Bütün yenilikləri Facebook səhifənizdə izləyin. Yalnız "Bəyənirəm" edin.

10:01 - 20.09.2018  
“BİR YOL VAR: MÜHARİBƏ!…” - İlyas İsmayılov iqtidarı tətiklədi
Tarix: 18-06-2018, 09:32 | Bölmə: Xəbərlər » Siyasət

"30 ildir Qarabağ erməni işğalı altındadır. Azərbaycan hakimiyyəti isə bütün gücünü müxalifətlə mübarizəyə həsr edib. Demokratik qüvvələri yox etməyə sərf olunan enerji separatizmlə mübarizəyə yönədilsəydi, bu məsələ çoxdan öz həllini tapmışdı”.

Bunları Ədalət partiyasının sədri İlyas İsmayılov son zamanlar Qarabağ ətrafında baş verən hadisələri şərh edərkən deyib.

“BİR YOL VAR: MÜHARİBƏ!…” - İlyas İsmayılov iqtidarı tətiklədiPartiya sədrinin fikrinincə, Qarabağ problemi bu gün dövlətimiz qarşısında dayanan ən ümdə məsələdir və hakimiyyət bütün xalqı səfərbər edib torpaqlarımızı erməni işğalından qurtarmalıdır: "Özgə vaxt Türkiyədən söhbət düşəndə "bir millət, iki dövlət” deyirlər. Heç olmasa, bu məsələdə Türkiyədən nümunə götürsünlər. Türkiyə öz ərazi bütövlüyünü təhdid etdiyi üçün hətta qonşu dövlətin ərazisində hərbi əməliyyatlar keçirir, dünyanın ən böyük dövlətlərinin etirazlarına, hədələrinə əhəmiyyət vermir. Azərbaycan hakimiyyəti isə öz torpaqlarımızın işğal altında qalmasına susur, bütün məsuliyyəti buna laqeyd qalan beynəlxalq birliyin üzərinə atır. O zaman hansı haqla "bir millət, iki dövlət” şüarıyla özlərini Türkiyə hakimiyyətiylə eyniləşdirirlər? Azərbaycan xalqı Türkiyə xalqıyla, sözsüz ki, eyni millətdir. Amma Azərbaycan hakimiyyəti də bu bütünlüyü layiqincə yerinə yetirmək üçün öz xarakterini Türkiyə hakimiyyətinə yaxınlaşdırmalıdır”.

Ümumiyyətlə, hakimiyyətin 25 ildən artıqdır Qarabağ məsələsinin həllində beynəlxalq aləmdən mədəd uman siyasətinin kökündən yanlış olduğunu düşünən İlyas İsmayılova görə, Azərbaycan xalqı bu problemi öz daxili gücü hesabına həll etməlidir: "Hakimiyyət isə problemin həllini ATƏT-in Minsk qrupuna həvalə edib. Halbuki, bu yolla problemin həllini gözləmək ilk gündən əbəs idi. Əvvəla, ona görə ki, ATƏT-in Minsk qrupunun çıxaracağı qərarlar imperativ xarakter daşımır. Onlar yalnız tövsiyə verə bilərlər və bu tövsiyələrin həyata keçib-keçməməsi münaqişə tərəflərindən asılıdır. Ermənilərin həmin tövsiyələrə əməl etməyəcəyi isə ilk gündən bəlli idi və şəxsən mən bir hüquqşünas alim, bir partiya lideri kimi bunu dəfələrlə hakimiyyətin nəzərinə çatdırmışam.

İkincisi, ona görə ki, ATƏT-in Minsk qrupunun qəraralma mexanizmi konsensus prinsipinə əsaslanır və onun hər bir üzvünün fərqli maraq dairələri var. Sözsüz ki, bu fərqli maraq dairələrindən vahid mövqenin ortaya çıxmasını gözləmək yersizdir.

Üçüncüsü, ona görə ki, Minsk qrupunun üzvlərinin hamısı ermənilərə daha yaxındır. İstər ABŞ-dakı, istər Fransadakı güclü erməni lobbiləri həmin ölkə nümayəndələrinin problemin həllinə ədalətli yanaşmasının qarşısını alır və bu, əvvəldən də bəlli idi. Minsk qrupunun digər üzvü Rusiyadan isə heç danışmağa dəyməz. Məlumdur ki, bu problemi Cənubi Qafqaza nəzarət etmək üçün Rusiyanın özü yaradıb və konfliktin davamında maraqlıdır. Belə vəziyyətdə hakimiyyətin guya sülh yoluyla problemin həlli siyasəti Azərbaycan xalqına yalançı ümid verməkdən başqa bir şey deyil”.

Problemin yeganə həllini hərb variantında görən İlyas İsmayılovun fikrincə, buna Azərbaycanın həm hərbi qüdrəti, həm də beynəlxalq konvensiyalardan gələn suverenlik hüquqları çatır: "Qarabağ Azərbaycanın sərhədlərinə daxil olan ərazisidir və bu, dünya birliyi tərəfindən də tanınıb. Bu ərazilərin ermənilər tərəfindən işğal olunması ilə bağlı BMT-nin 4 mühüm qətnaməsi var və hakimiyyət bu qətnamələri əsas gətirib Dağlıq Qarabağda hərbi əməliyyatlara başlaya bilər.

Azərbaycan ordusu da, xalqımız da bu tarixi vəzifəsini yerinə yetirmək əzmindədir. İki il əvvəl – 2016-cı ilin aprel döyüşlərində xalqımızın Qarabağ məsələsində necə səfərbər olunduğunu bütün dünya gördü. Qısa zaman ərzində çox mühüm strateji əraziləri işğaldan azad etdik. Təəssüf ki, hakimiyyət bu əzmini uzun müddət davam etdirə bilmədi. 4 gündən sonra Rusiyanın çağırışı ilə erməni tərəfiylə eyni masaya oturub atəşkəsi bərpa etmək sazişinə qol çəkdi. Halbuki, çətin vəziyyətə salınmış ermənilər qarşısında çox mühüm şərtlər qoyula və ərazilərimizi işğaldan azad edə bilərdik”.

Hakimiyyətin müdafiə siyasətinin düzgün qurulmadığını vurğulayan "Ədalət” sədri fikrini Qarabağ döyüşçülərinə göstərilən laqeydsizliklə əsaslandırdı: "Hər bir dövlət öz ərazi bütövlüyü uğrunda həlak olan, ağır yaralanan və ya döyüşən igid oğullarına xüsusi diqqət yetirir. Şəhid ailələri dövlətin himayəsi altına alınır, yaralılar, əlillər ən müasir xəstəxanalarda dövlət hesabına müalicə və ömür boyu pulsuz dərmanla təmin olunurlar. Qazilərin igidliyi cəmiyyətdə təbliğ edilir və onların həyat səviyyəsi yaxşılaşdırılır. Bu, ilk növbədə xalqın öz topraqları uğrunda döyüşməsini təşviq etmək üçün lazımdır.

Bizdə isə Qarabağda əlil olan döyüşçülərimiz dərmanlarını ala bilməyəcək vəziyyətdədirlər. Yaşadıqları əziyyətlərə dözə bilmədiklərindən intihar edənlər var. Azərbaycanın sərvətləri isə bir ovuc korrupsioner məmurlar tərəfindən talanır.Təsəvvür edin ki, işdən çıxarılan nazirlərin hakimiyyətdə olduğu müddətdə mənimsədikləri vəsaitlər milyardlarla dollarla ifadə edilir. Bu qədər məbləğ Ermənistanın illik büdəsindən belə çoxdur. Bir zamanlar bizim hakimiyyət nümayəndələri ordumuza hər il ayrılan vəsaitin Ermənistan büdcəsindən 2 dəfə çox olmasıyla qürur duyurdular. İndi məlum olur ki, nəinki ordumuzun büdcəsi, hətta ortabab nazirimizin varidatı da Ermənistan büdcəsindən çoxdur. Bununla belə, dövlət ərazilərimizin 20%-i erməni işğalı altındadır. Düşmənindən dəfələrlə varlı nazirlər tərəfindən idarə olunan bir dövlətin bu hala düşməsi hakimiyyətin öz işinin öhdəsindən layiqincə gələ bilməməsindən qaynaqlanır”.

Ermənistanda Paşinyanın hakimiyyətə gəlməsindən sonra Azərbaycanın beynəlxalq aləmdə nüfuzunun daha da zəiflədiyini düşünən həmsöhbətimizə görə, bu, ilk növbədə qonşumuzun demokratik imic qazanmasıyla bağlıdır: "Bəllidir ki, dünyanın aparıcı dövlətləri xarici siyasətlərini qurarkən, bir çox amilləri nəzərə alırlar. Bunlardan biri də mədəni yaxınlıqdır. Ermənistan xristian dövlət olaraq Qərb ölkələrinə bizdən bir köynək onsuz da yaxındır. İndisə daha demokratik dövlət imici qazandı. Biz isə mübahisəli seçkilərlə və müxaliflərə tutulan divanla qeyri-demokratik imicimizi möhkəmləndiririk. Təsadüfi deyil ki, Paşinyan bu gün həm Rusiya, həm də ABŞ tərəfindən daha hörmətlə qəbul edilir. ABŞ Ermənistanın inkişafı üçün milyonlarla dollar vəsait ayırır. Rusiya Ermənistanı əldən buraxmamaq üçün ona güzəştli kreditlər, müasir silahlar verir. Azərbaycan hakimiyyətinin isə hətta öz mövqeyini möhkəmləndirmək üçün verməyə çalışdığı rüşvət belə, qəbul olunmur. AŞPA-dan nümayəndə heyətimizin rəhbəri Səməd Seyidovun qovulması da bunun nəticəsidir”.

İlyas İsmayılova ən ağır gələn isə odur ki, Qarabağ bizim dədə-baba yurdumuz olduğu halda, Ermənistan hakimiyyətinin ora daha çox can yandırır: "Mətbuatdan oxudum ki, Paşinyan öz oğlunu Qarabağda ön cəbhəyə əsgərliyə göndərir. Bizim məmurların övladları isə nəinki əsgərlikdən yayınırlar, hətta Qarabağda ölümlə çaprışan kasıb ailələrinə ayrılan vəsaitləri mənimsəyən atalarının oğurluqları varidatın, korrupsiya əməlləri sayəsində əldə etdikləri sərvərin hesabına xaricdə və ölkəmizdə at oynadırlar”.

"Kasıbın oğlu səngərdə, varlının oğlu komfort içində” anlayışıyla Vətən müdafiəsinin mümkün olmadığını düşünən İlyas İsmayılov bunun heç bir ədalətə və dövlətçilik ənənələrinə sığmadığına inanır və ölkə rəhbərlərimizi heç olmasa bəyənmədiyimiz SSRİ təcrübələrindən nəticə çıxarmağa çağırır: "Sovet hakimiyyəti II Dünya müharibəsində ona görə güclü düşmənə qalib gəldi ki, Vətənin müdafiəsi hər kəsin – idarə edənin də, idarə olunanın da şərəf borcuna çevrilmişdi. Hətta Stalin belə, öz övladını cəbhədən yayındırmamışdı. Faşistlərə əsir düşən oğlunu generalla dəyişməkdən imtina etmişdi”.

İlyas İsmayılova görə, Azərbaycan hakimiyyəti Qarabağ probleminin həllində o qədər çarəsizdir ki, ümidini absurd xəyallara bağlayır: "Bilirsiniz ki, Paşinyan hakimiyyətə gələndə bizim rəsmilər sevinirdilər. Xalqda belə bir illuziya yaratmağa çalışırdılar ki, guya, Ermənistanın yeni Baş naziri demokratdır, beynəlxalq hüquq normalarını mənimsəyib, üstəlik, o, qarabağlı da deyil, Qazax rayonunun qonşuluğunda yerləşən İcevandandır. Deməli, Qarabağ məsələsində rahatlıqla güzəştə gedəcək, özü öz xoşuyla işğal olunmuş ərazilərdən çəkiləcək. Bu absurd xəyalların puça çıxması uzun çəkmədi. Paşinyan nəinki Qarabağdan geri çəkilmək niyyətini ortaya qoymadı, hətta andiçmə mərasimini Şuşaya saldı. Bununla da Şuşanı Ermənistanın faktiki ikinci paytaxtı elan etdi. Bizim Xarıcı İşlər Nazirliyi isə olduqca qorxaq bir üslubla Paşinyana beynəlxalq hüquq normalarını xatırlatdı və onu bu cür qürurqırıcı addımlar atmamağa çağırdı”.

Məsələnin həllini istəməyən Paşinyanın danışıqlar prosesində terrorçu-separatçıların da iştirakını təklif etdiyini xatırladan İlyas İsmayılov işğal olunmuş Azərbaycan rayonlarına erməniləri məskunlaşdırıldığını qeyd etdi: "Bu məlumatları eşidəndə adamın ürəyindən qara qanlar axır”.

"Ədalət” sədri xatırladır ki, bir neçə il öncə, guya, Rusiyanın yardımıyla 5 rayonumuzun qaytarılacağı bildirilirdi: "Guya, Sərkisyan da bununla razılaşmışdı. Amma sonunda Ermənistan hökumətinin belə bir niyyətinin olmadığı ortaya çıxdı. Şəxsən mənim fikrimcə, Qarabağın işğaldan azad olunmasının bir yolu var – müharibə. Dünya tarixində indiyə qədər sülh danışıqlarıyla qalib ordunu işğal etdiyi ərazilərdən çıxarmaq təcrübəsi yoxdur. Sülh danışıqlarında əldə ediləcək uğur meydan müharibələrində qazanılacaq zəfərlə əlaqədar olur. Yalnız zəfər qazanmış tərəflər məğlub tərəfi buna məcbur edə bilər. Azərbaycan isə hələ ki, məğlub tərəf statusundan yaxasını qurtara bilməyib. Nə zamana qədər ki, Qarabağın böyük hissəsini alıb öz həqiqi üstünlüyümüzü ermənilərə sübut etməmişik, onların işğal ərazilərini boşaltmasına da ümid bağlaya bilmərik. Ermənilər məğlubiyyətlə barışacaqları və torpaqlarımızı geri qaytarmayacaqları təqdirdə Azərbaycan ordusunun İrəvana qədər irəliləyəcəyinə inandıqları zaman bizimlə razılaşa bilərlər. Buna görə də Qarabağ probleminin yeganə həll yolu müharibədən keçir”.

(Ovqat.com)

Xəbər 4062 dəfə oxunub






Oxşar xəbərlər

BU GÜN AŞURADIR - ZİYARƏTGAHLARDA CANLANMA VAR
Ərdoğan ABŞ-la strateji tərəfdaşlığa ümid bəsləyir
Küveyt parlamentinin sədri Azərbaycana gəlib
GÖMRÜK İNSPEKTORU VƏZİFƏSİNDƏN QOVULDU - Rüşvətə görə
Azərbaycanda Neftçilər günüdür
İlyas İsmayılovun oğlu öldürülüb; qatil polis polkovnikidir!
Hindistanda “islam boşanması” qadağan olundu
Bəşər Əsəd də Putinə başsağlığı verib
DGK sədri Səfər Mehdiyev Latviya səfiri ilə görüşüb
Köçəryan Paşinyanı “tez alışıb yanan” meteoritə bənzətdi
40 yaşlı qadını restoranda zorladılar – Bakıda
Çin ABŞ dövlət borcuna yatırımı azaltdı
Bu axmaqlığa qarşı olan kitab niyə qadağan edilir?
Azərbaycan Müdafiə Nazirliyi Rusiya tərəfinə başsağlığı verib
"Xətai" metrosu bağlanacaq - Vaxtı bilindi
Sirri açılmayan Pasxa adası – FOTO
Avstriyanın vitse-kansleri Azərbaycandadır
Aya uçacaq ilk turist - 42 yaşlı milyarder kimdir?
Qələbə bayrağımızı Xankəndinə əsgər Heydər Əliyev asacaq
Müharibə başlasa... - Qarabağın kimə qalacağını Putin deyəcək?
Əli Həsənov yazır: “Paşinyan o sərvətdən öz şəxsi payını istəyir…”
Prezident milli qəhrəman Mübariz İbrahimovun şücaətindən danışdı
"Kəmaləddin Heydərovun səhhəti barədə yazılanlar şayiədir" - Füzuli Musayev
ZİYA MƏMMƏDOV HƏBS OLUNMALIDIR, AMMA… – 700 milyonluq “səhv” və cəzasızlıq…
Azad seks
Azərbaycanda qızıl və gümüş bahalaşıb
Tramp "Suriya məsələsi"nə" nöqtə qoyacaq
Evləri çılpaq təmizləyən qadın sərvət qazanır — FOTOLAR (18+)
Prezident səfiri və 6 əməkdaşını işdən qovdu
Rus müğənnisi Dima Bilan avtoqəzaya düşdü
Şimali və Cənubi Koreyanın rəhbərləri DİALOQ edib
Paşinyanın Qarabağa qəfil səfəri - Ermənistan təşvişdədir
BÜRCÜNÜZ NƏ DEYİR – 18 sentyabr
Masallı Rayon İcra Hakimiyyətinə 3 milyon manat ayrılıb
Ərdoğan Merkellə görüşə 8 qovluqla gedəcək
Cüdo millimizin heyətində dəyişiklik edildi – ADLAR
Gəncədə qəbiristanlıqda işləyən qadın döyülüb
VƏTƏNDAŞLAR POLİSƏ TƏŞƏKKÜR EDİR
Sahil Babayev əhalinin məşğulluğundan danışıb
Şəbnəm Tovuzlu Aşuradan danışıb - "Matəmimi tutacağam"
XİN sözcüsünə PA-da yüksək vəzifə verildi
İranda Xəzər dənizinin adını dəyişdirirlər
ERMƏNİLƏR ÜZEYİR HACIBƏYOVU BELƏ ÖLDÜRÜB! - VİDEO
Avstriya kanslerinin müavini Azərbaycanda səfərdədir
Gözlənilən 2020-ci il böhranında ABŞ-ın rolu və…
18 sentyabr – Milli Musiqi Günüdür
Kəmaləddin Heydərov şəkərdən əziyyət çəkir - parada ona görə gəlməyib
Tədris ili və Bakının tıxaclı günləri başladı
"Ələt Azad İqtisadi Zona"sı barədə sərəncam imzalandı
“Ermənistan son günlərdə 4-5 hərbçi itirib...” - RƏSMİ
ŞOK OLAY! - Təhsil Nazirliyinin Gəncə ƏMHM-in möhürü və direktoru "yoxa çıxıb" - NİYƏSİ
Şəhərin mərkəzində qızların sinəsində şəkil çəkdi – VIDEO
Əsgər Heydər Əliyev and içdi - VİDEO
111 yaşlı kişinin hələ də məşq edir - FOTO
Gürcüstan Ermənistanın blokadasını gücləndirdi
Bu dərman insan həyatı üçün təhlükəlidir
Trampdan Ukraynadan üzr istəmək tələb olundu
Ərdoğan və Putindən birgə bəyanat - VİDEO (YENİLƏNİB)
ULDUZ FALINIZ – 18 sentyabr
“Soçi görüşü bölgə üçün daha fərqli bir ümid yaradacaq”
Ekspertdən kreditlərlə bağlı vacib açıqlama
İnam Kərimov Gəncədə - ADAU-da yeni dərs ilinin açılışında olub
Azərbaycana payız fəsli nə zaman gələcək?
18 yaşlı tələbə qız ölkə gözəli oldu - FOTO
Fikrət Qocanın nəvəsi Heydər Əliyevlə birgə hərbi xidmətdə - VİDEO - FOTOLAR
Fövqəlnazirin yeznəsi DGK-da işdən çıxarıldı
Ağstafada ŞOK olay - iki maskalı avtomatdan atəş açdı və...
Türkiyədə “Resmi Gazete” bağlanıb
16 yaşlı gənc su quyusuna düşüb öldü
Paytaxtın hansı küçələrində tıxac var? - SİYAHI

Bütün xəbərlər

2018-SARI İT BİZƏ NƏLƏR VƏD EDİR?
love HƏR ŞEY "İT" KİMİ OLACAQ
am DİNAMİK İNKİŞAFIMIZ DAVAM EDƏCƏK
lol HEÇ VECİMƏ DƏ DEYİL
tongue AZƏRBAYCANDAN BAŞ GÖTÜRÜB QAÇACAĞAM
crying TRAMP NEFTİN QİYMƏTİNİ QALDIRMAĞA NAİL OLACAQ
what QARABAĞI GERİ ALACAĞIQ
wink SƏN SAYDIĞINI SAY, GÖR Kİ, FƏLƏK NƏ SAYACAQ
recourse DOLLAR 2 MANATDAN BAHA OLACAQ
angry ACLIQ, YOXSULLUQ GƏLİR
tongue ALLAH BİLİR OLACAĞI...

«    Sentyabr 2018    »
BeÇaÇCaCŞB
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
        Ünvan: Bakı şəhəri, Mətbuat prospekti, 529-cu məhəllə, Azərbaycan nəşriyyatı, 1-ci mərtəbə.
© Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Script time: [0.17053] initstartout [0.00015] initstartin [0.00066] calstart [0.00752] calend [0.00042] topnewsend [0.00354] rsssend [0.00000] ehgend [0.05546] tagsstart [0.00046] tag-initendin [0.00000] initendout [0.00001] weathend [0.00000] end [0.10228]