AQRAR UNİVERSİTETDƏ AVRO-ATLANTİK MƏLUMAT MƏRKƏZİ DƏYİRMİ MASA KEÇİRİB

Azərbaycan Dövlət Aqrar Universitetində "Dövlət, biznes, təşkilatlar və fərdlərin formalaşan elektron informasiya resurslarının qorunması; Kibertəhdilər, risqlər və problemlər” mövzusunda dəyirmi masa keçirilib.

         ADAU-nun mətbut xidmətindən Demokratik.Az-a verilən xəbərə görə   Gəncə Avro-Atlantik  Məlumat Mərkəzi idarə heyətinin sədri Mehman Xəlilov və ADAU-nun tədris işləri üzrə prorektoru Anar Hətəmov müasir informasiya dövründə kibertəhlükəsizlik məsələlərinin aktuallığından və respublikamızda informasiya cəmiyyətinin inkişafı mərhələsində kibertəhlükəsizlik məsələləri ilə bağlı dövlət tərəfindən həyata keçirilən islahatlara ictimai dəstəyin gücləndirilməsinin əhəmiyyətindən danışıblar.

         "Neuron Technologies” şirkətinin kibertəhlükəsizlik departamentinin əməkdaşlarından Əlihüseyn Əliyev və Elşad Şiriyev təqdimatla çıxış edərək özəl qurumların və təhsil müəssisələrinin, təşkilatların və fərdlərin formalaşan elektron informasiya resurslarının qorunması üsulları və müdafiə vasitələri haqqında, eyni zamanda mövcud kibertəhdilər, risqlər və problemlər barəsində, o cümlədən təhsilin elektron idarə edilməsi sistemlərinin informasiya təhlükəsizliyi barədə iştirakçıları məlumatlandırıb.

         50nəfərdən çox universitet əməkdaşının, tələbələrin və ictimaiyyətin digər nümayəndələrinin iştirakı ilə keçirilən tədbirin sonunda kibertəhlükəsizlik məsələlərinin bir sıra aspektləri ətrafında müzakirələr və fikir mübadilələri aparılıb, tədbir iştirakçıları mövzuya dair ətraflı məlumatlar əldə edib.

Demokratik.Az