Demokratik.Az » Xəbərlər » Ölkə içi » Parlament seçkisi 2 fevralda keçiriləcək?

Parlament seçkisi 2 fevralda keçiriləcək?

  • 02 dek 2019, 07:48
Bu gün yeni-növbədənkənar parlament seçkiləri ilə bağlı Sərəncamın verilməsi nəzərdə tutulur.
Demokratik.Az Etikxeber.az-a istinadən xəbər verir ki, Milli Məclisin (MM) bugünki toplantısından-dövlət başçısına yeni seçkilərin keçirilməsini nəzərdə tutan müraciətin ünvanlamasından sonra ölkə Prezidenti tərəfindən axşam saatlarında növbədənkənar seçkilərlə bağlı Sərəncamın verilməsi gözlənilir.
Əgər bu gün Sərəncam verilərsə, seçki (səsvermə) günü gələn ilin fevral ayının 2-nə təyin ediləcək.
Belə ki, Sərəncam veriləcəyi təqdirdə, seçki prosesi dekabrın 4-dən başlayacaq və 60-gün ərzində- 2020-ci ilin fevralın 2-cən davam edəcək.
Fevralın 2-də isə seçki (səsvermə) keçiriləcək.
Adının çəkilməsini istəməyən mənbə də saytımıza açıqlamasında seçkilərin fevralın 2-nə təyin edilməsinin gözlənildiyini bildirib.
"Bizdə olan məlumata görə, seçkilər fevralın 2-də keçiriləcək. Çünki gecikmə üçün də elə bir səbəb yoxdur. Beləliklə seçkilər fevralın 2-də baş tutacaq və həmin gün 6-cı çağırış parlamentin üzvləri seçiləcək” -deyə, mənbə bildirib.
Oxşar xəbərlər