Xalq artisti Nəriman Əzimov Gəncədə dəfn olunub

Azərbaycanın xalq artisti, dirijor Nəriman Əzimov Gəncədə dəfn edilib.

APA-nın qərb bürosunun verdiyi məlumata görə, onunla vida mərasimi Gəncə Dövlət Dram Teatrında təşkil olunub. Mərasimdə şəhərin mədəniyyət, elm və ictimaiyyət nümayəndələri iştirak edib. Gəncə şəhər İcra Hakimiyyəti başçısının müavini Sevda Qurbanəliyeva, şəhər Mədəniyyət və Turizm idarəsinin rəisi Sənan Hacıyev, AMEA-nın Gəncə bölməsinin rəhbəri, akademik Fuad Əliyev çıxış edərək Nəriman Əzimovun həyat və yaradıcılığından danışıblar.