Bütün yenilikləri Facebook səhifənizdə izləyin. Yalnız "Bəyənirəm" edin.

05:04 - 22.02.2019  
Həmsədrlər Zəngilanda, Qubadlıda... nə axtarırdılar?
Tarix: 13-02-2018, 12:12 | Bölmə: Xəbərlər » Siyasət

Vasitəçilər bölgəyə səfərdən sonra Bakı və İrəvana müraciət etdilər, bu dəfə də tərəflər arasında bərabərlik işarəsi qoydular; politoloq: "Sülh yoxdursa, danışıqlar yerində sayırsa... müharibə nə zamansa baş verəcək”

Həmsədrlər Zəngilanda, Qubadlıda... nə axtarırdılar?ATƏT-in Minsk Qrupunun həmsədrləri bölgəyə səfərlərini başa vurduqdan sonra Azərbaycan və Ermənistan prezidentləri ilə keçirdikləri görüşlərin yekunlarına dair bəyanat yaydılar. ATƏT-in saytında əksini tapan bəyanatda bildirilir ki, fevralın 7-də Bakıda Azərbaycan prezidenti İlham Əliyevlə, fevralın 9-da isə İrəvanda Ermənistan prezidenti Serj Sərkisyanla görüşüblər. Həmçinin hər iki paytaxtda həmsədrlər bu ölkələrin XİN rəhbərləri ilə məsləhətləşmələr aparıb.

Həmsədrlər fevralın 9-11-də Dağlıq Qarabağa səfər edərək separatçı rejimin rəhbərliyi ilə görüşüblər və işğal altında olan Zəngilan, Qubadlı, Ağdam, Laçın, Kəlbəcər rayonlarında müəyyən yerlərə baş çəkiblər. Həmsədrlər qoşunların təmas xəttində ölüm halları ilə nəticələnən insidentlərlə bağlı dərin narahatlıq ifadə edərək, Cenevrə görüşündəki razılaşmaya uyğun olaraq, tərəfləri gərginliyin azaldılması istiqamətində əlavə addımlar atmağa və atəşkəs rejiminə riayət etməyə çağırıblar. Vasitəçilər münaqişə tərəflərini həmçinin təhrikedici bəyanatlardan və təxribat xarakterli hərəkətlərdən çəkinməyə səsləyiblər. "Biz tərəflərə güc tətbiq etməmək, ərazi bütövlüyü, hüquq bərabərliyi və xalqların öz müqəddəratlarını təyinetmə də daxil olmaqla, Helsinki yekun aktının başlıca prinsipləri əsasında münaqişənin sülh yollarının tapılması istiqamətində kömək etməkdə qətiyyətliyik. Eyni zamanda tərəflərin hazırkı seçki dövrü nəzərə alınmaqla, intensiv danışıqları davam etdirmək niyyətlərini alqışlayırıq”, - deyə bəyanatda qeyd olunur.

Həmsədrlərin budəfəki səfərinin nəyə hesablandığı məlum olmasa da, müəyyən təxminlər irəli sürüldü. Bəzi ekspertlərin fikrincə, diplomatlar ATƏT müşahidəçilərinin sayının artırılmasına rəsmi Bakını razı salmaq, həmçinin qarşıdakı prezident seçkiləri dövründə cəbhədə sakitliyin təmin olunması üçün tərəflərin qarşısında öhdəlik qoymaq üçün gəlib. Hər halda, Bakının mövqeyi bundan ibarətdir ki, Ermənistanı təmin edəcək hər hansı anlaşmaya birtərəfli qaydada gedilə bilməz. İrəvan öz növbəsində status-kvonun uzadılmasına yönəlik fəaliyyət göstərməyəcəyi barədə öhdəlik götürməlidir. Lakin Ermənistanın öhdəlik götürsə belə, ona əməl etməyəcəyi elə həmsədrlər bölgədə olduğu günlərdə bir daha təsdiqləndi. Diplomatlar İrəvanda olarkən Qarabağdakı işğalçı ordunun bölmələri təxribata əl atdılar və layiqli cavab aldılar. Fevralın 11-də isə düşmən tərəfin Azərbaycan-Ermənistan dövlət sərhədini pozmaq məqsədilə Qazax rayonu istiqamətində həyata keçirdiyi növbəti təxribatı uğursuzluqla nəticələnib. Bu barədə Azərbaycan Müdafiə Nazirliyinin mətbuat xidmətindən məlumat verilib.

Beləcə, düşmən fürsət düşən kimi təxribatlara əl atır. Özü də təkcə Qarabağdakı təmas xəttindən deyil, həm də Ermənistan-Azərbaycan sərhədi boyunca. Bu da heç şübhəsiz savaşa üçüncü qüvvəni cəlb etmək niyyəti güdür. Elə erməni ekspertlərin son açıqlamaları da bu istəkdən xəbər verir.

"Kasprşik qrupu üzvlərinin sayının və ya formatının dəyişməsi Dağlıq Qarabağ konfliktinin nizamlanmasına təsir edə bilməz. Məgər Minsk Qrupu, KTMT aprel müharibəsindən əvvəl və sonra yox idi? Amma müharibə yenə baş verdi”. Bu sözləri isə digər erməni ekspert Levon Şirinyan lragir.am saytına müsahibəsində bildirib.

Göründüyü kimi, düşmən 2016-cı ilin aprel dərsini unutmayıb. Üstəlik, prezident İlham Əliyevin YAP-ın son qurultayında "İrəvan və Zəngəzur tarixi Azərbaycan torpaqlarıdır, ora qayıtmaq strateji hədəfimizdir” sözləri də Ermənistanda xof yaradıb. İşğalçı ölkədə hətta səfərbərlik çağırışları səsləndirilir. "168 jam” qəzeti bu xüsusda Azərbaycanın apreldən sonra daha sərt addımlar atacağını və Ermənistanın ciddi zərbələrlə üzləşəcəyini yazıb. Erməni siyasi şərhçi Akop Badalyan isə ölkədə səfərbərlik elan etməyə çağırıb.

Bu arada qondarma qurumun "müdafiə naziri”, general-leytenant Levon Mnatsakanyan ordudakı acınacaqlı durumu etiraf edib. Mnatsakanyan nizamnaməyə uyğun olmayan insidentlərin sayında artımın qeydə alındığını, bunun narahatlıq doğurduğunu deyib. Erməni general ciddi-cəhdlə qeyri-döyüş şəraitində ölüm hallarının azaldığını söyləməklə real faktları gizlətməyə çalışıb. Ötən il Ermənistan ordusunda qeydə alınan ölüm faktları separatçı generalının dediklərini tamamilə təkzib edir. Hələ 2017-ci ilin yanvar ayından 27 noyabr tarixinədək Ermənistan ordusunda 59-dan çox ölüm hadisəsi qeydə alınıb. Noyabrdan sonra da düşmən ordusunda ölüm hallarına bir neçə dəfə rast gəlinib. "Təbii ki, istənilən rəqəm narahatlıq doğurur, nizamnaməyə uyğun olmayan insidentlərə gəldikdə isə bu istiqamətdə maarifləndirici iş aparılır", - Mnatsakanyan deyib.

Mnaçakanyan da müsahibəsində aprel döyüşlərini hələ də unutmadıqlarını gizlətməyib. Bildirib ki, erməni ordusu aprel məğlubiyyətindən dərs çıxarmağa çalışır. Bütün bunlar həm də ondan xəbər verir ki, Minsk Qrupunun işğala son qoymağa yönəlik fəaliyyət göstərməməsi Ermənistanı və oyuncaq qurumun başında duran caniləri özlərini "Qarabağın sahibi” kimi aparmağa həvəsləndirir. Hətta həmsədrlər bir sıra addımları ilə işğalçı tərəfin davranışlarına stimul verirlər. Məsələn, Dağlıq Qarabağ separatçıları danışıqlarda tərəf olmadığı halda, həmsədrlər Xankəndi şəhərinə məhz İrəvandan (!) gedərək Bako Saakyanla üz-üzə oturdular. Özü də bu görüşün keçirildiyi otaqda separatçıların "bayrağı” qoyulmuşdu. Həmçinin Ermənistanın prezidentliyə namizədi Armen Sərkisyan da həmsədrlərdən qabaq qanunsuz olaraq Qarabağa gələrək separatçıların lideri ilə görüşmüşdü. Minsk Qrupu bəyanatında bu məsələlərə toxunmamaqla faktiki olaraq ermənilərin marağını təmin etmiş oldu.

Başqa bir məqam: həmsədrlər bu dəfə təkcə Xankəndi ilə kifayətlənməyib, Dağlıq Qarabağ ətrafındakı Zəngilan, Qubadlı, Ağdam, Laçın, Kəlbəcər  rayonlarında da olublar. Təbii ki, bu səfər Bakının iradəsindən kənar reallaşdırılıb. Diplomatlar təmas xəttinə qədər gəlmək istəyirdilərsə, elə bunu icazə alaraq, Azərbaycan tərəfdən reallaşdıra bilərdilər. Etməyiblərsə, deməli, ortada məkrli məqsəd var. Həmin ərazilərdə işğalçı ordunun hərbi hissələrinin olduğu, qanunsuz məskunlaşmanın həyata keçirildiyi barədə diplomatların bəyanatında bir kəlmə də olsun, yoxdur. Belə olan təqdirdə Azərbaycana sülh çağırışı etmək absurddur.

Həmsədrlər Zəngilanda, Qubadlıda... nə axtarırdılar?

"Atlas” Araşdırmalar Mərkəzinin rəhbəri, politoloq Elxan Şahinoğlu də hesab edir ki, Minsk Qrupu həmsədrlərinin bölgəyə budəfəki səfərinin "turist səfəri” adlandırılması daha doğrudur: "Həmsədrlər Bakıda, İrəvanda və Xankəndidə oldular. Vasitəçilərin səfərin yekunu ilə bağlı yaydıqları açıqlama onların yerlərində saydıqlarının ən bariz nümunəsidir. Ortaq bəyanatda vurğulayıblar ki, ”Dağlıq Qarabağ münaqişəsinin tərəflərini gərginliyin azaldılması istiqamətində əlavə addımlar atmağa çağırırıq". Gərginliyi ortadan qaldırmaq sizin vəzifənizdir. Bunun üçün həll planı işə düşməlidir. Bu olmayınca gərginlik əlbəttə ki, azalmayacaq. Həmsədrlər İrəvanda olanda Ermənistan prezident Serj Sərkisyan həmsədrlərə İlham Əliyevdən şikayət edərək deyib ki, bəs Azərbaycan prezidenti son çıxışında Zəngəzurun və İrəvan xanlığının geri alınacağını deyib və guya bu fikir gərginliyə xidmət edir. Elə görünür, həmsədrlər ortaq bəyanatlarında "gərginlik azaldılmalıdır” deyərkən bunu nəzərdə tuturmuşlar. Reallıqda "İrəvan və Zəngəzuru geri qaytaracağıq” ifadəsi psixoloji savaşın tərkib hissəsidir. Necə ki, Ermənistan prezidenti xülyasını dilə gətirərək deyir ki, "Dağlıq Qarabağ heç zaman Azərbaycanın tərkibində olmayacaq”, bu iddiaya qarşı da Azərbaycan prezidenti Dağlıq Qarabağla yanaşı Ermənistan torpaqlarını da geri almağın zəruriliyini vurğulayır".

E.Şahinoğlu "Yeni Müsavat”a bildirdi ki, əgər həmsədrlər Zəngilana qədər gəlib çıxıblarsa, bunu Azərbaycan rəsmiləri ilə Bakı görüşlərində razılaşdırmalı idilər: "Razılaşdırmayıblarsa, deməli, özfəaliyyətlə məşğuldurlar. Ümumiyyətlə, həmsədrlər Azərbaycanın işğal altındakı torpaqlarında həyata keçirdikləri görüşləri və bu ərazilərdə hərəkət trayektoriyalarını rəsmi Bakı ilə razılaşdırmalıdırlar. Çünki ora Azərbaycanın torpağıdır. İstənilən diplomat Mingəçevirə və ya Gəncəyə səfərini necə Bakı ilə razılaşdırmalıdırsa, eləcə də Xankəndinə və Zəngilana gəlişinin də razılığını almalıdır”.

Politoloq erməni ekspertlərin narahatlığını anlaşılan sayır: "Erməni ekspertlər bu düşüncələrində haqlıdırlar. Çünki sülh yoxdursa, danışıqlar yerində sayırsa və ən vacibi hakimiyyətləri Dağlıq Qarabağ ətrafındakı torpaqları boşaltmaq istəmirsə, müharibə nə zamansa baş verəcək, buna şəkk-şübhələri olmasın. Elə bizim də məqsədimiz düşməni ağıllandırmaqdır. Təsadüfi deyil ki, dünən daha bir texnikalarını itirdilər. Hər gün itkiləri olmalıdır ki, işğalın onlara baha başa gəldiyini anlasınlar. Erməni ekspertlər xarici dəstək dedikdə yalnız Rusiyanı nəzərdə tuturlar, müharibə başlasa, nə okeanın o tayındakı böyük dövlət, nə də Avropa İttifaqı erməniləri xilas edəcək. Onların yeganə müraciət edəcək, daha doğrusu, yalvaracaq ünvanları Rusiyadır”.

İndiki kövrək situasiya savaşın, sadəcə, an məsələsi olduğunu deməyə əsas verir. Düşmən həm qorxur, həm də seçkiqabağı hansısa uğur qazanıb ictimai rəyi öz xeyrinə dəyişmək istəyir. Baş naziri vəzifəyə kiminsə xahişi ilə təyin etmirlər. Ermənistan mediasına istinadən verilən xəbərə görə, hakim Respublikaçılar Partiyasının parlament fraksiyasının rəhbəri Vaqram Baqdasaryan Serj Sərkisyanın baş nazir olacağını deyib. Cəbhədə aprel zərbəsini alan S.Sərkisyan çox istəyir ki, apreldə baş nazir kürsüsünə oturarkən hansısa qələbəsini nümayiş etdirsin. Ona görə də ermənilər xarici havadarlarına mesaj verirlər...

Xəbər 1365 dəfə oxunub






Oxşar xəbərlər

"Bakı-xəbər"-in müxbirinin Gəncədə şərlədiyi heykələ rəsmi REAKSİYA
Polis orqanlarında rəis olmaq istəyənlərin nəzərinə!
"Air France" aviaşirkəti Venesuelaya reysləri ləğv etdi
Rusiyada ikinci qadın-milyarder peyda olub
Danimarka bankı Estoniyadan gedir
Kəmaləddin Heydərov bankını neçəyə satıb? - Qiymət açıqlandı
“ASAN xidmət”in mobil tətbiqi istifadəyə veriləcək
Elşad İskəndərovun Türkiyəyə girişinə qadağa qoyulub? - RƏSMİ açıqlama
Bakıda “kupça”sız mənzil qalmayacaq - FƏRMAN
Milli Şuranın fevralın 23-də mitinq niyyəti alınmadı
İlham Əliyev: “Tədricən məqsədimizə çatmışıq”
Deputat: "Boşanmaların sayına məəttəl qalmışıq"
Ələkrəm Hümbətovdan erməni və fars sayağı ittihamlar
Nazirliyin idarəsində ölüm hadisəsi oldu
Məşhur terror təşkilatının lideri Türkiyədədir (İDDİA)
Açıqlama - SOCAR-a qarşı “qara piar” kampaniyası?
Hakimiyyətdən dindar məhbuslarla bağlı yeni strategiya
Gəncə sakinində silah aşkarlanıb
Qubada “Prado” aşdı: 2 nəfər kömək gözləyir
İran Avrasiya İttifaqına qoşulacaq
Bulaqdan palçıq püskürdü: Astarada qeyri-adi hadisə (VİDEO)
Prezident sənədsiz binalarla bağlı fərman verdi
Məşhur polkovnik-leytenantı itirdik - Əliyaz Mirzəyev Gülhanədə müalicə alırdı
ATƏT sədri Azərbaycana səfər edəcək
Ramil Usubov Türkiyədə – VİDEO
Prezident Anar Kərimova YÜKSƏK VƏZİFƏ verdi
Nazirlər yenidən Qarabağı müzakirə etdilər
Sədr təyin olunan Fərid Şəfiyev kimdir? - DOSYE
Əli Kərimlinin Rövşən Quliyev “paradoks”u
“AFB Bank” Kəmaləddin Heydərovun əlindən çıxdı
Müşviq Ələsgərli və Əvəz Zeynallı dueli: "REKET KİMDİR?" Video
“Buta Airways”ın təyyarəsində nasazlıq yaranıb
Tramp Maduronu dəstəkləyən hərbçiləri təhdid edib
Azərbaycan neftinin qiyməti 68 dolları keçdi
Binəli Yıldırım vəzifəsindən istefa verib
Baş ağrısı ilə xəstəxanaya getdi, uşaq doğdu
Hökumət problemli kreditlər məsələsini həll edir - iddia
Müxalifətçilik missiyası və Azərbaycanın milli maraqları
Gəncədə işsizlik və perspektivlər: Mövzu dərindir - RƏYLƏR
“Putin Ərdoğana çox güvənir” – Dmitri Peskov
Prezident Sumqayıta milyonlar ayırdı
Rüstəm İbrahimbəyovu Bakıya Prezident Administrasiyası dəvət edib
Kənd Təsərrüfatı Nazirliyində yeni təyinat olub
Müğənni Fədayə Laçının şikayəti əsasında məhkəmə başlayır
Hüquq müdafiəçiləri Ramil Usubovla görüşdülər
İŞİD-in təbliğat və edam videolarını səsləndirən şəxs tutuldu
Zidan “Çelsi”ni çalışdırmaq üçün şərtlərini açıqladı
Prezident İlham Əliyev Sumqayıtda zavod açılışında iştirak edib
"Bakı-xəbər"-də GƏNCƏ YALANLARI və heykəli şərləyənin plagiatlığı
“Çeçenlərlə bağlı hadisədə üçüncü qüvvələrin İZİ”
Erməni nazir sayıqladı: "Məmmədyarovla dəhlizdə görüşə bilərik"
Çeçen lideri bəyan etdi: - “Azərbaycanla münasibətlərimizi heç bir təxribat poza bilməz”
Eldar Əzizov "Tarqovı”dakı məşhur restoranı bağlatdırdı - FOTO
Şimali Koreya lideri Vyetnama gedir
“Qarabağ” “Qəbələ” ilə üz-üzə gəlir
"İnternetdə təhqirlərin qarşısını almaq üçün.." - Əli Əhmədov
Müdafiə naziri Zakir Həsənov BƏƏ-yə yola düşüb
Çeçenistan müxalifətinin lideri də Azərbaycana müraciət etdi: "Olanlar təxribatdır"
Cüdoçumuz Oruc Vəlizadə Romada qızıl medal qazanıb
Abu-Dabidə "IDEX-2019" müdafiə sərgisi açılır
Bakıda kütləvi maliyyə fırıldağı - "Zərərçəkmişlərin sayı yüzlərlədir"
Qroznının ilk fəxri vətəndaşı baş verənlərlə bağlı bəyanat verdi
Cəlilabadda çay daşdı – Evləri su basdı
XƏBƏRDARLIQ - Bakıda sulu qar yağacaq
2018-ci ildə Latviyada sığınacaq istəyənlərin sayı xeyli azalıb
2024-cü ildən sonra Putin öz gələcəyini necə düşünür
“Bu dünya elə belə gəlib, belə də gedəcək?” - Getməyəcək!
"A kişi, dedim kəs!" - Binəqədidə ağacların qənimi olan məmur kimdir? (VİDEO)
Siyavuş Novruzov “Şöhrət” ordeni ilə təltif olunub
“Seyid” ləqəbli narkobaron saxlanıldı

Bütün xəbərlər

2019 - SARI QABAN NƏLƏR VƏD EDİR?
love HƏR ŞEY "QABAN" KİMİ OLACAQ
love DEMOKRATİYAYA DOĞRU BİR AZ DA İRƏLİLƏYƏCƏYİK...
am DİNAMİK İNKİŞAFIMIZ DAVAM EDƏCƏK
lol HEÇ VECİMƏ DƏ DEYİL
tongue AZƏRBAYCANDAN BAŞ GÖTÜRÜB QAÇACAĞAM
crying TRAMP NEFTİN QİYMƏTİNİ QALDIRMAĞA NAİL OLACAQ
what QARABAĞI GERİ ALACAĞIQ
wink SƏN SAYDIĞINI SAY, GÖR Kİ, FƏLƏK NƏ SAYACAQ
recourse DOLLAR 2 MANATDAN BAHA OLACAQ
angry ACLIQ, YOXSULLUQ GƏLİR
tongue ALLAH BİLİR OLACAĞI...

«    Fevral 2019    »
BeÇaÇCaCŞB
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
 
        Ünvan: Bakı şəhəri, Mətbuat prospekti, 529-cu məhəllə, Azərbaycan nəşriyyatı, 1-ci mərtəbə.
© Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Script time: [0.24415] initstartout [0.00018] initstartin [0.00091] calstart [0.01023] calend [0.00060] topnewsend [0.00424] rsssend [0.00000] ehgend [0.07427] tagsstart [0.00069] tag-initendin [0.00000] initendout [0.00001] weathend [0.00000] end [0.15299]