“Kəşfiyyatçı qadınlarımız var”-rəsmi

  • 19 apr 2016, 08:48
Dünya ordularında kişi hərbçilərlə yanaşı qadın hərbçilərin də xidmətindən istifadə olunur. Buna misal olaraq qardaş Türkiyənin də ordusunu göstərmək olar. Bəs Azərbaycan ordusunda hərbçi qadınlar varmı və onlar hansı sahələrdə xidmət edirlər?

Femida.az bununla bağlı Müdafiə Nazirliyinə rəsmi sorğu ünvanlayıb. Nazirlikdən verilən məlumata görə, qadınlar Azərbaycan Respublikası Silahlı Qüvvələrində ordumuzun yarandığı tarixdən günümüzə qədər xidmət edirlər.

"Qadınların hərbi xidmət keçməsi «Hərbi xidmətkeçmə haqqında» Əsasnamə ilə tənzimlənir və könüllü surətdə həyata keçirilir. Qadınlar Azərbaycan Respublikası Silahlı Qüvvələrində ordumuzun yarandığı tarixdən günümüzə qədər xidmət edirlər. 
Hazırda Silahlı Qüvvələrdə zabit, gizir, çavuş və əsgər vəzifələrində təqribən min nəfərə yaxın qadın hərbi qulluqçu xidmət edir.

Qadınlar Silahlı Qüvvələrdə müxtəlif - tədris, tibb, kadr, artilleriya, arxa cəbhə, beynəlxalq hərbi əməkdaşlıq, kəşfiyyat və digər sahələrdə hərbi xidmət keçirlər.

Hazırda Silahlı Qüvvələrdə " leytenant”, "baş leytenant”, "kapitan”, "mayor”, "polkovnik-leytenant” və "polkovnik” hərbi rütbəsi daşıyan qadın hərbi qulluqçular xidmət edir.”
Oxşar xəbərlər