Bütün yenilikləri Facebook səhifənizdə izləyin. Yalnız "Bəyənirəm" edin.

00:38 - 26.08.2019  
Ağ Evin Qarabağ təşəbbüsü: Konqres də qoşula bilər
Tarix: 20-05-2019, 10:17 | Bölmə: Xəbərlər » Siyasət

Sülh prosesinə dinamikanı hansı vasitəçi dövlət gətirəcək? Amerikalı professor: "Konqresin qətnaməsi Azərbaycan və Ermənistan xalqlarına güclü siqnal olardı”; Avropadan Azərbaycanın ərazi bütövlüyünə daha bir dəstək gəldi...

Ağ Evin Qarabağ təşəbbüsü: Konqres də qoşula bilərBu il Qarabağ danışıqları ətrafında bəzi hərəkətliliyə rəğmən, bütövlükdə prosesdə durğunluq davam edir. Xəbər verdiyimiz kimi, bu arada ABŞ tərəfinin Azərbaycan və Ermənistan rəhbərlərinin Vaşinqtonda görüşünü təşkil edə biləcəyi barədə xəbərlər yayılıb. Bir sıra nikbin təhlilçilərə görə, belə bir təşəbbüs nizamlama prosesinə özünəməxsus dinamika gətirə bilər.

Lakin bunun əksini düşünənlər də var. Sonuncuların qənaətincə, söhbət hazırda Rusiya ilə ABŞ arasında problemin həlli uğrunda rəqabətdən daha çox, ona nəzarət uğrunda mübarizədən getdiyindən, Vaşinqton görüşündən də ciddi nəticə gözləməyə dəyməz. Başqa sözlə, işğalçı Ermənistana real təzyiqlər olmayınca, problemin nizamlanmasında irəliləyişdən danışmaq mümkün olmayacaq...  

*****

"ABŞ Cənubi Qafqaza diqqəti artırır. Birləşmiş Ştatlar ilk növbədə Ermənistanın Rusiya ilə əlaqələrini zəiflətmək, habelə Nikol Paşinyanın Qarabağ münaqişəsinin həll prosesində qeyri-konstruktiv siyasətinin qarşısını almaq niyyətindədir”. Bunu politoloq Məhəmməd Əsədullazadə deyib.

Onun sözlərinə görə, Vaşinqton Ermənistanın baş nazirinə etimad etmir: "Buna görə də ABŞ inqilabdan əvvəl Paşinyana vəd etdiyi pulu vermədi. Digər yandan, ABŞ rəhbərliyi Azərbaycan prezidenti və Ermənistan baş nazirinin Vaşinqtonda görüşünü təşkil etmək istəyir. Hesab edirəm ki, Donald Trampın xüsusi işlər üzrə köməkçisinin (Con Bolton - red.) İrəvana səfəri təsadüfi deyildi. Qənaətimə görə, o, Nikol Paşinyana danışıqların yeni formatda keçiriləcəyi mesajını verib. Çünki ABŞ Ermənistan rəhbərliyinin Qarabağ münaqişəsi üzrə danışıqlarda Moskva ilə koordinasiyalı işbirliyindən razı deyil”.

Ekspert onu da qeyd edib ki, ABŞ problem həll edilmədən Moskvanın regiondakı təsirlərinin zəifləməyəcəyini bilir.

*****

"Dağlıq Qarabağ münaqişəsinin dinc həlli üçün pozitiv impulslar var və ABŞ Konqresi bu tendensiyanın saxlanmasında mühüm rol oynaya bilər”.

"Yeni Müsavat”ın məlumatına görə, bu barədə "Caspian Group Holdings”in baş direktoru, Azərbaycan əsilli amerikalı professor Rob Sübhaninin "The Washington Times”də dərc olunmuş məqaləsində deyilir.

Müəllif yazır ki, Konqres üzvləri 30 illik konfliktə son qoymağa və strateji mühüm bir bölgədə Amerika maraqlarını irəli apara bilərlər. Onun fikrincə, iki münaqişə tərəfi arasında atəşkəs haqda anlaşma olsa da, konfliktin təzədən qızışması imkanı qalır.

"Xoşbəxtlikdən az öncəki hadisələr sülh anlaşması üçün pozitiv perspektiv yaradıb. Konqres bu impulsun qalmasını həvəsləndirmək üçün qətnamə hazırlaya bilərdi. Azərbaycan və erməni kokusları ilə (Konqresdə partiya təşkilati strukturlar - red.) əməkdaşlıq şəraitində hazırlanan adi bir qətnamə təkcə Azərbaycan və Ermənistan rəhbərliklərinə güclü siqnal olmayacaq, eyni zamanda, hər iki tərəfin xalqlarına mesaj olacaq ki, ABŞ bütünlüklə konfliktin ədalətli həllinə tərəfdardır” - məqalədə qeyd olunur.

*****

Təbii ki, sülh, yoxsa hərb dilemmasının necə həll olunacağı müstəsna olaraq, işğalçı Ermənistanın özünü necə aparmasından, daimi və ədalətli sülhdə nə dərəcədə maraqlı olmasından asılı olacaq. Ermənistan baş naziri Nikol Paşinyan isə ötən həftəsonu rus jurnalistlərlə görüşündə Dağlıq Qarabağ münaqişəsinin nizama salınması üzrə danışıq prosesini gücləndirməyi zəruri saymadığını bildirib. Bununla da bir daha rəsmi İrəvanın real nəticələrə gətirəcək sülh danışıqlarında maraqlı olmadığını, status-kvonu uzatmağa çalışdığını ortaya qoyub.     

"Biz bu prosesi gücləndirməyəcəyik, amma tormozlamayacağıq da. Çünki münaqişə var və mən düşünmürəm ki, onu unutmaq məqsədəuyğundur”, - Paşinyan vurğulayıb. Bununla belə, Ermənistan hökumətinin başçısı qeyd edib ki, Dağlıq Qarabağda münaqişənin nizama salınması üzrə danışıqlar üçün ilkin şərtlər qoymağa hazırlaşmır. Paşinyanın fikrincə, Qarabağ məsələsini həll etmək olar, amma bunun üçün Dağlıq Qarabağı danışıqlar prosesinə qaytarmaq lazımdır.

Bundan başqa, erməni baş naziri vurğulayıb ki, Moskva regionda mümkün yeni eskalasiyaya yol verməmək üçün lazımi təsir vasitələrinə malikdir: "Əminəm ki, Dağlıq Qarabağ regionunda eskalasiyanın qarşısını almaq üçün Rusiyanın bütün təsir imkanları var və inanmıram ki, lazım olduğunda Rusiya onlardan istifadə etməsin”.

Beləcə, Paşinyan da öz sələfləri kimi, məhz Rusiyaya güvənərək, Rusiyanın arxasında gizlənərək, işğal rejiminin davamlılığına ümid etdiyini gizlətməyib. Demək, gec-tez müharibə qaçılmaz olacaq. Ona görə ki, uzunmüddətli atəşkəs sülh sazişinə gətirmirsə, deməli, müharibə riski böyükdür. Hər halda atəşkəs rejimi ermənilərin arzularına uyğun şəkildə sonadək sürməyəcək.

Müharibə isə yetişəndə soruşmur və onu Rusiya istəsə də, əngəlləyə bilməyəcək. Hər şey heç də kağız üzərində cızıldığı kimi olmur. Ərazisinin 20%-i on illərdir işğal altında olan müharibə haqqını isə Azərbaycana beynəlxalq hüquq, BMT Nizamnaməsi, BMT Təhlükəsizlik Şurasının Dağlıq Qarabağa dair 4 məlum qətnaməsi, digər mötəbər beynəlxalq təşkilatların qərar və sənədləri verir.

Yeri gəlmişkən, keçən həftəsonu Finlandiyanın paytaxtı Helsinki şəhərində Avropa Şurası (AŞ) Nazirlər Komitəsinin 129-cı sessiyası keçirilib və qurum üzv dövlətlərindəki münaqişələri diqqətdən kənar qoymayıb. Belə ki, sessiyanın nəticəsi olaraq qəbul edilmiş siyasi bəyanatda Avropa qitəsinin bəzi hissələrinin məruz qaldığı qarşıdurma və davam edən münaqişələrə görə narahatlıq ifadə edilib və beynəlxalq hüququn norma və prinsiplərinə uyğun olaraq, barışıq və siyasi həll üçün birgə səylərin göstərilməli olduğu açıqlanıb. Daha önəmlisi isə, üzv dövlətlərin hüquq və öhdəlikləri barədə müvafiq qərarda Avropa Şurası Nazirlər Komitəsi beynəlxalq ictimaiyyət tərəfindən tanınmış sərhədlər çərçivəsində bütün üzv dövlətlərin müstəqilliyi, suverenliyi və ərazi bütövlüyünə dəstəyini təsdiq edib.

Bu isə Azərbaycan üçün müharibə haqqının növbəti təsbiti deməkdir...

Siyasət şöbəsi

Xəbər 1065 dəfə oxunub






Oxşar xəbərlər

Ərdoğanın tətillə bağlı tənqidinə İmamoğlu cavab verdi
Qadın olmaq... - Boşanıbsa, gəzdiyi biri var
Makron: "G7" iştirakçıları İranla münaqişə istəmir
Alp dağlarında təyyarə qəzası baş verib, ölənlər var
Azərbaycan yığması Hollandiyaya uduzub
Qubada dağlıq ərazidə başlayan yanğın məhdudlaşdırılıb
Qabil Hüseynlinin musiqiçi qızı: Mərhum pilot xanımı
İranlı Mühacirlər Cəmiyyəti Qubada “dəyirmi masa” keçirib
“Böyük yeddilik”: İran nüvə silahına malik olmamalıdır
Naxçıvan Qarnizonunda komanda-qərargah təlimi keçirilib – VİDEO
Şimali Koreya nəhəng raket qurğusunun sınağını keçirib
Dövlət İqtisad Universitetinin Nizamnaməsi təsdiq edilib
Abutalıbovun gözqamaşdıran sərvəti – Siyahı + FOTO
“İcbari sığortaya keçid üçün azı 4 milyard pul lazımdır”
AZAL-ın sabiq prezidenti: “Təyyarənin vurulma ehtimalı var”
Adnan Oktar türmədə də “dinc dayanmır” - şantaj, təhdid, təhrik...
Rasim Balayev: “Paşinyanın ağızını, burnunu vurub əzmək lazımdır!”
Təhsil nazirindən yeni – TƏYİNAT
Qarabağ danışıqlarında sükut nə vaxt pozulacaq?
Deputat Ağalar Vəliyevin müəmmalı sərvəti - Fabrik, otel, zavod... (FOTOLAR)
Ərdoğan Rusiyaya səfər etməyi planlaşdırır
Qabil Hüseynli danışdı - "mənə hücum edənlər..."
Günün yazısı: Jurnalistikanın prinsiplərinə necə əməl olunur?
Prezident Əli Nağıyevin qardaşına general-leytenant rütbəsi verdi
Vüqar Rəhimzadə: "Azərbaycan dövləti və xalqı əleyhinə satqınlardan ibarət “virtual terrorçular” fəaliyyət göstərir"
Möhürsüz qətnaməni Şahsuvarlıya kim ötürmüşdü? - Tam Qətnamə
Tərtərdə baş həkimin nüavini Qarabağ veteranına pul atıb? - ŞİKAYƏT
İsmayıllıda 3 uşaq anası itkin düşüb, axtarılır
YOL POLİSİ QUBADA REYD KEÇİRDİ
Zaxarovadan "Ləzginka" rəqsi - FOTO/VİDEO
Türkiyəyə ərə gedən aktrisa ana olacaq – Fotolar
Nizami Məhkəməsində RƏZALƏT - "Xüsusi ittiham" belə araşdırılır?
Arif Əsgərov və oğlu borca görə 3 il həbs edilə bilər
Məhəmmədəli Qəribliyə "cinayət işi" açıla bilər - Bakıda məhkəmə başladı
Fransa prezidenti İran rəsmilərilə görüşəcək
"Qarabağ" Avropa Liqasında mübarizəyə başlayır
İqbal Məmmədovun deputat mandatı alına bilər
Hüseyn Abdullayev şərti cəza ilə azad oluna bilər
Vergi Məcəlləsində dəyişiklik edilib
2020-də Azərbaycanda aqrar sığorta tətbiq olunacaq
Beynəlxalq Bankdan oğurlanan pullar necə qaytarılacaq?
Müxalifət “su pulu” ilə maliyyələşə bilərmi?
GEOPOLİTİKA - Üç ABŞ bazası Gürcüstana yerləşir
Mərhum pilotumuzla vida mərasimi keçirilir - FOTO
Ərdoğanla Merkel arasında telefon danışığı olub
“Xalq diplomatiyası" - Ermənilər Bakıya niyə gəlir?
Məktəblərdə telefon qadağası gündəmdədir
Qubad İbadoğlu da “Relax" olayına sərt mövqe sərgilədi
“RELAX ƏMƏLİYYATI” – Mikayıl Cabbarovun gücü kimlərə çatırmış?…
Hüseynli onlara çağırış etdi: Dəfn mərasiminə gəlməyin
ŞOK - Bəzi zənginlərin toyunda şimpanze əti yeyilir
Gülnarə Kərimovaya qarşı yeni cinayət işi açılıb
Putini təhqir edən jurnalist işdən qovuldu
Mətanət Əsədova məşhur falçı yanında belə muğam oxudu
Mixail Saakaşvili: "Qarabağ Azərbaycandır!"
Qabil Hüseynli: “Rəşadın ayağının biri axtarışların ilk günü tapılmışdı”
“Rejim odla oynamasın” - Çavuşoğludan Suriya açıqlaması
35 milyon illik meteoritin hissələri tapıldı
Azərbaycanda “o əjdaha” universitetdən niyə yoxdur?
Nazirlik "DOST İş Mərkəzi" ilə bağlı korrupsiya ittihamlarına cavab verdi
Ramiz Mehdiyev: “Ermənistan, əslində, qalib gəlməyib, uduzub”
Bakı metrosundan istifadə edən sərnişinlərin sayı azalıb
Havanın temperaturu 42 dərəcəyə yüksələcək
Deputatın oğlunun həbsinin pərdəarxası - ilginc faktlar
Mir Şahin Gəncə teraktı ilə bağlı şok görüntülər yayımladı - VİDEO
Göygöl polisinə yeni rəis təyin olundu
“Relax”ın aylıq vergi ödənişi 7 manatdan az olub - Açıqlama
Qəzaya uğrayan MiQ-29 təyyarəsinin pilotunun cəsədi tapılıb
Gəncənin sabiq polis rəisinin rütbəsi endirilərək bölmə rəisi oldu -TƏYİNAT
“Relax”ın rəhbəri qardaşımdır” - İqbal Məmmədov

Bütün xəbərlər

2019 - SARI QABAN NƏLƏR VƏD EDİR?
love HƏR ŞEY "QABAN" KİMİ OLACAQ
love DEMOKRATİYAYA DOĞRU BİR AZ DA İRƏLİLƏYƏCƏYİK...
am DİNAMİK İNKİŞAFIMIZ DAVAM EDƏCƏK
lol HEÇ VECİMƏ DƏ DEYİL
tongue AZƏRBAYCANDAN BAŞ GÖTÜRÜB QAÇACAĞAM
crying TRAMP NEFTİN QİYMƏTİNİ QALDIRMAĞA NAİL OLACAQ
what QARABAĞI GERİ ALACAĞIQ
wink SƏN SAYDIĞINI SAY, GÖR Kİ, FƏLƏK NƏ SAYACAQ
recourse DOLLAR 2 MANATDAN BAHA OLACAQ
angry ACLIQ, YOXSULLUQ GƏLİR
tongue ALLAH BİLİR OLACAĞI...

«    Avqust 2019    »
BeÇaÇCaCŞB
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
        Ünvan: Bakı şəhəri, Mətbuat prospekti, 529-cu məhəllə, Azərbaycan nəşriyyatı, 1-ci mərtəbə.
© Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Script time: [0.14462] initstartout [0.00024] initstartin [0.00119] calstart [0.01353] calend [0.00081] topnewsend [0.00558] rsssend [0.00000] ehgend [0.03345] tagsstart [0.00043] tag-initendin [0.00000] initendout [0.00001] weathend [0.00000] end [0.08934]