Gəncə sakini Ombudsmana səsləndi:
- 28 fev 2017, 08:52
Hörmətli Ombudsman
Elmira Süleymanova,siz deyirsiniz ki, sənədsiz evlərə və torpaqlara mülkiyyət
hüququ verilməlidir. Əfsuslar olsun ki, Azərbaycanın bəzi Icra Hakimiyyəti
Başçıları heç kimsəni veclərinə belə almırlar. Gəncə şəhər Icra Hakimiyyəti
Başçısı Elmar müəllim sərəncamla paylanmış Natəvan qəsəbəsinin evlərinə
mülkiyyət hüququ vermək fikrində DEYİL. Ola bilsin ki, bəzi IHB-ları özlərini
ən yüksəklikdə, toxunulmaz hiss edirlər deyə sıravi xalqı tapdalayırlar.
Gəncə şəhəri,Natəvan qəsəbəsinin sakinlərinin çox hissəsi kasıb insanlardan
ibarətdir. Bizlərin kimə isə pul verərək halal evlərimizi öz mülkiyyətimizə
çevirmək imkanımız YOXDUR! Gəncə şəhər Icra Hakimiyyəti isə bu barədə əlini
tərpətmək fikrində deyil. Nə qədər sənədsiz yaşamaq olar? Qəsəbə sakinlərinin
xeyli hissəsi yaşlı, ahıl, qoca insanlardır. Evlərin sənədləri yoxdur deyə, bu
gün-sabah yaşlı sakinlərdən kimsə Allah eləməmiş kimi dünyasını dəyişsə,
övladları sənədlərin arxasınca gedib-gəlməkdən yollarda qalacaqlar. Hələ bundan
əlavə sənədləri həll etməkçün xeyli pul lazım olacaqdır. Daha doğrusu həmin
dünyasını Allah eləməmiş kimi dəyişən şəxsin övladları böyük bir bəla ilə
rastlaşacaqlar. Mən anlaya bilmirəm ki, bu IHB-ları vətəndaşlara qarşı niyə
belə laqeyid münasibət göstərirlər. Bu barədə insanlar müraciət etməyə adres də
tapa bilmirlər. Artıq pul xərcləməməyin dərdindən qəsəbə sakinləri sakitcə
gözləmək mövqeyindədirlər. Allah biz sakinlərə kömək olmasa,deyəsən bu İHB-sı
da sənədlərin qaydaya düşməsinə aid heç bir müsbət iş görməyəcəkdir. Nə bilim.
Yaşayarıq,görərik...
Hörmətlə: "Gül.-Gün." sahibkar müəssisəsinin sahibkarı;
Gəncə şəhəri,Natəvan qəsəbəsi,5-ci küçədə yaşayan-Niyazov Niyaz Novruz oğlu
Demokratik.Az