Bütün yenilikləri Facebook səhifənizdə izləyin. Yalnız "Bəyənirəm" edin.

12:11 - 16.11.2018  
Müxalifətin "payız davası" - liderlərin savaşı böyüyür
Tarix: 18-10-2018, 08:18 | Bölmə: Xəbərlər » Siyasət

Tural Abbaslı: "Qarşıdurmaların açıq formaya keçməsi daha xeyirlidir”; Əli Orucov: "”Bu debat və müzakirələrdə həm partiyaların görünməyən tərəfləri, həm də bir sıra məsələlər müəyyən qədər aydınlaşır"

Müxalifətin "payız davası" - liderlərin savaşı böyüyürSon günlərdə müxalifət düşərgəsi yenidən çalxalanır. Camiənin öndə gedən partiyaları bir-birinə qarşı savaş açıblar. Əvvəlcə Müsavat və AXCP REAL-a müharibə elan etdilər.

Buna səbəb də REAL funksioneri Erkin Qədirlinin müxalifətin təcrübəsiz olduğu barədə fikirləri oldu. E.Qədirli köhnə müxalifətin təcrübə toplamaq və hakimiyyətə gəlmək istəmədiklərini də dilə gətirdi. Onun açıqlamalarından dərhal sonra özlərini köhnə müxalifətin təmsilçiləri sayan Müsavat və AXCP REAL funksionerinin üzərinə hücuma keçərək, onu ən ağır formada aşağılamağa, təhqir etməyə başladılar. Hər iki partiyanın funksionerləri səviyyəsində E.Qədirliyə yönəlik sosial şəbəkələrdə statuslar həsr olundu. E.Qədirlinin müdafiəsinə qalxan, REAL-ın idarə heyətinin üzvü Xalid Bağırovun partiya həmkarının üzərinə gələnlərin "şüvən qopardıqlarını” deməsi və pozğun qadınlara bənzətməsi qarşıdurmanın ən pik həddə çatmasına səbəb oldu. Hazırda da sosial şəbəkələrdə savaş davam etməkdədir.

Bu qarşıdurmanın ardınca müxalif düşərgədə yeni bir savaş cəbhəsi açıldı. Bu dəfə Müsavat və Ümid partiyaları toqquşdular. Bu savaşa səbəb də 2003-cü ildəki 15-16 oktyabr hadisələrinin 15 illiyi ilə bağlı Arif Hacılı və İqbal Ağazadənin Meydan.TV-də canlı yayıma çıxmaları oldu. Liderlər efirdən bir-birini ən sərt şəkildə ittiham etməyə, hətta bir-birilərinin ünvanına təhqirlər səsləndirməyə başladılar. Bundan sonra hər iki partiyanın tərəfdarları günlərdir ki, sosial şəbəkələrdə "payız müharibəsi” aparırlar.

Baş verənlərdən belə fikir formalaşır ki, müxalifət artıq iqtidarla mübarizəyə deyil, düşərgədaxili savaşa meyllənib, başı özünə qarışıb.

AĞ Partiya başqanı Tural Abbaslı "Yeni Müsavat”a bildirdi ki, müxalif partiyaların bir-birinə qarşı mübarizə aparması yaxşı hal deyil: "Azərbaycandakı hazırkı vəziyyəti və artıq 25 ilə yaxındır uğursuzluğu nəzərə alsaq, bu, qətiyyən qəbuledilməz bir haldır. Azərbaycandakı hazırkı siyasi durumda olan müxalif partiyalar bütün güclərini bir yerə toplayıb hakimiyyətlə mübarizə aparmalıdırlar. Çünki hakimiyyət demək olar ki, ayrı-ayrılıqda bütün partiyaları sıradan çıxarmağı və xalqın nəzərində nüfuzdan salmağı bacarıb. Hələ bunun üzərinə də bu partiyaların öz aralarındakı savaş gəlməsi xalq arasındakı nüfuza bərpaolunmaz zərbələr endirir. Əslində düşünürəm ki, müxalifətdaxili bu ziddiyyətlərin əsl səbəbi partiya rəhbərlərinin keşmişdən bir-birilərinə qarşı olan neqativ münasibətlərinin davamıdır. İnanmıram ki, bu insanların bir-birilərinin şəxslərinə və nə zamansa keçmişdə olmuş narazılıqları aradan qalxana qədər bu qarşıdurmalar səngisin. Odur ki, bəlkə də bu ziddiyyətlər və qarşıdurmaların açıq formaya keçməsi daha xeyirlidir. Qoyun, birdəfəlik öz aralarındakı məsələləri aydınlaşdırsınlar və xalq da bu proses əsnasında kimin haqlı, kimin haqsız olduğuna birdəfəlik özü qiymət versin. Bəlkə bu yolla artıq illərdir mübarizənin önündə tıxac rolu oynayan bəzi siyasilər səhnədən çəkilər. Bununla da səhnəyə daha enerjili, daha səmimi və daha kreativ yeni siyasi kimliklər çıxar. Əks təqdirdə, siyasi gündəmimizi daima keçmişdə olan hadisələr və bu hadisələrin baş verməsində günahkar olan şəxslərin axtarışı zəbt edəcək. Biz müxalifət olaraq keçmişi müzakirə edib, bitirə bilmədiyimiz bir zamanda isə hakimiyyət öz mövqelərini bərkitməklə və gələcəyə dair planlar qurmaqla məşğul olur. Artıq sabaha, gələcəyə baxmağın zamanıdır və biz də AĞ Partiya olaraq bu işlə məşğuluq. Əminəm ki, çox yaxın zamanda hər kəs bu siyasi kursun doğruluğunu qəbul etmək məcburiyyətində qalacaq”.

AMİP katibi Əli Orucov hesab edir ki, müxalifət daxilində müzakirələrin və debatların olması normaldır: "Bu debat və müzakirələrdə həm partiyaların görünməyən tərəfləri, həm də bir sıra məsələlər müəyyən qədər aydınlaşır. Siyasi rəqabət eyni zamanda inkişaf deməkdir. Lakin bütün bunlar da sivil qaydada etik normalar gözlənilməklə ediləndə xoşdur. Təəssüflər olsun ki, cəmiyyətdəki radikallaşma müxalifətdaxili münasibətlərə də sirayət edib. Biri digərini təhqir etməklə, aşağılamaqla sanki zövq alır, özünə təsəlli sayır. Həyatın digər sahələrində olduğu kimi, siyasi və partiyalaşma sahəsində də bir inhisarçılıq mövcuddur. Köhnəlmiş ənənələrdən və psixologiyadan qurtarmayıblar. Kim onun kimi düşünmürsə, onun istədiyi kimi deyilsə, dərhal satqın damğası vurulur. Bunun bir səbəbi də normal mübarizə yollarının qapadılmasıdır. Əgər bu olsaydı, partiyalar da belə dedi-qodulara, təhqirlərə yol vermədən sağlam siyasi rəqabətə üstünlük verərdilər. Hər bir siyasi qüvvənin özünün seçdiyi yol və yürütdüyü siyasi xətt var. Bəs biz niyə zaman-zaman siyasi plürializm və tolerantlıq mühitinin yaradılmamasından narahat idik?! Sizin də gördüyünüz bəzi xoşagəlməz mənzərə məhz belə cəmiyyətdə yaranır. Yəni bir çoxları dediklərinin və atdığı addımların məsuliyyətini anlamır. Bəzi siyasi qüvvələrin, görünür, heç özləri də sağlam siyasi rəqabətə hazır deyillər. Ona görə də alternativ proqram və ideya, eləcə də vacib problemlərin həlli müzakirəsi deyil, əksərən boş, mənasız hallar üzərində uzun-uzadı söz dueli açılır. Bunlardan maksimum dərəcədə qaçmaq lazımdır. Müxalifət onsuz da cəmiyyətdə və ölkədə gedən proseslərdə iştirak imkanlarını demək olar ki, itirib. Bu barədə düşünmək lazımdır”.

"Yeni Müsavat”

Xəbər 264 dəfə oxunub






Oxşar xəbərlər

Azərbaycan neftinin qiyməti 69 dollara yaxınlaşıb
Göyçayda mənşəyi məlum olmayan 500 kiloqram ət aşkarlanıb
"Piter Elçin" Rusiyaya qayıtdı - Xəlilov qardaşları Sankt-Peterburqdan qaçdı
Yevlaxda 17 yaşlı qız oğurlandı
"MEDERA HOSPİTAL" 1 milyon cərimə edildi (Özəl)
Abel Məhərrəmovu ispan şərabı, şeyxlə "razborka" və dikbaşlıq bitirib / SENSASİON
Abel Məhərrəmov vəzifəsindən AZAD EDİLDİ
QHT Şurası 2019-cu il birinci qrant müsabiqəsini elan etdi
Milli Məclisdə deputatlar arasında mübahisə düşdü
Eldar Əzizov rəsmən Bakı meri oldu – SƏRƏNCAM
Milli Məclisə ayrılan pulun məbləği ARTIRILIR
Sarkisyan Qarabağdan danışdı
Ağdərədə ermənilərə BÖYÜK ŞOK - ÖLƏNLƏR VAR
ADAU əməkdaşları Ukraynanın Sumi Milli Aqrar Universitetindədir
Zahid Oruc şəhid ailələrinin müdafiəsinə qalxdı: - "Bu yaxşı hal deyil!
Britaniya Şurasının rəhbəri Bakı Ali Neft Məktəbində olub
Ötən ay Ukraynadan Azərbaycana 13 min tona yaxın şəkər ixrac edilib
Yasamalda qadın kirayə qaldığı evdə qətlə yetirilib
ADP sədri müxalifətin uğursuzluqlarından yazdı
Milli Məclisdə gərgin büdcə müzakirələri
“İran Suriyada Türkiyə üçün təhlükədir” – ABŞ
Dollar bugünə məzənnəsi
“Qəbələ”nin məşqçisi qəzada həlak oldu - Foto
Filmə 1,5 milyon ayıran nazirə möhtəşəm – Müraciət
Libermanın şok istefa QƏRARI
Prezident ilk dəfə KTMT-də baş verənlərdən danışdı
Terrrorçu PKK-YPG əlaqələrini ifşa etdi
İlham Əliyev Fələstin liderini təbrik edib
“Bu millət hər şeyə hazırdır, təki nəsə qopara bilsin” - Deputatdan aşağılayıcı çıxış
Bakı meri DYP rəisinin qanunsuz tikilisini dayandırdı
QUBADA AVTOXULİQAN GƏNCLƏR SAXLANILDI
Əli Məsimli: “Azərbaycanda milli gəlir ədalətlə bölünmür”
"Dağlıq Qarabağ Azərbaycan torpağıdır" - Ukraynalı araşdırmaçı ilə MÜSAHİBƏ
Bakıda çörək almağa gedən uşaq itkin düşüb - FOTO
Elmar Vəliyevin oğlu daha bir vəzifəsini itirdi
Bakılı İsraildə seçkilərdə qalib gəldi və mer oldu
Fərəc Quliyev təltif olundu - Zakir Həsənova TƏŞƏKKÜR yazdı
Sabahın hava proqnozu açıqlanıb
Daşkəsəndə yanğın zamanı ölən uşaqlar...- FOTOLAR
Arif Rəhimzadə hökumətdən pul istəmədi
Evində narkotik gizlədən Göyçay sakini saxlanılıb
Azərbaycan və Ermənistan XİN nazirlərinin görüşünün təşkili BARƏDƏ
"Lopeteqiyə haqsızlıq edildi" - "Real"ın futbolçusu
Sərxoş aktrisa oteldən qovuldu - FOTO
Bakıda 10 000 manatlıq qızıl-zinət əşyaları oğurlanıb
Samuxda elektrik yarımstansiyasında PARTLAYIŞ
Kəmaləddin Heydərovun "Ağ ev"i boşaldılır — FOTOLAR
Mübariz Mənsimov yazdı, şəhid anasına hörmətsizlik edən cəzalandırıldı
“Medianın iqtisadi durumu problemsiz deyil” - Əflatun Amaşovdan təklif
"Hansısa qüvvə onların media ilə bağlı təklifinin Prezidentə çatmasını istəmir" - DEPUTAT
Nazir dedi: "Pensiyalar artırılacaq"
Ermənistan XİN: “KTMT daxilində problemlər var”
Sabaha – yağış gözlənilir
Rusiyanın Ermənistandakı hərbi bazasında dava olub
Cavid Qurbanov “Hafka” və Ziya Məmmədova qarşı – Məhkəmə işi
Maşını xarab oldu, cərimələndi
Azərbaycanda bu məhsullar bahalaşıb – SİYAHI
Bakıda məcburi köçkünlərin binasında yanğın – Fotolar
Röya Ayxan hamiləlik FOTOSUNU YAYDI
Həbsdə olan iş adamının bəraət tələbi rədd edildi
Azərbaycanda 1,3 milyard manat məhv edilib
Azərbaycanlı xanım Ukraynada polis rəisidir - FOTO
GÜNDƏM: - Milli Məclis büdcə müzakirələrinə başladı
Yeni qaz sayğacları gətirilib: fərqli
Poroşenkoya yersiz sual verən jurnalist işdən çıxarıldı
Trampdan dünyaya pis nümunə
Qriplə bağlı rəsmi AÇIQLAMA
FTX azərbaycanlı jurnalisti casusluqda ittiham edir - KİV
Erməni təxribatı davam edir
MÜJDƏ: Büdcəmiz 3 milyard böyüdü: maaşlar artır, tibbi sığorta gəlir...

Bütün xəbərlər

2018-SARI İT BİZƏ NƏLƏR VƏD EDİR?
love HƏR ŞEY "İT" KİMİ OLACAQ
am DİNAMİK İNKİŞAFIMIZ DAVAM EDƏCƏK
lol HEÇ VECİMƏ DƏ DEYİL
tongue AZƏRBAYCANDAN BAŞ GÖTÜRÜB QAÇACAĞAM
crying TRAMP NEFTİN QİYMƏTİNİ QALDIRMAĞA NAİL OLACAQ
what QARABAĞI GERİ ALACAĞIQ
wink SƏN SAYDIĞINI SAY, GÖR Kİ, FƏLƏK NƏ SAYACAQ
recourse DOLLAR 2 MANATDAN BAHA OLACAQ
angry ACLIQ, YOXSULLUQ GƏLİR
tongue ALLAH BİLİR OLACAĞI...

«    Noyabr 2018    »
BeÇaÇCaCŞB
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 
        Ünvan: Bakı şəhəri, Mətbuat prospekti, 529-cu məhəllə, Azərbaycan nəşriyyatı, 1-ci mərtəbə.
© Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Script time: [0.12294] initstartout [0.00013] initstartin [0.00055] calstart [0.00740] calend [0.00039] topnewsend [0.00343] rsssend [0.00000] ehgend [0.00527] tagsstart [0.00045] tag-initendin [0.00000] initendout [0.00000] weathend [0.00000] end [0.10529]