaqdı. 

 

                                        ÇEVRİLİŞ GECƏSİ TOY VARDI

 

Dünən gecə  İstanbulda  Türkiyə ordusunun Hava Qüvvələrinin Raketlərdən Müdafiə bölməsinin komandanı  general-polkovnik  İlhan Şanverin qızının toyu idi. Moda Dəniz klubundakı toya bütün Hava Qüvvələrinin  yüksək səviyyəli komandirləri  çağırılmışdı. Başda Hava Qüvvələri Komandanı, ordu generalı Abidin Ünal olmaqla bütün  generallar və yüksək səviyyəli komandirlər İstanbula gəlmişdi. Toya qatılmayan yeganə komandir isə ordu generalı Axın Öztürk idi.

 

                                        ANKARADA DÜYMƏYƏ BASILIB

 

Ordu generalı Axın Öztürk, dünən gecə  TÜrkiyə vaxtı ilə  22.00-da  Ankara Akıncı 4-ci Əsas Təyyarə Bazası Komandanlığından F-16-ların qaldırılması ilə əməliyyat üçün düyməyə basıb. Əməliyyat, Öztürkün kürəkəni hava pilot qərargahı  polkovnik -leytenantı  Hakan Karakuşun  komandiri olduğu Akıncı Bazasındakı 141-ci flodan başlayıb. 

Polkovnik-leytenant  Karakuş, iki il öncə Ankara  Küveytli diplomatlarla dava etmiş və davada döyülməsi ilə gündəmə gəlmişdi.

 

                                        TANKER TƏYYARƏLƏR GÖNDƏRİLİB

 

F-16-ların uzun müddət havada qala bilməsi üçün İncirlik Hərbi Hava Bazasından KC135R tipli iki tanker təyyarə göndərilib. Bu təyyarələr əvvəlcə Ankarada, sonra da İstanbulda  F-16-ların saatlarla havada qalmasını təmin edib.

 

                                      TOYDAKI GENERALLAR GİROV GÖTÜRÜLÜB

 

General-polkovnik  İlhan  Şanverin qızının Modadakı toyunnun keçirildiyi yerə  bir Sikorsky S-70 tipi helikopter enib. Hava Qüvvələri Komandanı, ordu generalı Abidin Ünal başda olmaqla bütün komandir  heyəti vertolyota mindirilərək  naməlum bir yerə aparılıb. Bununla da  Hərbi hava Qüvvələrinin yüksək səviyyəli qrupunun qiyamçılar  tərəfindən qaçırılması, baza və donanmaların sürətli reaksiya verməsinin qarşısını alıb.

 

                                      HƏRBİ  AVİASİYADAN  ÇEVRİLİŞ  CƏHDİNƏ DƏSTƏK

 

Çevriliş cəhdinə Hərbi Hava Qüvvələrindən Ankara Akıncı 4-ci Əsas Təyyarə Bazası,  İncirlikdəki  10-ci Tanker Bazası Komandanlığı  ilə yanaşı, Ankaradalı  hərbi  və jandarm  aviasiya qüvvələrindən də dəstək verildiyi bildirilir. Sikorsky S-70-lərlə yanaşı, Ankarada AH-1 Cobra vertolyotlarının da havaya qalxdığı  və müxtəlif bölgələrdə atəş açdığı müəyyənləşib.

 

Bu proseslədən sonra,  Hava Qüvvələrinin hökumətin nəzarətindəki  hərbi bazalarından qiyamçıları zərərsizləşdirmək üçün, bütün f-16-lar havaya qaldırılıb. Prezident Ərdoğanın  "vur "əmri verdiyi də bildirilir.  Bir S-70 vertolyotu isə Hava Qüvvələrinə məxsus  F-16 tərəfindən vurulub.

 

                     ƏRDOĞANI QORUYAN F-16-LAR QİYAMÇILARIN TƏYYARƏLƏRİNİ QOVDU

 

Prezident Ərdoğan  Dalamandan  VIP təyyarəsinə minərək, İstanbul Atatürk Hava Limanına  doğru  hərəkət edib. Bir saata yaxın Biga səmalarında gözləyən  təyyarələni  F-16lar müşayiət edib. Təyyarənin İstanbul Atatürk Hava Limanına enməsindən sonra, qiyamçıların ələ keçirdiyi  F-16-lar  Bandamdan  qalxan F-16-lar  tərəfindən qovulub.

 

Ərdoğanın təyyarəsi endikdən sonra, qiyamçıların ələ keçirdikləri   iki F-16 təyyarəsi Atatürk Hava Limanı üzərindən səs sürətini aşaraq çox alçaqdan uçub. Bəzi obyektlərin  şüşələri sınıb. Bu zaman təyyarələrin İstanbul hava məkanında KC135R tanker təyyarələrindən yanacaqdoldurduqları məlum olub.

 

Bütün baş verən olaylardan sonra, qiyamçı  pilotların istifadə etdiyi F-16-lar  və tanker təyyarələr  pilotları  , yerdən dəstək verən qruplarla birlikdə həbs olunub.

 

Demokratik.Az