“Sınıq Körpü”də gömrük işçisi döyülüb?

  • 26 apr 2017, 08:25

Dövlət Gömrük Komitəsi Tovuz Gömrük İdarəsinin Gürcüstanla sərhəddə yerləşən "Sınıq Körpü” gömrük postunda kütləvi dava baş verməsi, hadisə nəticəsində "Sınıq Körpü” gömrük postunun əməkdaşının xəsarət alması barədə yayılan xəbərlərə aydınlıq gətirib.

Dövlət Gömrük Komitəsindən verilən məlumata görə "Sınıq Körpü” gömrük postunda "dispetçer” vəzifəsi yoxdur və ümumiyyətlə bu postda Tural Musayev adlı gömrük əməkdaşı işləmir. Gün ərzində də gömrük postunun ərazisində hər hansı insident baş verməyib və gömrük postu gündəlik iş şəraitində fəaliyyətini davam etdirir.

Dövlət Gömrük Komitəsi bir daha media qurumlarını və jurnalistləri komitə, onun əməkdaşları və ya fəaliyyəti barədə məlumat yayımlayarkən diqqətli olmağa, dəqiqləşdirilməmiş məlumatları yayımlamaqdan çəkinməyə dəvət edir.

Demokratik.Az

Oxşar xəbərlər