Xarici mütəxəssis ADAU-da tələbələrlə müayinə aparır

  • 07 apr 2018, 17:54

 

 

 

 

 

 

 

 

Azərbaycan Dövlət Aqrar Universitetində (ADAU) tələbələrin praktik bilik və bacarıqlarının inkişaf etdirilməsi  daim diqqət mərkəzində saxlanılan məsələlərdəndir. Azərbaycan Respublikasının Kənd Təsərrüfatı Nazirliyi yanında Kənd Təsərrüfatı Kreditləri üzrə Dövlət Agentliyinin "Kənd Təsərrüfatının Rəqabət Qabiliyyətinin Gücləndirilməsi Layihəsi” çərçivəsində universitetdə çalışan Yeni Zelandiyalı mütəxəssis, doktor Brain Milestone fakültənin aparıcı müəllimləri və "baytarlıq” ixtisası üzrə təhsil alan tələbələrlə birgə səmərəli fəaliyyət göstərir. Belə ki, təsdiq olunmuş fəaliyyət planına əsasən, auditoriyada aparılan nəzəri təlimlər növbəti gün qabaqcıl təsərrüfatlarda praktiki vərdişlərin öyrədilməsi ilə davam etdirilir. 

ADAU - nun mətbuat xidmətindən Demokratik.Az-a bildirilib ki, növbəti praktiki dərs Göygöl rayonunda yerləşən Respublika Süni Mayalama Mərkəzində aparılıb. Mərkəzin direktoru, aqrar elmlər üzrə fəlsəfə doktoru Ramiq Abbasov, Brain Milestone, yoluxmayan xəstəliklər kafedrasının müəllimi Ramin Abbasov tələbələrə simulyator üzərində rekto-servikol süni mayalanma və heyvanlarda rektal müayinəni əyani şəkildə nümayiş etdiriblər. Bundan əvvəl, ADAU-nun heyvandarlıq kompleksində heyvanların boğazlığının təyin edilməsi üçün tələblələrlə birgə rektal müayinə aparılıb.

 

Heyvandarlıq təsərrüfatlarına təşkil olunan səfərlər, eyni zamanda, universitetlə  təsərrüfatlar arasında əlaqələrin genişləndirilməsi, bütövlükdə universitet tərəfindən təklif olunan baytarlıq xidmətlərinin fermerlər arasında təşviq edilməsi məqsədini daşıyır.

 



 

Demokratik.Az

 

Oxşar xəbərlər