Fuad Qəhrəmanlı barışmaq istəyir? - Açıqlama

  • 23 sen 2019, 16:07

Fuad Qəhrəmanlının həyat yoldaşı Zümrüd Qəhrəmanlının (Zümrüd Yağmur) boşanma ilə bağlı iddiası üzrə Abşeron rayon Məhkəməsində ilkin baxış iclası sentyabrın 26-da keçiriləcək.

 

 

 

 

 

 

 

Bu barədə Teleqraf.com-a danışan Zümrüd Qəhrəmanlının vəkili Zibeydə Sadıqova bildirib ki, bundan əvvəl iki proses təyin olunub:

"Birinci hazırlıq iclası baş tutmayıb və sonrakı prosesdə isə hazırlıq iclası keçirilib. Hazırlıq iclasında tərəflərin iştirakı vacib olmadığı üçün həm iddiaçı Zümrüd Qəhrəmanlı, həm də cavabdeh Fuad Qəhrəmanlı iştirak etməyib".

Vəkil deyib ki, hazırlıq icclasında nikahın ləğv olunması ilə bağlı iddia ərizəsinin araşdırılması sentyabrın 26-na təyin olunub.

Vəkil tərəflərin prosesdə iştiriak edib-etməyəcəkləri ilə bağlı dəqiq məlumatı olmadığını qeyd edib.

O bildirib ki, nikahın ləğv olunması ilə bağlı məhkəmə iclası bir neçə istiqamətdə aparılır: "Tərəflər məhkəmədə nikahın ləğv olunması ilə bağlı razılığa gəlsələr, o zaman hakim ilk iclasda iddia ərizəsini təmin edə bilər. Amma qarşı tərəf bildirsə ki, boşanmaq istəmir, mənə barışmaq üçün zaman verilsin. O zaman hakim tərəflərə barışmaq üçün vaxt vermək üçün prosesi 3 ay müddətinə təxirə sala bilər.

Növbəti iclasda da tərəflərin mövqeyi dinləniləcək. Həmin vaxt Fuad Qəhrəmanlı barışmaq üçün hakimə müraciət etsə, o zaman hakim prosesi 3 aya qədər uzada bilər. Yox, əgər ilkin baxış iclasında Fuad Qəhrəmanlı da iddiaçı ilə eyni mövqedə olsa, hakim nikahın ləğv olunması barədə qətnamə çıxaracaq. Mən Zümrüdün vəkili olduğum üçün Fuad Qəhrəmanlının mövqeyindən məlumatım yoxdur".

Zibeydə Sadıqova iddia ərizəsində qoyulan tələblərdən danışmaq istəməyib. Bildirib ki, bu məsələ ailə sirri haqqında qanunla qorunur.

Vəkil həmçinin deyib ki, tərəflərin növbəti iclasa qatılıb-qatılmayacaqlarından məlumatı yoxdur.

Zibeydə Sadıqova Zümrüd Qəhrəmanlının işgəncəyə məruz qalması barədə suallara belə cavab verib: "Zümrüd Qəhrəmanlının nikahının ləğv olunması ilə bağlı məhkəmə işinə çıxıram. Bu səbəbdən onun işgəncəyə məruz qalmasından xəbərsizəm. Zümrüd Qəhrəmanlının işgəncəyə məruz qaldığını göstərən fotolarının sosial şəbəkədə paylaşılmasından xəbərsizəm. Bu səbəbdən vəkil kimi bu barədə bir söz deyə bilmərəm".

Qeyd edək ki, bu ilin avqustun 1-də Zümrüd Qəhrəmanlı Fuad Qəhrəmanlı ilə nikahının ləğv olunması üçün Abşeron rayon Məhkəməsinə müraciət edib. O, iddia ərizəsində nikahın pozulması, alimentin təyin edilməsi və yetkinlik yaşına çatmayan uşağının ona verilməsini tələb edib.

Abşeron rayon Məhkəməsində avqustun 28-də iddia ərizəsi üzrə hazırlıq iclası keçirilib.

Hakim Elman Məmmədovun sədrliyi ilə baş tutan hazırlıq iclasında iddia tələbi müəyyən olunub.

Məhkəmə baxışı sentyabrın 26-na təyin olunub.

Oxşar xəbərlər