Aqil Ələsgər sərbəst buraxıldı - FOTO

  • 01 avq 2018, 10:23
"Yenicag.az" saytının baş redaktoru Aqil Ələsgər sərbəst buraxılıb. Lent.az xəbər verir ki, jurnalist Toğrul Allahverdi onun fotosunu paylaşaraq hazırda evində olduğunu bildirib.

Qeyd edək ki, yenicag.az-ın baş redaktoru Daxili İşlər Nazirliyinin (DİN) Baş Mütəşəkkil Cinayətkarlıqla Mübarizə idarəsinin əməkdaşları tərəfindən saxlanılıb. Azərbaycan Mətbuat Şurasının sədri Əflatun Amaşov "facebook” sosial şəbəkəsində jurnalistin "Bandotdel"ə aparıldığını bildirmişdi.

*****

06:25

"Yenicag.az" saytının baş redaktoru Aqil Ələsgər Daxili İşlər Nazirliyinin (DİN) Baş Mütəşəkkil Cinayətkarlıqla Mübarizə idarəsinin əməkdaşları tərəfindən saxlanılıb. Lent.az-ın məlumatına görə, bunu "facebook” sosial şəbəkəsindəki səhifəsində Azərbaycan Mətbuat Şurasının sədri Əflatun Amaşov yazıb.

Sədr bildirib ki, iş gününün sonuna yaxın baş redaktorun yaxınları ondan xəbər ala bilməmələri ilə bağlı Mətbuat Şurasına müraciət ediblər. Müraciət araşdırılıb və Aqil Ələsgərin DİN-in Baş Mütəşəkkil Cinayətkarlıqla Mübarizə idarəsinin əməkdaşları tərəfindən saxlanıldığı məlum olub.

Ə. Amaşov qeyd edib ki, iş günü başa çatdığından məsul şəxslərlə əlaqə yarada bilməyib. O, bu gün Mətbuat Şurası adından DİN-ə müraciət edilərək, jurnalistin saxlanma səbəbinin aydınlaşdırılacağını qeyd edib.

"Aqil Ələsgərlə bağlı məsələnin ədalətli, qanunlarımız çərçivəsində həlli vacibdir və buna çalışacağıq" deyə, Ə.Amaşov yazıb.

 

Oxşar xəbərlər