Ərdoğan Kerri görüşündə Fətullah Gülən müzakirəsi - Ankara sərt şəkildə tələb etdi

  • 01 apr 2016, 08:19
Türkiyə prezidenti  Rəcəb Tayyib  Ərdoğanın  ABŞ  dövlət katibi  Kerri ilə görüşündə Fətullah Gülən məsələsinin də müzakirə olunduğu bildirilir.
 
Avropa.info  Türkiyə mətbuatına istinadən xəbər verir ki, 45 dəqiqəlik görüşdə  türk nümayəndə heyəti  ölkədə terror təşkilatı elan olunan  FETO  qrupunu gündəmə gətirərək, bunun Ankara üçün milli təhlükəsizlik məsələsi olduğunu bildirib. Kerri isə məsələylə bağlı ABŞ kəşfiyyatına tapşırıq verdiklərini və məsələnin araşdırıldığını qeyd edib.

Fətullah Gülən məsələsinin Kerri ilə müzakirə olunmasını xarici işlər naziri Mövlud Çavuşoğlu da təsdiqləyib.

"FETİ terror təşkilatını müzakirə etdik.  Prezident bu mövzudan danışmadı, biz dilə gətirdik. "Mübarizə sonuna qədər davam edəcək, bizə bu mövzuda mətbuat azadlığı deyərək  üstümüzə gəlməyin, Türkiyə üçün milli təhlükəsizlik məsələsidir" dedik. Kerri isə bu məsələylə bağlı kəşfiyyata tapşırıq verdiklərini qeyd etdi" deyə Çavuşoğlu bildirib.
 
Demokratik.Az
Oxşar xəbərlər