Bütün yenilikləri Facebook səhifənizdə izləyin. Yalnız "Bəyənirəm" edin.

16:12 - 18.09.2019  
Xanım Merkelin böyründəki azərbaycanlı fırıldaqçı
Tarix: 8-11-2015, 13:04 | Bölmə: Xəbərlər » Siyasət

Xanım Merkelin böyründəki azərbaycanlı fırıldaqçıÖz dövrümüzdə biz nələri görmədik? Amma qurdbasar əsri artıq öz yerini cəfəngiyyatlar əsrinə verib! Bəzən həyatda elə qəribə və qeyri-real, daha dəqiq desək, irrasional vəziyyətlərlə rastlaşırsan ki, olanların reallığını da inkar etmək istəyirsən. Ötən əsrin ən böyük "macəra həvəskarı” kimi tanınmış və prinsipsizliyi ilə ad çıxarmış Qurciyevin varlığını xatırlayırsız? Bu insanın nə Allahdan, nə də şeytandan yana olduğunu demək belə olmurdu...

Dahi Mixail Afanasyeviç (Bulqakov M.A., rus yazıçı dramaturqu – E.M.) özünün şah əsərlərindən olan "Qaçış” pyesində mühacir dalğasının faciəvi taleyini necə də dəqiq təsvir etmişdir. Stalinin ifadəsilə desək, öz xalqının boynunda oturmuş zavallı privat-dosentlər (Almaniyanın təhsil sistemində məvacibi olmayan, ştatdan kənar vəzifə - E.M.). Çox vaxt azadlıq və qurtuluş adasının sahillərinə çırpılan hansısa böyük mühacir dalğası, bu sahilə özü ilə birgə təmiz sulara qarışmış pislik, zir-zibil, parazitlər də gətirir. Lakin biz Bulqakovun hər cür Serafimlər və privat-dosent Qolubkovlar barədə yuxularına baş vurmayacağıq. Çünki, biz özümüz də həqiqətin birinci instansiyası adına iddialı olan bir çox xarici ölkələrdə "azərbaycan demokratiyasının ataları” obrazında zühur etmiş miskinləri çox görmüşük. Yox, bu gün söhbət nə qırışmal Emin Millidən, nə də ari Mayntsın sığınacaq verdiyi gədəbəyli Əmiraslanovadan getməyəcək. Bu gün biz "pul aparmağın nisbətən halal dörd yüz üsulunu” bilən böyük kombinatorun (müəllif İlya İlf və Yevgeniy Petrovun "On iki stul” və "Qızıl dana” romanlarının baş qəhrəmanı, fırıldaqçı Ostap Benderi nəzərdə tutur – E.M.) əsil prototipindən danışaçağıq. Yox-yox, yenə bizi yanlış anladınız. Əlbəttə ki, biz indi də əyninə dəliqanlı liberal donu geymiş "Quska”nın cinayətkar keçmişindən də danışmayacağıq. Hərçənd, Yulian Semyonovun təbirilə desək, Veymar respublikasında nasistləri dəyənəklə qovan, nasistlərin hakimiyyəti dövründə isə, Veymar respublikasının tərəfdarlarını həbs edən daha bir adama Almaniynın qucaq açdığını xatırlamamaq da olmur. Həmin o Veymar respublikasında dinclik tapmış Hüseyn Abdullayev bu günlərdə belə bir bəyanat verib ki, əgər hakimiyyətə qayıda bilsə, ilk növbədə onun şanlı adına ləkə gətirmiş jurnalistlərə divan tutacaq. Yox, bu gün ondan da danışmayacağıq. Hərçənd bunun da yeri var...
Bu gün "Təfəkkür” adlı özəl bir universitetin təsisçisi olan Riyad Əliyev adlı bir şəxs barədə danışacağıq. Daha dəqiq desək, bu Riyad Əliyev "Təfəkkür” adlı universitetin Kiyev filialının yaradıcısı kimi meydana çıxıb.
Keşməkeşli 90-cı illərdə sovet təhsilinin məzarçıları təhsil sisteminin elmi-maarifləndirici əsaslarını tamamilə məhv etdikdən və maddi-texniki bazasını talan etdikdən sonra, dünyaya ali təhsilin yeni formasını təqdim etdilər – miniuniversitetlər və ya kvaziuniversitetlər, istədiyiniz kimi adlandıra bilərsiz. Ali təhsil haqqında diplomu xoşbəxt həyatın əsas göstəricilərindən biri kimi qəbul edən orta statistik azərbaycanlının arzuları, Bakının yeraltı dünyasında zərərli viruslar kimi doğub-törəmiş yeni özəl ali məktəblərdə gerçəkləşdi. Öz kafedra və minilaboratoriyalarını uşaq bağçalarında, kərpic zavodlarında və hətta sovxoz ərazilərində yerləşdirmiş minlərlə ali məktəb yarandı. Kooperativlərdə və maliyyə piramidalarında iflasa uğramış işbazlar yeni sahəni mənimsəməyə – dövriyyəyə buraxılmış maarifləndirmənin maddi bazasını uğurla dağıdaraq, sovet təhsilini məhv etməyə üz tutdular. Xalqa onun arzuladığı, lakin sovet dövründə heç də belə asan əldə edə bilməyəcəyi bir şeyi – ali məktəb diplomlarını paylamağa başladılar. Bax belə lotu-potuların arasında, dəyərlərin düşdüyü tənəzzül mühitində də Riyad Əliyev meydana çıxdı. Hansı ki, artıq bizim dövrümüzdə Frankfurtda neosovet Azərbaycanın azadlığı uğrunda mübarizlərdən biri kimi ad çıxarıb.
Riyad Əliyev Kiyevdə Azərbaycanın bu qəribə universitetinin rəhbərliyinə keçməklə, yeni hərəkatın cərgələrinə soxuldu. Təsəvvür edin, sovet dövründə hər bir uğurlu azərbaycanlı Kiyevin ali məktəblərində, məsələn dövlət universitetində və ya Kiyev Beynəlxalq Əlaqələr İnstitutunda təhsil almaq barədə xəyal edirdilər. İndi isə, Riyad Əliyev ukraynalılara Azərbaycanın hansısa universitetinin filialında təhsil almağı təklif edir. Hansı ki, bu filialın pedaqoji heyətinin çox hissəsi Azərbaycanın əyalət məktəblərindən toplanmış savadsız müəllimlərdən və öz əlaqələri hesabına ali məktəblərə keçə bilmiş mühazirəçilərdən təşkil olunub. Həm də bu universitet birbaşa Kiyevdə yerləşib!
Hər bir aydın fikirli insan anlaya bilər ki, burada söhbət 90-cı illərdə təsdiqlənmiş və abituriyentlərin qəbulu əsasında kriminal kapitalın leqallaşdırılmasını, "çirkli pulların yuyulmasını” nəzərdə tutan adi sxemin reallaşdırılmasından gedir. Riyad Əliyevə bu sxem, sovet valideynlərinə isə, öz qızları üçün diplom lazım idi. Çünki diplom özünə hörmət edən hər bir azərbaycanlı qızın cehizinin zəruri hissəsidir. Axı qızı diplomsuz necə ərə vermək olar? Bax elə bu məqamda da Riyad Əliyev peyda oldu!
2010-cu lin sentyabr ayında Əliyev Riyad Mahir oğlu qanun keşikçilərinin əlinə keçir. Rəhimov Etibar Zülfü oğlu adında bir vətəndaş polisə müraciət edərək, filial rektorundan şikayətçi olduğunu bildirir. Riyad Əliyev onun qızını universitetə "düzəldəcəyini” söz verərək, vətəndaşın 15 min manat pulunu alıb. Xətai Rayon Polis İdarəsində istintaq başlanır və qısa müddət ərzində rektorun təqsiri sübuta yetirilir. İş məhkəməyə gedir və R.Əliyev 178.3.2 maddəsilə, yəni dələduzluq əməli törətməkdə ittiham olunur. Həm də istintaq zamanı məlum olur ki, bizim qəhrəman, Etibar Rəhimovdan pulu alaraq, onun qızını Bakı Kooperasiya Universitetinə qəbul etdirəcəyini söz verib. Belə ki, ata öz qızına tanınmamış "Təfəkkür”ün diplomunu almağı övladına rəva görməyib. Necə deyərlər, qurban yemə tutulub. Vətəndaş qızını hətta özəl deyil, məhz dövlət ali təhsil müəssisəsinə düzəltmək istəyirmiş. Və bu məqam da da "rektor”, qızının imtahandan kəsilməsi səbəbindən "dərdə düşmüş” atanın qarşısında təhsil sahəsindəki əlaqələri ilə öyünərək, onu öz hüdudsuz imkanlarına inandıra bilmişdi. Lakin bir neçə gün sonra Riyad Əliyev yoxa çıxır və ata artıq onu apa bilmir. Və yalnız bir neçə aydan sonra, həm də Xətai rayon polisinin müstəntiqlərinin dilindən Etibar Rəhimov eşidir ki, onun tanış rektoru adi fırıldaqçıdır və bu kimi əməllərlə artıq birinci il deyil ki, məşğul olur. Belə ki, Riyad Əliyev artıq bir dəfə eyni əmələ görə Nərimanov rayon məhkəməsi tərəfindən 3 il müddətinə azadlıqdan məhrum edilmə cəzasına məhkum olunub. Yalnız 2013-cü ilin 13 oktyabrında o, Abşeron rayon məhkəməsinin qərarı ilə şərti cəzanı vaxtından əvvəl bitirə bilib. Bu isə onu yenidən oxşar cinayət əməlləri törətməyə sövq edib. Lakin Xətai rayon polisi bu qatı fırıldaqçını həbs etməyə hazırıaşarkən, o, ölkədən qaçmağa müyəssər olur.
2014-cü ilin 30 avqustunda Riyad Əliyev əvvəlcə Macarıstana, ordan da Almaniyaya qaçır. Burada isə, o, özünü diktauraya qarşı mübarizə aparan siyasi qaçqın kimi qələmə verə bilir. Əlbəttə, sonradan istintaq qaçaq fırıldaqçının təqsirini tam sübuta yetirir. Lakin bu qaçış ədaləti qeyri-müəyyən vaxta təxirə salır. 2013-cü ilin 23 fevralından Riyad Əliyev axtarışdadır. Bir müddət əvvəl isə o, həmçinin İnterpol tərəfindən də axtarılır.
Lakin "bizim zəmanəmizin qəhrəmanı” Almaniyada özünə yeni təhlükəsiz yol – Azərbaycan hökumətinə qarşı çıxışlar etmək yolunu seçməklə, alman hökumətinin himayəsi altına düşməyə müyəssər olub. Və indi, adi əyalət fırıldaqçısı Frankfurtun dəbdəbəli rayonlarından birində, Berliner Str, 2 ünvanında yaşayır. Qısa vaxr ərzində o, özünə saxta AzerEvroTimes adlı primitiv internet sayt da yaradıb və burada "ifşaedici araşdırmalarını” yerləşdirir. Həm də bu materialların dili azərbaycan, rus və alman dillərinin qarşığından yaranmış qəribə bir dialekt təəssüratını verir. Bir sözlə, qaba fırıldaqçının xilas və səadət ardınca xaricə qaçışı barədə adi bir azərbaycan hekayəsi...
"Ququ quşunun yuvası üzərindən uçuş” mövzusunda məzəli marlezon baletinin birinci hissəsi Riyad Əliyevin özü kimi digər bir yaramaz, Elşad Abdullayev tərəfindən ifa olunmuşdu. Bu adam hansısa səhv üzündən, bir vaxtlar Azərbaycanda dünyanın ən balaca ölkəsi olan San-Marinonun adı verilmiş başqa bir ali məktəbə rəhbərlik edirdi. Bu şəxs həm də qardaşının müəmmalı şəkildə itkin düşməsi, ya da ölməsi (bu barədə hələ də dəqiq məlumat yoxdur) səbəbilə, Fransada kriminal kapitalını leqallaşdırmaq üçün əla fürsət əldə etmiş oldu. Elə ona da məhz Riyad kimi, hökumət əleyhinə çıxışları və populist qışqırtıları müqabilində dərhal "indulgensiya” (qədim dövrlərdə katolik kilsəsi tərəfindən pul müqabilində verilən və bütün günahlarının bağışlanmasını təsdiqləyən sənəd – E.M.) və qanunsuz yolla qazandığı pulları leqallaşdırmaq hüququ təqdim olundu.
Beləliklə, təəssüflər olsun ki, Azərbaycanın istintaq orqanlarının təqdim etdikləri güclü arqumentlərə və inkaredilməz dəlillərə baxmayaraq, həm Almaniya, həm də Fransa öz gündəyməzlərini qərb demokratiyasının verdiyi xurma yarpağı ilə örtmüş bu qatı fırıldaqçıları təhvil verməkdən imtina edirlər. Təsəvvür edin, iki qabaqcıl avropa ölkəsi bir tərəfdən təhlükəli presedent yaratmaqla, digər tərəfdən də Azərbaycanda cinayətkarlığın artımını stimullaşdırmaqla məşğuldur. Belə çıxır ki, Vətəndə cinayət yolu ilə bir-iki milyon qazanıb Qərbə qaçmaq, burada isə öz ölkəsinin hökumətinə qarşı çıxışlar etmək və bununla da toxunulmazlıq əldə etmək mümkündür! Heç də pis perspektiv deyil! Qərb dələduzlara kömək edəcək! Abituriyentlərin valideynlərini aldat, bir-iki milyon yığ və qərb sahillərinə doğru üz. Xanım Merkelin rejimi isə, Vətəndə şərəfini bulaşdırmış pislikdən yuyunub-təmizlənməkdə sənə kömək edər. Belə olduğu halda bəlkə Azərbaycan hökuməti də alman və fransız fırıldaqçıları, yüngül pul və şərəfsiz macəra axtarışına çıxanları üçün bir "cənnət guşəsi” yaratsın? Görəsən bi ölkələrin hökumətləri buna necə reaksiya verərlər? Həmçinin Riyad Əliyevin və digərlərinin cinayət işləri ilə bağlı materiallarla tanış olmağa borclu olan Almaniya hökumətinin reaksiyası, arqument və dəlilləri ilə tanış olmaq da çox maraqlı olardı.
Axı siz kimləri siyasi qaçqın kimi təqdim edirsiniz? Fərdi liberalların sırasında kimlər durur? Heç utanırsınızmı? Yəni Dövlətov və Brodskidən, Soljenitsın və Rostropoviçdən sonra Riyad Əliyevin və Elşad Abdullayevin zamanı yetişib? Axı sizin demokratiyanızın simasına nə oldu?
Ritorik sualdır və əlbətə ki, cavabsızdır...

Xəbər 2098 dəfə oxunub






Oxşar xəbərlər

Nazir direktoru işdən çıxardı
DTX Rəşad Atakişiyevin ailəsinin müraciətini araşdırır
Bu gün Milli Musiqi Günüdür
Səudiyyə hücumların qarşısında niyə ACİZ QALDI?
ABŞ İrana cavab zərbəsi endirməyi təklif edib!
Gülnarə Kərimova yoxa çıxıb
“Harya eydirsən, ayə”ni bəyənirdin axı, a bəy...
Müxalifətin bitməyən “ana” qovğası
Bakıda Fukusima kimi “qəza” - yaponlar Abutalıbova demişdilər ki...
TƏDBİR! Mətbuat Klubu öz işini bərpa edir - VİDEO
Vaqif Əsədov "1 manatlıq" taksilərdən danışdı
Azərbaycanda kredit təşkilatı satılıb
Nikol Paşinyan ABŞ-a səfərə gedir
Salyan-Şirvan yolunun yenidən qurulmasıyla bağlı prezidentə təşəkkür - VİDEO
Qabuniya Putini niyə söydüyünü açıqladı
Bakı sakini polis əməkdaşlarını da yandırmaq istədi
İTV-nin direktoru robota müsahibə verdi - Video
Zöhrə Abdullayeva oğlunun ölümündən sonra ilk dəfə efirdə belə danışdı
“Tək yatır, əri yoxdu…” - Hadisəyə söz atdı
Bakıda arvadını yandırmaq istədi - tutuldu
Pentaqon Trampı təkzib edib
Gənc Tamaşaçılar Teatrının tavanı çöküb
Milli Şuranın mitinq oyununun pərdəarxası - sensasion iddialar
BMT Baş Assambleyasının 74-cü sessiyası başlayır
Əflatun Amaşov ÜMŞA-nın sədrinin birinci müavini seçildi
Bakının xilas gününü işğal kimi qələmə verənlər var (?!)
Qubanın icra başçısı 700 bal toplayanlara maşın verəcək
Aytəkin Alxaslı "100 illik” medalı ilə təltif edilib
Rus məmur Naftalanda "şokolad"a girdiyi üçün işdən qovulacaq
Qəzet bir hərf səhvi ilə Stalinə “qavnokomanduyuşi” yazdı, güllələnmə aldı
Bədii gimnastika üzrə dünya çempionatı Bakıda keçirilir - Prezident və xanımı açılışda
Türkiyənin Vitse-prezidentinin Azərbaycana rəsmi səfəri başa çatıb
Ukrayna müdafiə xərclərini 10 milyard dollara çatdıracaq
Tramp İranı hədələyib
Vilayət Eyvazov: “..cinayətlərin sayı azalıb”
General Vaqif Axundovun AD GÜNÜNƏ - TƏBRİK!
Azərbaycan Ordusunun genişmiqyaslı təlimləri başlayıb
İlham Əliyev və xanımı 300 saylı məktəbin açılışda
Şumaxer müalicə kursundan sonra Fransanı tərk edib
Neftin dünya bazarında qiymətləri 19% bahalaşıb
Azərbaycanda yeni dərs ili başlayıb
Mübariz İbrahimovun ev muzeyi tamamlanmaq üzrədir - VİDEO
Ruhani Türkiyəyə getdi
Zakir Həsənov müharibə ANONSU edib
Qaxda 17 yaşlı oğlan bıcaqlanıb
Zakir Həsənov MİQ-29 qəzasından danışdı
"Kasıblamış" Vidadi Zeynalovun Türkiyədəki əmlaklarının SİYAHISI
Tünisdə prezident seçkilərində səsvermə bitib
Əli Həsənov Nuru paşadan yazdı - "Fateh komandan.."
Eynşteynin nisbilik nəzəriyyəsi sübut olundu
Təəssüf ki, axmaqlıq onu gəzdirənə əzab vermir…
Bakı erməni-bolşevik işğalından necə azad edildi
"15 sentyabr PAYTAXT günü elan olunmalıdır!" - Qulu Məhərrəmli
Nazilə əri ilə şəklini paylaşdı - müzakirəyə səbəb oldu
Prezident Bilik Günü münasibətilə "Facebook"da paylaşım edib
101 il öncə - Bugün Bakının azad olunduğu gündür
Rəşid Behbudovun sirli ölümü: “Məni aradan götürəcəklər” - TARİX
İlham Əliyev iki yeni səfirin etimadnaməsini qəbul edib
Mehriban Əliyeva Şamaxı Cümə məscidində - FOTOLAR
Güləşçimiz dünya çempionatında finala çıxıb
Evlərin qiymətində bahalaşma davam edir
Kürd siyasətçi: "PKK böyük qırğınlar törədə bilər"
Azərbaycan Qarabağla bağlı diplomatik hücuma keçdi
Baş Prokurorluqdan Firudin Ələkbərli ilə bağlı açıqlama
Gələn il dövlət büdcəmiz nə qədər olacaq ? - RƏSMİ
Mingəçevir su anbarı və onun təhlükəsizliyi - ANALİZ
“Sami Yusif mahnıya bəsit yanaşıb" - Analiz
Adam oğurlayaraq işgəncə verən idmançımız barədə FAKTLAR
Putin Dağıstan səfərində müsəlmanlarla araq içdi – “İmamların 3-də…” -VİDEO
AİLƏSİ ONU AXTARIR

Bütün xəbərlər

2019 - SARI QABAN NƏLƏR VƏD EDİR?
love HƏR ŞEY "QABAN" KİMİ OLACAQ
love DEMOKRATİYAYA DOĞRU BİR AZ DA İRƏLİLƏYƏCƏYİK...
am DİNAMİK İNKİŞAFIMIZ DAVAM EDƏCƏK
lol HEÇ VECİMƏ DƏ DEYİL
tongue AZƏRBAYCANDAN BAŞ GÖTÜRÜB QAÇACAĞAM
crying TRAMP NEFTİN QİYMƏTİNİ QALDIRMAĞA NAİL OLACAQ
what QARABAĞI GERİ ALACAĞIQ
wink SƏN SAYDIĞINI SAY, GÖR Kİ, FƏLƏK NƏ SAYACAQ
recourse DOLLAR 2 MANATDAN BAHA OLACAQ
angry ACLIQ, YOXSULLUQ GƏLİR
tongue ALLAH BİLİR OLACAĞI...

«    Sentyabr 2019    »
BeÇaÇCaCŞB
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 
        Ünvan: Bakı şəhəri, Mətbuat prospekti, 529-cu məhəllə, Azərbaycan nəşriyyatı, 1-ci mərtəbə.
© Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Script time: [0.34038] initstartout [0.00017] initstartin [0.00069] calstart [0.00978] calend [0.00051] topnewsend [0.00481] rsssend [0.00000] ehgend [0.05987] tagsstart [0.00072] tag-initendin [0.00000] initendout [0.00001] weathend [0.00000] end [0.26379]