Bütün yenilikləri Facebook səhifənizdə izləyin. Yalnız "Bəyənirəm" edin.

13:04 - 22.03.2019  
Ermənilərin yeni Qarabağ oyunu - Rusiyaya güvənir və..
Tarix: 24-07-2018, 10:22 | Bölmə: Xəbərlər » Siyasət

Ermənistan rəhbərliyinin konfliktlə bağlı ikili siyasəti yeni situasiya yaradıb; israilli hərbi-siyasi ekspert: "Silahlarımız Azərbaycana Ermənistana qarşı müharibədə kömək edəcək...”

Ermənilərin yeni Qarabağ oyunu - Rusiyaya güvənir və..Xəbər verildiyi kimi, erməni baş nazir Ter-Petrosyanla görüşdə "Qarabağın statusuna qarşılıq olaraq ərazilərin qaytarılması” düsturu haqqında danışdıqlarını deyib və növbəti dəfə radikal mövqe sərgiləyərək, Azərbaycanın güzəştə getməli olduğunu iddia edib.

"Biz nədən Ermənistanın güzəştə getməli olduğunu müzakirə edirik? Niyə yalnız biz özümüzdən danışırıq. Biz Azərbaycanın güzəştə hazır olduğu mesajını alan kimi güzəştin mahiyyətini müzakirə edəcəyik və xalqı buna hazırlayacağıq”, - deyə o bildirib.

Paşinyan həmçinin Ter-Petrosyanla görüşdə ümumi müzakirələr apardıqlarını söyləyib: "O, mənə Qarabağ münaqişəsi ilə bağlı faydalı hesab etdiyi bəzi məlumatları verdi. Lakin münaqişə ilə bağlı mövqeyini bildirmədi”.

Yəni Ter-Petrosyan da əslində narahatdır ki, N.Paşinyan Qarabağ məsələsi ilə bağlı nə edəcəyini bilmir. Problemin qalması isə Ermənistan üçün inkişaf şansının olmaması deməkdir. Elə Levon Ter-Petrosyanın özü dəfələrlə Ermənistanın dövlət kimi gələcəkdə varlığının Qarabağ münaqişəsinin həllindən asılı olduğu fikrini dilə gətirib. Ermənistanın başında duran qüvvələr bu gerçəyi anlayıb Azərbaycanla dil tapmayınca oradakı hakimiyyət dəyişikliklərinin də, "məxməri inqilab”ların da əhəmiyyəti olmayacaq.  Çünki sülhün yeganə alternativi müharibə daim qapını kəsdirəcək.

*****

Şübhəsiz ki, Azərbaycan bu perspektivi heç vaxt olmadığı qədər ciddiyə alır və əlverişli məqamı gözləyir. Belə bir fürsət yetişənədək isə o, öz ərazilərini güc yolu ilə azad etməyə qadir, döyüş və qələbə qabiliyyətli ordusunu daha da gücləndirəcək. Vaxtaşırı qardaş Türkiyə ilə birgə keçirilən hərbi təlimlər də eyni hədəfə hesablanıb.

Yeri gəlmişkən, ötən həftəsonu Azərbaycanın müdafiə naziri Zakir Həsənov bir daha silahlı qüvvələrimizin döyüş hazırlığının artırılması üzrə tapşırıq verib. Belə ki, Mərkəzi Komanda Məntəqəsində Zakir Həsənovun rəhbərliyi altında nazirliyin rəhbər heyətinin iştirakı, həmçinin videobağlantı vasitəsilə cəbhə bölgəsində yerləşən birlik və birləşmə komandirlərinin cəlb olunması ilə xidməti müşavirə keçirilib.

Müdafiə Nazirliyindən verilən məlumata görə, keçirilmiş təlimlər, komandanlar və komandirlərin məruzələri, habelə qoşunların hərtərəfli fəaliyyətinin yoxlanılmasının nəticələri əsasında cəbhə bölgəsindəki və qoşunların digər dislokasiya yerlərindəki cari vəziyyəti təhlil edən müdafiə naziri müvafiq göstərişlər verib. Gizli idarəetmə və maskalanmanın tələblərinə ciddi riayət etməklə ehtimal olunan döyüş əməliyyatları istiqamətlərində qüvvə və vasitələrin vaxtında cəmləşdirilməsi məqsədilə nazir qoşunların operativliyinin, döyüş hazırlığının, bölmələrin, birləşmələrin yüksək manevrlik və dəqiq qarşılıqlı fəaliyyətinin artırılması üzrə tapşırıqları müəyyən edib.

Müşavirə zamanı habelə ümumi təhlükəsizlik məsələlərinə, xüsusilə də yanğın təhlükəsizliyi qaydalarına ciddi riayət olunması, həmçinin qoşunların fasiləsiz və hərtərəfli təminatı ilə əlaqədar göstərişlər verilib.

*****

Azərbaycan eyni zamanda öz ordusunun müasir döyüş sistemləri ilə təchiz edilməsi istiqamətində gərəkən addımları atmaqdadır. İsraillə hərbi əməkdaşlıq bu xüsusda mühüm önəm daşıyır. Bu da səbəbsiz deyil. Çünki İsrail hərbi texnologiyalar sahəsində faktiki, ən öncül yerə çıxıb. Bu yaxınlarda Azərbaycanın Hərbi Sənaye Nazirliyi ilə İsrailin "Aeronautics” şirkəti arasında imzalanan sənəd - niyyət protokolu ikitərəfli hərbi əməkdaşlığın yüksək səviyyədə olduğunun təsdiqi sayıla bilər. Sənəd işğalçı Ermənistanın qorxulu röyası olan Pilotsuz Uçan Aparatların (PUA) yeni növünün birgə istehsalını nəzərdə tutur.

"Yeni Müsavat”ın məlumatına görə, bu barədə danışan İsrailin Moskvadakı sabiq konsulu, daxili təhlükəsizlik nazirinin keçmiş müşaviri, hərbi-siyasi icmalçı Aleks Veksler deyib.

"İsrailin pilotsuz aparatları çox effektlidir. Azərbaycanla bizim qarşılıqlı etimada əsaslanan əlaqələrimiz ona gətirir ki, biz öz dostumuzla texnologiyalarımızın yeniliklərini və silahlarımızı bölüşürük. Azərbaycan bizim dostumuzdur - həm də uzun müddətə. Heç bir şübhə yoxdur ki, ikitərəfli əlaqələrimiz bundan sonra hərbi planda da inkişaf edəcək. İsrailin pilotsuz aparatları Azərbaycana Ermənistana qarşı müharibədə kömək edəcək”, - deyə o qeyd edib.

İsrail PUA-larının hansı ölkələrinə tədarük olunduğuna gəlincə, ekspert bu aparatların yalnız dost ölkələrə verildiyini diqqətə çatdırıb. "PUA-lar mülki və hərbi təyinatlı olur. Hərbi təyinatlıları yalnız İsrailə dost ölkələrə satmağa çalışırıq” - ekspert əlavə edib.

*****

Şübhə yox ki, Rusiya əngəl olmasa, Azərbaycan indiki hərbi göstəriciləri ilə də işğal altındakı ərazilərini qısa zamanda azad edə bilər. Bunu erməni tərəf yaxşı bilir. Ermənistanın qərbyönlü baş naziri Nikol Paşinyan da bunun fərqində olduğu üçün, açıq şəkildə Qərbə yaxınlaşma kursu götürməkdən çəkinir.

"Ermənistanın baş naziri Nikol Paşinyanın ”Rusiya Qarabağda müharibəyə imkan verməyəcək" bəyanatı indiki erməni rəhbərliyinin ikiüzlü siyasətindən başqa bir şey deyil". "Yeni Müsavat” xəbər verir ki, bunu virtualaz.org-a açıqlamasında rusiyalı politoloq Yevgeni Mixaylov deyib.

"Paşinyan hər vəchlə göstərmək istəyir ki, Ermənistan Rusiyanın strateji partnyoru olaraq qalır. Amma işdə onun komandası ölkəni fəal şəkildə NATO-ya aparır və Rusiya hərbi bazalarını ölkədən səs-küy yaratmadan çıxarmağa çalışır. Erməni KİV-ində, xüsusilə Paşinyanın xanımının nəzarəti altında olanlarda Rusiya hərbi bazaları hərbi qulluqçularının pislənməsi ilə bağlı azğın kampaniyaya baxmaq kifayətdir. Kampaniya Şirak vilayətindəki Pinak kəndi ərazisində təlimlər zamanı baş verən hadisədən sonra daha geniş vüsət alıb. Ehtimal ki, Paşinyan, Rusiya hərbçilərinə hücum edərkən əndazəni aşdığından qorxub, bu səbəbdən Rusiyaya xatırlatmağı qərara alıb ki, hələ də Moskva tərəfindən müdafiəyə ümid edir”, - deyə ekspert bildirib.

Mixaylov əmindir ki, Paşinyan Ermənistanı NATO-ya eyni yolla, - hansı ki, ora onunla qonşu olan respublika cəhd edir, - aparır. Və eyni zamanda Yerevanda Rusiya və Kollektiv Təhlükəsizlik Müqaviləsi Təşkilatı (KTMT) tərəfindən hansısa dəstəyə ümid edirlər. "Bəli, Moskva Cənubi Qafqazda müharibədə maraqlı deyil. Amma erməni-Azərbaycan münaqişəsinə Rusiyanın münasibəti, hər şeydən əvvəl, Moskvanın milli maraqlarından qaynaqlanır. İstisna edilmir ki, müəyyən şərtlərdə Rusiya Qarabağ münaqişəsinin həllində Azərbaycanın gücə əl atacağını sakitcə müşahidə edəcək. Bu halda müharibə Azərbaycan ərazisində gedəcək və Rusiya da Dağlıq Qarabağı Azərbaycan ərazisi hesab edir, deməli, bu, KTMT-nın müdaxiləsinə səbəb ola bilməz”, - politoloq vurğulayıb.

Ekspertin fikrincə, Paşinyan uğursuz manevr etməyə çalışır: "Moskvada o, Rusiyanın, Brüsseldə isə Qərbin müttəfiqidir. Amma Ermənistanın real siyasi kursu tədricən Qərbin hərbi-siyasi blokuna daxil olmağa yönəlib”. Y.Mixaylov şübhə etmir ki, bu, Moskvaya yaxşı məlumdur.

"Paşinyanın mətbuat konfransındakı sözləri dolayısı etirafdır ki, Rusiya olmasa, Azərbaycan çoxdan torpaqlarını azad etmişdi”. Bu sözləri isə erməni baş nazirin son mətbuat konfransında dediyi ifadələrə münasibət bildirən politoloq Əhəd Məmmədli deyib (axar.az).

O, Paşinyanın ikitərəfli oynadığını deyib: "Həm Rusiyaya deyir ki, səninləyəm, məni qoru, həm də Qərbdən yardım istəyir. Əsl erməni xislətidir - hiyləgərlik, yalançılıq, xainlik nümunəsi. Amma Rusiya da, Qərb də bunu yaxşı anlayır. Təbii ki, Qərb Ermənistana yüksək məbləğdə yardımlar etməyə çəkinir. Çünki Rusiyanın nəzarətində və müharibə şəraitində olan ölkəyə Qərb investisiya qoymağa risk etməz. Eyni zamanda Rusiya da Paşinyanın ikitərəfli oyununu qəbul etmir. Hələlik Paşinyan Qərblə Rusiya arasında rəqs etməyə cəhd edir. Amma nə vaxta qədər?! Siyasət rəqqasları sevmir”.

Politoloq Paşinyanın Azərbaycanın güzəştə getməli olduğu ilə bağlı iddiasına da toxunub: "Onun bu iddiasının əlindən alınması üçün Azərbaycan Ordusu müəyyən əraziləri azad etməlidir. Bu halda artıq əraziləri işğalda saxlayan tərəfin ”üstünlük" iddiası darmadağın olacaq. Paşinyanın məlum güzəşt məsələsində istəyi köhnə düşüncədir: 5+2 rayonun azadlığı qarşılığında Dağlıq Qarabağın müqəddəratı. Bu isə qəbul edilə bilməz. Dağlıq Qarabağ ətrafında işğalda saxlanılan və Ermənistanın özünün də iddia etmədiyi 7 rayon Dağlıq Qarabağ müzakirəsində alver predmetinə çevrilə bilməz. 7 rayon heç bir şərt olmadan azad edilməlidir. Dağlıq Qarabağa isə Azərbaycan ərazi bütövlüyü çərçivəsində status və qarantiya məsələsini torpaqlar işğaldan azad edildikdən sonra müzakirə etməyə hazırdır. Başqa heç bir güzəşt ola bilməz".

*****

Gerçəkdən də, Azərbaycan ərazisinin 20%-ini işğal eləmiş Ermənistana hansı güzəşti edə bilər ki? Bizim düşmənə ən böyük güzəştimiz sülh anlaşması naminə işğal rejiminə dözməyimizdir. Ancaq bu, sonsuzadək də sürə bilməz. Bu mənada düşmənin yeni və hiyləgər Qarabağ oyunu, yəni həm Rusiyaya güvənməsi və ona minnət qoyması, həm də ondan qorxmağa başlaması əslində Azərbaycan üçün müəyyən fürsətlər də aça bilər...

Siyasət şöbəsi

Xəbər 1157 dəfə oxunub






Oxşar xəbərlər

Türk əsgərləri S-300-ə görə Azərbaycana gəlir
Bu deputatlar həm də QRANT alırmış - “7 min və..."
"Alov" mühafizə xidməti ilə Təhsil Nazirliyinə alovlu KORRUPSİYA İTTİHAMI
Makron Breksit məsələsində nöqtəni qoydu
Fizuli Məmmədov sağ qalan kəşfiyyatçımıza ev hədiyyə edib
Teymur Əhmədovun 50 il əvvəlki yazısı - Nəriman Nərimanov Novruz bayramı haqqında...
Goranboyda satıcılar icra başçısına etiraz etdilər- VIDEO
"Əli İnsanovun ağsaqqallıq etməsindən məmnun olarıq" - İsgəndər Həmidov
"Dilənçiliyi təbliğ edən Kosa və Keçəl personajları ləğv edilməlidir..." - Rəşid Mahmudov
Putin general Şoyqunu Əsədin yanına yolladı
“Nazarbayevin prezidentlikdən gedişi gözlənilən idi” – Ekspert
“Müharibə başlaya bilər” - Lavrovdan şok xəbərdarlıq
Eldar Sabiroğlu və Rüfət Səfərov yazır: "Qələbə bizimlədir!"
AÇ-2020-nin seçmə mərhələsi başlayır
Elmar Məmmədyarov şərt qoydu
Türkiyədə yenidən zəlzələ – Üç məscid çatladı
"Boeing" "737 MAX" laynerlərini modernizasiya edəcək
ABŞ Suriyada 400 hərbçi saxlayacaq
Prezident Novruz təbrikində də islahatların anonsunu verdi - VİDEO MÜRACİƏT
Azərbaycan idmançılarından möhtəşəm Novruz zəfəri - 25 medal
Deputat Aydın Mirzəzadə də Əli İnsanovu qınadı
Niyazi Bayramov vətəndaş müraciətlərinə baxıb
Qarabağın Ermənistana “birləşdirilmə" kampaniyası başladı
Gəncədə oğru saxlanılıb
Marixuana əkən İsmayıllı sakini yaxalanıb
Goranboyda şəhid polislərin ailələri ilə görüş keçirilib
İşğalçını öz adı ilə çağırmağın zamanı - sülhün əsas şərti
Baş nazirdən yeni qərar: bu qurum ləğv edildi
Nəsimi rayonunda yanğın: 12 nəfər təxliyə olunub
Moskvadan İrəvana kritik zəng, NATO xofu, Bakıya işarə
Sevil Əliyevadan bayram təbriki
İlham Əliyevdən yeni müavin təyinatı (DOSYE)
Nazarbayev Putinlə istefasını müzakirə edib
Bu gün Azərbaycanda Novruz bayramıdır
Sevil Nuriyeva Etimaddan yazdı: "“İlk görüşdə..."
ŞOK! - NAZARBAYEV İSTEFA VERDİ!
İranda daşqınlar: 500 ailə evini tərk edib
Ərdoğan Qərbə meydan oxudu: “Bacarırsansa…”
Prezident xalq artistinə ev verdi
"Ermənilərin torpaq qaytaracağına ümid edənlərə.." - Qafar Çaxmaqlı
Prezident İlham Əliyev Bakıda Novruz şənliyində iştirak edir
Bu gün ilaxır çərşənbədir - torpaq çərşənbəsi...
"Yeni Müsavat"dan müxaliflərə sərt yazı: - Əfvə düşüb, dişi sındırılan təbliğat maşını
Ermənistan XİN başçısı Lavrova zəng etdi
İsraildə fahişəlik sürətlə artır – Hesabat
Azərbaycanda İlaxır çərşənbə qeyd olunur
Əli İnsanov əvvəllər və indi (?): – VİDEO
İslahatlar PROJESİ bədnam və antimilli məmurları da LİKVİDASİYA edəcəkmi?!
Kəmaləddin Heydərov "bayram əmri" imzaladı
"Bəziləri deyir ki, Əli İnsanov da korrupsionerdir" — Müxalifətdən
Ermənistanda qaz bahalaşır
Azərbaycanlı model çılpaq halda fotolar çəkdirdi (18+ FOTOLAR)
Saakaşvili “Vahid Milli Hərəkat” partiyasının sədrliyindən gedir
İcra başçısı konserv zavodunun 150 səhmdarını çölə atdırıb - reportaj
2019 Qarabağ konfliktinin “qırılma ili” ola bilər -
Qərb mediası 49 müsəlmanın öldüyü hadisəyə niyə “terror” demədi?
Kosmik təhlükə: Yerə asteroid yaxınlaşır
YAP gəlirlərini açıqladı:bəs parlamentdən kənardakı partiyalar?
İlham Əliyevin inqilabı - Rauf Arifoğlunun yazısı
Ağsuda heroin satışı ilə əlaqədar iki nəfər tutulub
Tanınmış YAP-çı Polkovnik : "Prezident xeyirxah bir addım atıb"
Emin Milli İlham Əliyevə TƏŞƏKKÜR yazdı
"54 məhkum Ombudsmanın vəsatəti əsasında əfv olunub"
Energetika naziri səudiyyəli həmkarı ilə görüşüb
Zakir Həsənov əsgərlərlə bayram süfrəsində - VİDEO + FOTO
Əfv sərəncamının icrası tam başa çatdı
Əli İnsanov siyasətə qayıdacaqmı? - Məhbəsdə "YOX" azadlıqda "HƏ"
Fikrət Fərəməzoğlu: “Adımın əfv siyahısında olacağına inanmırdım”
Əli İnsanov ölkədən kənarda yaşamaq istəmir
Məsciddə müsəlmanları qətl edən terrorçu MƏHKƏMƏDƏ

Bütün xəbərlər

2019 - SARI QABAN NƏLƏR VƏD EDİR?
love HƏR ŞEY "QABAN" KİMİ OLACAQ
love DEMOKRATİYAYA DOĞRU BİR AZ DA İRƏLİLƏYƏCƏYİK...
am DİNAMİK İNKİŞAFIMIZ DAVAM EDƏCƏK
lol HEÇ VECİMƏ DƏ DEYİL
tongue AZƏRBAYCANDAN BAŞ GÖTÜRÜB QAÇACAĞAM
crying TRAMP NEFTİN QİYMƏTİNİ QALDIRMAĞA NAİL OLACAQ
what QARABAĞI GERİ ALACAĞIQ
wink SƏN SAYDIĞINI SAY, GÖR Kİ, FƏLƏK NƏ SAYACAQ
recourse DOLLAR 2 MANATDAN BAHA OLACAQ
angry ACLIQ, YOXSULLUQ GƏLİR
tongue ALLAH BİLİR OLACAĞI...

«    Mart 2019    »
BeÇaÇCaCŞB
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
        Ünvan: Bakı şəhəri, Mətbuat prospekti, 529-cu məhəllə, Azərbaycan nəşriyyatı, 1-ci mərtəbə.
© Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Script time: [0.11137] initstartout [0.00014] initstartin [0.00058] calstart [0.00613] calend [0.00039] topnewsend [0.00317] rsssend [0.00000] ehgend [0.00724] tagsstart [0.00058] tag-initendin [0.00000] initendout [0.00001] weathend [0.00000] end [0.09310]