Bütün yenilikləri Facebook səhifənizdə izləyin. Yalnız "Bəyənirəm" edin.

12:17 - 14.12.2018  
REAL rəhbərliyi Milli Şura və Müsavata OD PÜSGÜRDÜ
Tarix: 8-03-2018, 11:47 | Bölmə: Xəbərlər » Siyasət

Erkin Qədirli: "Öncə söyürlər, sonra mitinqə çağırırlar”; Natiq Cəfərli: "Son 20 ildə xalqın ümidləri, istəkləri ilə oynaya-oynaya gəliblər”

REAL rəhbərliyi Milli Şura və Müsavata OD PÜSGÜRDÜ REAL hərəkatının Milli Şura və Müsavatın martın 10-da "Məhsul” stadionunda keçirəcəyi birgə mitinqdə iştirakdan imtina etməsi sosial şəbəkələri bir-birinə qatıb. REAL mitinqin təşkilatçısı olan hər iki siyasi qurumun tərəfdarları tərəfindən "məhşər ayağına” çəkilir, hərəkatın ünvanına ən sərt tənqidlər, təhqirlər səsləndirilir.

REAL-ın İdarə Heyətinin üzvü Erkin Qədirli öz facebook səhifəsində belə bir status paylaşıb: "Öncə söyürlər, sonra mitinqə çağırırlar, sonra mitinqə çağırışın altındakı şərhlərdə söyürlər, sonra cavabın yubandığına görə söyürlər, sonra ”yox" cavabımızı alandan sonra söyürlər. Söyüşdən başları açılandan sonra da deyirlər ki, REAL mövqeyini dəyişdi, satıldı və s. Bilin:

1. REAL-ın nə mitinqlərə, nə televiziyalara, nə apteklərə, nə tikinti şirkətlərinə, nə marketlərə, nə kafelərə, nə də adında "Real” sözü olan və bizdən qaynaqlanmayan başqa qurum və təşəbbüslərə aidiyyəti var.

2. REAL-ın harayasa çağırılması, REAL üçün çağırışa müsbət cavab vermək kimi bir öhdəlik yaratmır.

3. REAL-da bütün qərarlar kollegial verilir. REAL-ın sədri, lider olmasına baxmayaraq, çox sadə adamdır və onun çox sadə (yəni bir) səsi vardır. Həbsdə də ləyaqətlə, kiminsə boynuna minnət qoymadan oturub.

4. REAL-da "lider nə dedi, o da olur” kimi bir yanaşma yoxdur, heç zaman da olmayıb.

5. REAL-da heç kim hökumətdən nə pul, nə vəzifə alıb, nə də hökumətdə vurulandan sonra müxalifətə keçib (üstümüzə gələnlərin bəzilərindən fərqli olaraq). Hərçənd hökumətdən bizə dəfələrlə belə təkliflər olub. Ən çox da mənə olub. Yeri gəlmişkən, Natiq Cəfərlidən əl çəkin! Hər fürsətdə onu satqınlıqda günahlandırmağa girişənlər bilsin ki, REAL-da, onların (Natiqi satqın adlandıranların) diliylə desək, hökumətə ən yaxın adam mənəm. Məndə olan əlaqələrin bircə faizi REAL-ı satqınlıqda ittiham edənlərdə olsaydı, yanlarından keçib onlara salam vermək mümkün olmayacaqdı (ədalarından). Xarici əlaqələrimiz də öz yerində. Biz əlaqələrimizdən şəxsən özümüzə fayda götürmək, ya da başqalarına ziyan vurmaq üçün istifadə etmirik. Onu da unutmayaq ki, REAL-ı mitinqə çağıranlara stadion verilir, REAL-a isə heç 200 nəfərlik otaq verilmir ki, qurultayını keçirə bilsin.

6. REAL-ın davranışı, onun üzvlük siyasətindən və çevrəsinin keyfiyyətindən irəli gəlir. Biz yarandığımız gündən bu yana əsas hədəfi orta sinif adlandırıla biləcək çevrəni düşünmüşük. Əslində bu çevrə kiçik və orta sahibkarlardan ibarət olmalıydı. Lakin bizdəki siyasi sistemin mənfi yan təsirləri ucbatından, bu çevrə əsasən kiçik və orta məmurlardan ibarət oldu. "Məmur” sözü burada geniş anlamda istifadə olunur - dövlət büdcəsindən birbaşa və ya dolayı (layihələrdən və müqavilələrdən) maaş alanları, gəlir götürənləri bildirir. Bunun da üzərinə elm, təhsil və maliyyə sektorlarında kiçik və orta vəzifələrdə çalışanlar, beynəlxalq təşkilatlarda və xarici şirkətlərdə işləyənlər, çeşidli kiçik sahibkarlıqla məşğul olanlar gəlinə bilər. Bu adamların duyğu və düşüncələri REAL üçün önəmlidir.

7. REAL-ın rəhbərliyi hər zaman üzvlərimizin təhlükəsizliyini düşünür, onları güdaza verməməyə çalışır. Bu, belə də olmalıdır. Gözlənilən nəticəni verməyəcəyi öncədən aydın olduğu hallarda üzvləri, özəlliklə gəncləri zərbə altında qoymaq REAL-ın siyasət anlayışına uyğun deyil.

8. və s. (uzatmaq istəmirəm).

REAL kimsəyə düşmən gözüylə baxmır, kimsədən də umacağı yoxdur. REAL hər kəsə ölkəmizin yararına uğurlar diləyir".

Hərəkatın idarə heyətinin digər üzvü Xaliq Bağırov daha sərt reaksiya sərgiləyib: "Adamlar yenə 2013-də ”Milli Şura" təsis ediləndə REAL-ın verdiyi qərardan sonra yaratdıqları havaya girirlər. Hətta eyni arqumentlər, eyni ittihamlar (parlamentdə yer danışığı, İlqar Məmmədovu buraxmaq alveri və sairə) təkrar olunur. Nə oldu bəs? Hələ də parlamentdə yoxuq, hələ də İlqar Məmmədov içəridədir? Hətta o vaxt müxalifət liderlərindən biri bizi "REAL Milli Şuraya getməsə, ictimai rəy onu məhv edəcək”, deyə xəbərdarlıq etmişdi. Bəs niyə REAL dağılmadı? Əksinə, etiraf edə bilərsiniz ki, böyüməyə davam etdi. Bəs o zaman o nə "ictimai rəydir” ki, sizdə belə yanlış fikir formalaşdırır? Ola bilsin ki, həmin "ictimai rəy” digər müxalifətdə olan təşkilatlar üçün vacibdir. Digər tərəfdən də bu "ictimai rəy”in onlara qazandırdıqları da ortadadır. Axı bu qədər qısa yaddaşlı olmaq olmaz. Hiss edirsinizmi eyni qapalı çevrənin içində dövr edirsiniz. Əminliklə bildirirəm ki, "ümumxalq” adlanan mitinqin belə olmayacağına elə mitinqə qərar verənlərin özləri də bilirlər. Çünki şəxsən mən onları bu qədər sadəlövh hesab etmirəm. Bilmirlərsə, o zaman 10 martdan sonra, yəqin izah etməli olacaqlar ki, niyə bunu bilmirdilər. Mənafelərinə uyğun da hərəkət etmək də haqlarıdır. Lakin bu səbəblər heç bir halda bu gün, məhz bu gün REAL-ı bağlamır. Amma bu xalq heç vaxt nəyinsə əleyhinə yox, nəyinsə uğrunda mütəşəkkilləşir".

Müsavatçılar və cəbhəçilərin əsas hədəfinə çevrilən REAL-ın icraçı katibi Natiq Cəfərli fərqli fikrə dözümsüzlük hallarının durmadan artdığından gileyləndi: "Fərqli fikirlərə həm hakimiyyət, həm də ənənəvi müxalifət düşərgəsində dözümsüz münasibət var. Çox zaman səslənən fikirləri başa düşmədən bu hücumları edirlər. İqtidar belə fikirləri daha çox xarici qüvvələrə işləmək, yaxud düşmən dəyirmanına su tökmək kimi ”arqumentlərlə" qələmə verməyə çalışır, ənənəvi müxalifət isə, hakimiyyətə işləmək kimi sırımaq istəyir. REAL artıq bu cür hallara öyrəşib. Hər zaman REAL-ı vaxtsız dəfn etməyə çalışırlar. Amma əksi olur, REAL durmadan güclənir. Bu baxımdan hücumların olması normaldır, amma təhqirlərin olması insanı xəyal qırıqlığına uğradır ki, cəmiyyət deklarasiya yuvarlanır. Bu günə qədər necə bir siyasət aparmışıqsa, eyni siyasəti də davam etdirəcəyik. Onun da az şahidi olmamışıq ki, REAL-ın verdiyi qərarları söyüşlə, təhqirlə qarşılayanlar bir müddət sonra özləri bir-birilərini təhqir etməyə başlayıblar. 2013-cü ildə Milli Şuraya getməməklə bağlı REAL qərar verəndə hətta o zaman bəzi siyasi liderlər belə dedi ki, REAL bununla özünün ölüm hökmünə imza atdı. Əksinə, bu günə qədər daha çox böyüyən təşkilat biz olduq. Bu gün də eyni situasiya yaranıb, bizi söyənlər bir müddət sonra bir-birilərinin üzərinə gedəcəklər. Təəssüf edirəm ki, tarix çox dar bir çərçivədə yenidən təkrarlanacaq. Əhalinin  böyük bir hissəsi bunları kənardan izləyib, nəticə çıxarır. Xalqımız hər şeyi yaxşı dərk edir. Hər hansı bir prosesə xalq qoşulmursa, demək inanmır. Bu da onun haqqıdır. Çünki son 20 ildə xalqın ümidləri, istəkləri ilə oynaya-oynaya gəliblər. Ünvanımıza səsləndirilən ittihamlar həddindən artıq primitivdir. Köhnə müxalifətin ittihamlarından biri də odur ki, REAL gələcəkdə parlamentdə hər hansı bir mandat qazanmaq istəyir. Halbuki bu ittihamı səsləndirənlər indiyə qədər bu hakimiyyətdən bir və ya iki, hətta üç dəfə mandat alıblar. Ağıllı insanlar bir müddətdən sonra bizim haqlı olduğumuzu görəcəklər, üzr istəyəcəklər".

Cavanşir ABBASLI,
"Yeni Müsavat”

Xəbər 3474 dəfə oxunub






Oxşar xəbərlər

Eldar Əzizovun qardaşına yüksək vəzifə verildi
Xətainin icra başçısı vəzifədən çıxarılıb - DOSYESİ
Şaxta babalar əlbəyaxa oldular - VİDEO
Prezident İlham Əliyev Rəcəb Tayyib Ərdoğana başsağlığı verib
Qız qaçıran şəxsin şikayəti rədd edildi və həbsdə qaldı
Sülhəddin Əkbər Elçibəy hakimiyyətinin səhvlərindən danışdı
Prezident Fəxri xiyabanda: "Heydər Əliyevin vəfatının 15-ci ili"
Emin Ağalarovu xanımı belə təbrik etdi - FOTO
Bu il dünyasını dəyişən tanınmışlar (SİYAHI)
"Qarabağ" Londonda "Arsenal"ın qonağı olacaq
Asəf Məmmədovun intihar xəbəri yalan çıxdı
Çin İranla nüvə sazişinin saxlanmasının tərəfdarıdır
Ulduz falı: 13 dekabr
Model plastik əməliyyatlara 1 milyon xərcləyib
BDU-da anım mərasimi - Abel Məhərrəmov çağırılmadı
İbrahim Mehdiyev danışdı - “bu xəbərin əsası yoxdur”/ ÖZƏL
Tereza Mey Britaniyanın baş naziri vəzifəsində qalıb
Adi xörək duzu bu xəstəlikləri müalicə edir
Arif Əsgərovu ayağından asmaq çağırışı
Bakıda lüks butikdən oğurluq - VİDEO
Jirinovski artistləri tənqid edib: "Axı nə qədər olar?"
Klinton Heydər Əliyevlə görüntülərini paylaşdı (VİDEO)
Ermənistana gedən maşınlar yolda qalıb
Əli Həsənov: "Nə qədər Azərbaycan var, Heydər Əliyevin ideyaları yaşayacaq"
İlham Əliyev sərəncam imzaladı
Erməni politoloqun Elçibəylə bağlı bənzətməsinə sərt reaksiya
ABŞ kanadalı sabiq diplomatın Çində tutulmasından narahatdır
Qarabağ Komitəsini niyə “sıxırlar”?
Naxçıvanda şok - İşdən çıxarılan baş nazir müavini intihar etdi!
Mərhum Heydər Əliyevin vəfatından 15 il ötür
“Görüşənə qədər...” – Deputatdan Heydər Əliyev haqda təsirli yazı...
Ucarda bir ailə kömək istəyir - EVLƏRİ UÇUB
“Özümü dənizə atıb öldürmək istəmişəm” - Nazpəri Dostəliyeva
Bakıda "BMW" yandı - VİDEO
İşçilərin sayı artdı – Maaş 540 manata çatıb
Eldar Əzizov Atatürk parkını niyə “şumlayır”? - Açıqlama
“İnşaat Konstruksiyaları” MMC barədə CİNAYƏT İŞİ BAŞLANDI – Rəsmi
AVRO-2021-in seçmə mərhələsinin püşkü atılacaq
"iPhone"un Çində satışına qadağan qoyulub
Astarada qatar 28 yaşlı gənci vuraraq öldürüb
Köçəryanın vəkili azərbaycanca danışdı: “Bilmirəm”
Şabranda evdən 2900 manat oğurlanıb
Poroşenko Rusiya ilə dostluğu bitirdi - ŞOK
Mirismayıl Xələfli pedofildirmi? /Etiraf, İttiham və özünü təkzib + VİDEOSÜJET
Fransa etirazlarında Rusiya izi araşdırılır
"Onlar şərəfsizdirlər” - Ərdoğandan - VİDEO
PLAGİAT QALMAQALI: “Axı bu, oğurluqdur, fakt göz qabağındadır”
Qubada tələbə itkin düşüb
Göygöl SSİ-nin rəisinə cinayət işi açıla bilər
Avtomobillərdən oğurluq edənlər yaxalanıblar
Ramil Usubov polkovnik-leytenantı rəis təyin etdi
Ermənisayaq "demokratiya" şəraitində biabırçı seçkilər
Çanaqqalada ağır yol-nəqliyyat hadisəsi baş verib
“Həsir şlyapa" ləqəbli narkobaron xəstəxanadan qaçıb
Acunun Serenaya baxışları müzakirələrə səbəb oldu – Foto, Video
"Demokratik.Az" saytı Mətbuat Şurasını məhkəməyə verdi
MİLLİ MƏCLİS Parlamentin 100 illiyini niyə qısa andı? - VİDEO
“Sarı jiletlilər” dünyanı dəyişir - Rəqəmsal demokratiya?
Xoşbəxt Yusifzadədən iki əfsanəvi azərbaycanlı haqda ilginc açıqlamalar
Hüseyn Bağırov vəzifəsindən getmə səbəbini açıqladı
Ərdoğan Paris olayları haqda: "Bizim polisi qəddarlıqda suçlayanlar..."
“Koçak Gold” işində sensasion səsyazı var
Biabırçılıq - Bakıda iki oğlan restoranda öpüşdü - VİDEO
Bu döyüş dünyanı şoka salacaq - FOTOLAR
BƏD XƏBƏR: Yeni qiymət artımları gəlir - SİYAHI
Cəlilabadda yol qəzası baş verib, yaralılar var
Azərbaycanda yeni duz yataqları açılacaq
Samir Şərifovdan açıqlama - VİDEOMÜSAHİBƏ
"HOZU" ləqəbli baş redaktor Vahid Əhmədova NİYƏ daş atdı?
Əhəd Abıyev qəzaya düşdü: “Yalandı, onu yazan p… yeyir”

Bütün xəbərlər

2018-SARI İT BİZƏ NƏLƏR VƏD EDİR?
love HƏR ŞEY "İT" KİMİ OLACAQ
am DİNAMİK İNKİŞAFIMIZ DAVAM EDƏCƏK
lol HEÇ VECİMƏ DƏ DEYİL
tongue AZƏRBAYCANDAN BAŞ GÖTÜRÜB QAÇACAĞAM
crying TRAMP NEFTİN QİYMƏTİNİ QALDIRMAĞA NAİL OLACAQ
what QARABAĞI GERİ ALACAĞIQ
wink SƏN SAYDIĞINI SAY, GÖR Kİ, FƏLƏK NƏ SAYACAQ
recourse DOLLAR 2 MANATDAN BAHA OLACAQ
angry ACLIQ, YOXSULLUQ GƏLİR
tongue ALLAH BİLİR OLACAĞI...

«    Dekabr 2018    »
BeÇaÇCaCŞB
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
        Ünvan: Bakı şəhəri, Mətbuat prospekti, 529-cu məhəllə, Azərbaycan nəşriyyatı, 1-ci mərtəbə.
© Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Script time: [0.13984] initstartout [0.00013] initstartin [0.00056] calstart [0.00707] calend [0.00040] topnewsend [0.00331] rsssend [0.00000] ehgend [0.03225] tagsstart [0.00048] tag-initendin [0.00000] initendout [0.00001] weathend [0.00000] end [0.09561]