“Hafka”nın klubunun ərazisi əlindən alındı

  • 19 dek 2017, 10:23

Keçmiş nəqiyyat naziri Ziya Məmmədovun ailə biznes imperiyasına daxil olmuş "Delfin” MMC "Bakı” Futbol Klubunu "xüsusi mülkiyyətdə olan sahədən” çıxarıb.

Bu barədə qərarı "Delfin” MMC-nin iddiası əsasında 1 saylı Bakı İnzibati İqtisad Məhkəməsi çıxarıb. (Report)

"Delfin” MMC Ziya Məmmədovun oğlu Anar Məmmədovun rəhbərlik etdiyi "Garant Holding” şirkətlər qrupunun tərkibinə daxildir. Lakin Z.Məmmədovun ulduzunun sönməsindən sonra onun ailə biznes imperiyası da sürətlə çöküb, bir çox aktivləri əlindən alınıb. "Garant Holding”in baş ofisinin qapısına qıfıl vurulub. A.Məmmədov isə xeyli vaxtdır ölkəni tərk edib. "Bakı” futbol klubu isə Məmmədovların keçmiş biznes ortağı, "Hafka” kimi tanınan Hafiz Məmmədova məxsus idi.

Məlumata görə məhkəmə prosesi zamanı "Bakı” klubu qarşı tərəfdən "pulun tutulması” barədə qarşılıqlı iddia qaldırıb. Qərara əsasən, ilkin iddia təmin edilib, lakin qarşılıqlı iddia rədd olunub.Məhkəmə qərarından narazı qalan "Bakı” Futbol Klubu MMC rəhbərliyi apellyasiya şikayəti verib. Şikayətə Bakı Apellyasiya Məhkəməsində baxılacaq.

Oxşar xəbərlər