Bütün yenilikləri Facebook səhifənizdə izləyin. Yalnız "Bəyənirəm" edin.

19:06 - 14.11.2019  
"Qarabağı yavaş-yavaş itiririk" - Deputat
Tarix: 11-09-2019, 10:21 | Bölmə: Xəbərlər » Ölkə içi

"Qarabağı yavaş-yavaş itiririk" - Deputat"Qarabağ uğrunda müharibə başlasa, vaxtilə Süleyman Dəmirəlin sərgilədiyi mövqeni Ərdoğan da təkrarlayacaq. Məncə, bu halda Türkiyə konkret addımlar atacaq."

Rusiya Federasiyası Təhlükəsizlik Şurasının katibi Nikolay Patruşevin Ermənistana və Azərbaycana səfəri siyasi külislərdə birmənalı qarşılanmadı. Hər kəs bu səfərin səbəbləri barədə müxtəlif fikirlər irəli sürdü.
 
BAXCP sədri, deputat Qüdrət Həsənquliyevlə söhbətin məğzində elə bu səfər dayanırdı. Demokratik.Az milllət vəkilinin ovqat.com-a müsahibəsini təqdim edir:
 
- Qüdrət bəy, söhbətimizə Nikolay Patruşevin  Ermənistana və Azərbaycana  səfərindən başlamaq istərdim. Bu səfərdə nə məqsəd güdülürdü?
 
- Hazırda Rusiyada iqtisadi vəziyyət və əhalinin sosial durumu günü-gündən pisləşir, narazılıq artır.  İnsanlar artıq küçələrə çıxır, çoxsaylı həbslərə baxmayaraq, etiraz edirlər. Digər tərəfdən, qonşu ölkələrdə, xüsusilə Ukraynada baş verən  demokratikləşmə prosesi Rusiya cəmiyyətinə ciddi təsir göstərir. Belə bir vəziyyətdə Ermənistanla Azərbaycan arasında münaqişənin alovlanması qətiyyən Rusiyanın maraqlarına cavab vermir. Rusiya münaqişənin dondurulmuş vəziyyətdə qalmasında maraqlıdır. Bu yaxınlarda mətbuatda Yeltsinin  müşavirinin fikirləri ilə tanış oldum. Deyir ki, Qarabağ probleminin  həllinə nail olmaq üçün 3 nəsil dəyişməlidir. Bunu rus ictimai fikrinə, eyni zamanda bizə aşılayırlar. Çünki problem çözülmədikcə, həm Azərbaycan, həm də Ermənistan Rusiyadan asılı vəziyyətdə  qalır. Patruşevin səfərinin əsas məqsədi də məncə bununla bağlı idi.
 
Bununla belə, səfəri faydalı hesab edirəm. Belə səfərlər zamanı Azərbaycan daha qətiyyətli şəkildə Rusiyadan tələb etməlidir ki, özünün forpostu adlandırdığı Ermənistana təsir göstərsin, Azərbaycanın ərazi bütövlüyü bərpa olunsun.
 
- Dediyiniz kimi, Rusiya problemin 3 nəsil sonra həllini düşünürsə, belə çıxır ki, Qarabağın tam erməniləşməsini istəyir. O zaman Rusiya problemin Azərbaycanın ərazi bütövlüyü çərçivəsində həlli ilə razılaşarmı?
 
- Mən hər zaman deyirəm ki, ermənilərin təkcə Dağlıq Qarabağda deyil, həm də işğal olunmuş ətraf rayonlarda məskunlaşdırılması Ermənistanın sülh danışıqlarına barmaqarası baxdığını göstərir. Danışıqlarda iştirakla sadəcə Azərbaycan ictimaiyyətinə yalan ümidlər verirlər. Mənim fikrimcə, konfliktin uzanması Dağlıq Qarabağı bizdən daha da uzaqlaşdırır və biz bu bölgəni yavaş-yavaş itiririk. Ona görə də hər zaman hökuməti bu istiqamətdə daha çevik və daha cəsarətli siyasət yürütməyə  çağırıram.
 
- Maraqlıdır ki, səfərdən əvvəl Azərbaycana məxsus bir qırıcı təyyarə qəzaya uğradı. Bir çoxları bu hadisənin qəza deyil, Rusiya tərəfindən törədilmiş təxribat olduğunu iddia etdilər. Verilən rəsmi informasiya da sanki iddiaları təsdiqlədi. Daha sonra Patruşev Azərbaycana səfər etdi. Bu məqam mənim yadıma Mollanın bir lətifəsini salır. Lətifəsi bizdən uzaq, bir gün oğlunu döyəndən sonra iş dalınca göndərən Molladan niyə belə etdiyini soruşurlar. Cavab verir ki,  pulu itirməsin deyə, əvvəl döyürəm. Pulu itirəndən sonra kötəyin nə xeyri var? Partuşevin səfəri də, sizcə, buyruqdan əvvəl vurulmuş kötəyə bənzəmirmi?
 
- Sizin söylədiyiniz bir ehtimaldır. Qəzanın baş verməsi barədə çoxsaylı ehtimallar ola bilər. Məsələn, hadisə baş verən zaman mənim ağlıma gələn ilk ehtimal təyyarənin köhnə olması ilə bağlı oldu. Biz o təyyarələri Ukraynadan alanda (səhv etmirəmsə, 18 ədəd idi), Milli Məclisdə  mən bununla əlaqədar məsələ qaldırmışdım. Demişdim ki, bu təyyarələr çox baha alınıb: az qala təzə təyyarə qiymətinə. Halbuki, bu təyyarələr əsaslı təmirdən sonra Azərbaycana verilib. Bilirsinizmi, əsaslı təmir zamanı  təyyarələrin mühərrikləri dəyişdirilə, təyyarə modernləşdirilə bilər, amma onun gövdəsi eynilə qalır. Hər bir metalın isə istifadə dövrü var. O dövr keçdikdən sonra həmin texnikanın hazırlandığı material öz keyfiyyətini itirir. Yəni onu modernləşdirməyin heç bir mənası qalmır. İnkişaf etmiş xarici dövlətlər bu cür köhnə təyyarələri əridib yeyinti sənayesi üçün konserv qabı düzəldirlər. Onların  ərinmiş metalından yeni təyyarə gövdəsi hazırlamırlar. Çünki istifadə dövrü keçmiş metaldan təyyarə düzəltmək çox təhlükəlidir. Belə  təyyarələr ən adi manevrlərdə  ikiyə bölünə bilərlər.
 
Köhnə MİQ- 29 hərbi təyyarələrinin qəzaya uğraması faktı təkcə bizdə baş verməyib. Müxtəlif zamanlarda Rusiyada da, Ukraynada da, Qazaxıstanda da, Polşada da bu cür hadisələr yaşanıb. Ona görə də mən müxtəlif versiyalar arasında daha çox təyyarənin köhnəliyini qəzanın əsas səbəbi kimi görürəm. Sözsüz ki, digər versiyalar da istisna olunmamalıdır. Qəzanın əsl səbəbi "qara qutu” açılanda ortaya çıxacaq. Düşünürəm ki, sizin səsləndirdiyiniz fikir də bir versiyadır, lakin az inandırıcıdır.
 
- Amma Müdafiə Nazirliyinin rəsmi açıqlaması bu şübhəni xeyli qüvvətləndirdi. Açıqlamadan belə anlaşıldı ki, qəza bir yad cismlə toqquşma səbəbindən baş verib...
 
- "Qara qutu” oxunmadan MN bu açıqlamanı necə verə bilər? Mən rast gəlməmişəm.
 
- Bəlkə "qara qutu”nu oxuyub yayıblar bu məlumatı?
 
- "Qara qutu” oxunmayıb, axı.
 
- Hər halda "qara qutu”nu tapdıqdan sonra bu məlumatı yaydılar.
 
- Ola bilər. Amma "qara qutu”nun oxunması barədə ictimaiyyətə heç bir açıqlama verilməyib. Hətta harda – bizdə, yoxsa Rusiyada oxunacağı da bəlli deyil. Son ekspert rəyi olmayana qədər qəti fikir bildirmək olmaz. MN-nin bu bəyanatı ilə tanış deyiləm. Orda qəzanın səbəbi birmənalı şəkildə bəyan olunur?
 
- Bəli, qəzanın bir toqquşma nəticəsində baş verdiyi birmənalı şəkildə bəyan edilir. Amma təyyarəyə çarpılan nəsnənin nə olduğu konkret göstərilmir. Quş və ya quş dəstəsi olma ehtimalına diqqət çəkilir. Ekspertlər isə fəslin və gecənin o çağında quşların Xəzər dənizi üzərində uçmasını az inandırıcı hesab edirlər...
 
- Müdafiə Nazirliyi konkret ekspert rəyi olmadan belə açıqlama verməməlidir. Əgər veribsə, bu, yanlışdır.
 
- Niyə bizim rəsmilər ciddi mövzularda bu qədər mübahisəli açıqlamalar verməkdən xoşlanırlar? Axı, bu cür məsuliyyətsiz çıxışlar bir deyil, iki deyil, vaxtaşırı səsləndirilir...
 
- Əgər söhbət Müdafiə Nazirliyindən gedirsə, mən dəfələrlə demişəm ki, Müdafiə nazirinin digər sivil olkələrdəki kimi mülki şəxslər arasından seçilməsi daha doğru olar. O siyasi baxımdan kifayət qədər hazırlıqlı, yaxşı təşkilatçılıq qabiliyyətinə malik olmalıdır. Dünyanın əksər ölkələrində də belədir: Baş Qərargah rəisi hərbçi, Müdafiə naziri isə mülki şəxs olur, siyasi vəzifəsindən doğan səlahiyyətlərini və tapşırıqları yerinə yetirir. Azərbaycan da bu modelə keçsə və ordu professional əsgərlərdən təşəkkül tapsa, daha güclü orduya malik olarıq.
 
- Hərbdən söz düşmüşkən, NATO Baltik dənizində əsgəri təlimlərə başlayıb. Rusiya isə təhlükəsizlik çəmbərini Cənubi Qafqazda gücləndirir. Petruşevlə rəsmilərimizin danışıqlarında əsas mövzunun təhlükəsizlik məsələsi olduğu rəsmən etiraf olundu. Cənubi Qafqazda Rusiyanın təhlükəsilik maraqlarını təhdid edən nə baş verir ki, bunu möhkəmləndirməyə ehtiyac görürlər?
 
- Məncə, Rusiya bütün istiqamətlərdə çalışır. Bu günlərdə Rusiya prezidenti Putinlə Yaponiya Baş naziri Abe arasında danışıqlar oldu. Bir müddət əvvəl isə Türkiyə prezidentinin Rusiyaya, Putinin Fransaya səfəri oldu. Son bir aya nəzər salanda görürük ki, Rusiya çox aktiv şəkildə  beynəlxalq arenada öz  imicini bərpa etmək, ona qarşı tətbiq olunan sanksiyaların təsirini azaltmaq, mümkün qədər yeni konfliktlərə cəlb olunmaqdan qaçmaq istəyir. Suriyada onsuz da elə bir bataqlığa girib ki, problemin həlli hələ üfüqdə görsənmir. Eynilə Türkiyə də...
 
Patruşevin Azərbaycan səfərinin əsas məqsədlərindən biri həm də Türkiyə-Azərbaycan yaxınlaşmasının Ermənistana pisixoloji təsirini azaltmaq cəhdi ola bilər. Sirr deyil ki, Azərbaycanla Türkiyə strateji müttəfiqdir və Ermənistanın hər iki dövlətə ərazi iddiaları var. Bu da Türkiyə və Azərbaycanın birgə hərəkətə keçməsi üçün münbit şərait və hüquqi əsas yaradır. Üstəlik, Türkiyənin indiki prezidenti Rəcəb Tayib Ərdoğan da Süleyman Dəmirəl deyil. Bilirsiniz ki, Süleyman Dəmirəl Qərb dairələrindən son dərəcədə asılı birisiydi, Qərbin razılığı olmadan heç bir addım atmırdı. Ərdoğan isə xarakteri olan adamdır. Onun öz prinsipləri, ciddi xarizması var. Mən inanmıram ki, Dağlıq Qarabağ uğrunda müharibə başlasa, vaxtilə Süleyman Dəmirəlin sərgilədiyi mövqeni Ərdoğan da təkrarlayacaq. Məncə, bu halda Türkiyə konkret addımlar atacaq. Rusiyada da bunu çox gözəl başa düşürlər və konfliktin yenidən alovlanmasını istəmirlər. Əks halda, Türkiyə ilə münasibətləri ciddi şəkildə pozula bilər. Məlumdur ki, Rusiya Türkiyədən dəyəri milyard dollarlarla hesablanan böyük layihələr alıb – AES-lərin  tikintisindən tutmuş Avropaya neft və qaz nəqlini nəzərdə tutan kəmərlərin çəkilməsinə, S-400 silahlarının alınmasına qədər. Türkiyə indiki dövrdə Rusiya üçün bir nəfəslikdir. 
 
İran üçün də eyni sözləri demək olar. Rəsmi Tehran da indiki çətin vəziyyətində regionda əlavə gərginliyin zühur etməsini arzulamır. Azərbaycan yaranmış bu vəziyyətdən maksimum səviyyədə yararlanmalı, Rusiyadan tələb etməlidir ki, ya sən özün bu məsələni yoluna qoy, ya da geri çəkil, Ermənistanla problemi özümüz həll edək.
 
- Maraqlı bir mövzuya toxundunuz. Güman edirsiniz ki, Patruşevin səfərində Türkiyə amilinin də mühüm rolu var. Qəribədir ki, Patruşevin hər səfəri Türkiyə Hava Qüvvələrinin Bakıda keçirdiyi təlimlərə təsadüf edir. Bundan əvvəlki gəlişində də Türkiyə qırıcıları Bakı üzərində təlim uçuşları keçirirdi, bu dəfəki səfərində də. Bunlar təsadüfdürmü, yoxsa region üzərində əsrlər boyu davam edən Türk-Rus rəqabətinin təzahürümü?
 
- Düşünmürəm ki, bu iki hadisə arasında hansısa əlaqə var. Çünki Türkiyə və Gürcüstanla Azərbaycanın hərbi təlimlər keçirməsi öncədən planlaşdırılmışdı. Patruşevin səfəri isə Paşinyanın sərsəmləməsindən sonra gündəmə gəldi. Hansı ki, Paşinyan "Qarabağ Ermənistandır. Nöqtə” bəyanatını verməklə faktiki olaraq Azərbaycana meydan oxumuşdu...
 
- Yəni deyirsiniz ki, Rusiya öz cızığını keçən dəcəlinin ipini yığmaq üçün Patruşevi bölgəyə göndərmişdi?
 
- Yox, təkcə Paşinyana görə gəlməmişdi, sözsüz ki. Müzakirələrdə Dağlıq Qarabağ məsələsi ilə yanaşı, İran-ABŞ gərginliyinin də müzakirə olunduğunu güman edirəm. Hazırda Fars körfəzində, Hörmüz boğazında kifayət qədər ciddi vəziyyət yaranıb. Böyük Britaniya, ABŞ oraya böyük hərbi qüvvə yeridib. İran da, ərəb ölkələri də eyni şəkildə hərbi hazırlıq içərisindədirlər. İsrail İrana qarşı sərt addımların atılmasını tələb edir. Yəni İran ətrafında vəziyyət olduqca gərgindir və İran bizim yaxın qonşumuzdur. Orada böyük müharibənin alovlanması bizdən də təsirsiz ötüşməyəcək. Mümkündür ki, müharibənin dağıdıcı təsirindən qaçan çox sayda insanlar Azərbaycana və Ermənistana sığına, əksəriyyəti isə Rusiyaya gedə bilər. Çünki Cənubi Qafqaz ölkələri o qədər insanı yerləşdirmək gücündə deyil. Rusiya daha böyük dövlət olduğu üçün qaçqınların oraya üz tutması mümkündür. Bu da Rusiyada onsuz da çətin olan sosial vəziyyəti bir az da gərginləşdirə bilər. Məhz bu səbəbdən Rusiya bölgədə baş verən proseslərə laqeyd qalmaq istəmir. Patruşev  bu məsələləri də müzakirə etmək üçün regiona səfər edə bilər.
 
- Belə çıxır ki, çoxdan gözlənilən ABŞ-İran müharibəsi yaxınlaşır...
 
- Müharibənin olub-olmayacağını birmənalı şəkildə demək mümkün deyil. Amma bu müharibənin baş vermə ehtimalı böyükdür və ciddi dövlətlər bütün ehtimallara hazır olmalıdır. Düzdür, ABŞ İranla müharibə etməkdə çox da maraqlı görünmür. Sadəcə  təzyiq etməklə onu öz mövqeyinə gətirmək istəyir. Əsas niyyəti budur ki, İranla ikitərəfli saziş imzalayaraq, onun nüvə silahı yaratmaq imkanlarını tam aradan qaldırsın, Rusiyadan, Çindən uzaqlaşdırsın. Amma bunun nə dərəcədə baş tutacağını söyləmək mümkün deyil. Düşünürəm ki, ABŞ istədiyinə nail olmadığını görəndə müharibə başlaya bilər. Nəzərə alsaq ki ,ABŞ prezidentinə yəhudi lobbisinin təsiri böyükdür və kürəkəni də yəhudidir, İsrail isə İranla müharibə tərəfdarıdır, bu ehtimal daha da artır.
 
- İran-ABŞ müharibəsi başlayarsa, Rusiyanın mövqeyi necə ola bilər? Özünüz də dediyiniz kimi, İrana təzyiqlərin əsas səbəblərindən biri də onu Rusiyadan ayırmaqdır. Rusiya İranı tək buraxarsa, onu ABŞ-ın qucağına atar və özü təklənər. Moskva buna gedərmi?
 
- Elə bilirəm, bu suala ən yaxşı cavabı Putin verib. Açıqlamalarından birində Rusiya prezidenti aydın şəkildə "biz heç kim üçün yanğınsöndürən maşın deyilik” deyə, İrana mesaj göndərmişdi. Düşünürəm ki, İran rəsmiləri də bu mesajı alıblar və bundan sonrakı siyasətlərini həmin mesaja uyğunlaşdıracaqlar. Çünki bu müharibə başlayarsa, sadəcə, İranın ABŞ qarşısında nə qədər duruş gətirə bilcəyindən danışmaq olar. Nəticə isə bəllidir: İranın dünyanın super gücü ilə savaşdan qalib çıxması mümkünsüzdür. (Ovqat.com)

Xəbər 881 dəfə oxunub






Oxşar xəbərlər

Asim Mollazadə: “İcra strukturlarında yeni təfəkkürə malik gənclər lazımdır”
Erməni əsir üzr istədi: “Azərbaycanda cənnətdəyəm” – VİDEO
Bu gün Dünya dini liderlərinin II Bakı Sammiti başlayır
Rey Kərimoğlu Xətainin qazi icra başçısından danışdı
Ermənistan müharibədən də qorxulu fəlakətlə üz-üzə
Məşhur aktrisa azərbaycanlı aktyorla eşq yaşayır?
Əvəz Zeynallının üzərindəki qadağa götürüldü - özü yazdı
BMT baş katibinin xüsusi nümayəndəsi Azərbaycana gəlib
Gürcüstan Azərbaycana müşahidəçilər göndərəcək
Ölkəmizdə yeni soyuducu anbarlar yaradıla bilər
"Etdiklərimə görə oğlumdan üzr istədim" - Fədayə
MTRŞ Prezidentə müraciət etdi
Mənfi ehtimal! Azərbaycanda çörək kəskin bahalaşacaq
Müsavat Partiyasının başqanı Arif Hacılı saxlanılıb
AzTV-də dövlət qurumları tənqid olundu - VİDEO
İlham Əliyev sərəncam imzaladı
Trampdan Ərdoğana 100 milyardlıq təklif
İlham Əliyev Cavid Qurbanovu qəbul edib - FOTO
Tramp İŞİD-in yeni liderini təhdid etdi
Bu il İran polisi 530 ton narkotik vasitə müsadirə edib
Göygöldə oğurluq edən şəxslər saxlanılıb
Ramiz Mehdiyev də AMEA-da islahatlara başladı – İdarə və şöbələr ləğv olunub
LÜTVƏLİ BABAYEV NİYƏ “VURULDU”?
Oqtay Gülalıyev hələ də komadadır - son durum
Ermənistan atəşkəs rejimini 22 dəfə pozub
Rusiya XİN rəhbərinin işğala açıq dəstəyinə reaksiyalar
“Saudi Aramco” səhmlərini niyə satır?
Müsavat Əli İnsanovu "siyasi reanimasiya"dan çıxardı
Azərbaycan yenidən dünyanın diqqət mərkəzində
Parlamentdə büdcə müzakirələri başladı
ADAU-dan yeni XƏBƏR var - Rektorun "333"ləri, villaları, mənzilləri və...
Prezident 4 rayonun ivra başçısını dəyişdirdi – Deputata vəzifə verildi
Prezident: "Biz hələ işin başlanğıc mərhələsindəyik"
Zakir Həsənov təcili müşavirə keçirib - VİDEO
Prezident: "Azərbaycanda siyasi və iqtisadi islahatlar vəhdət təşkil edir"
İsveçdə “Ağdam restoranı” açıldı
Patriarx Kirill Bakıya səfər edəcək
Bu gün Azərbaycanda Konstitusiya günüdür
Rəsmi Bakıdan Lavrova - CAVAB
Azərbaycan Ordusu miqyasında əməliyyat təlimi başlayıb
Ər-Riyadda aktyorlara silahlı hücum olunub
Xoşbəxt Yusifzadə: “Hələ 90 yaşım olsun, sonra baxarıq...”
Mübariz Mənsimov Araz Əlizadəni “siyasi təlxək” adlandırdı
Sabiq Baş prokurorun "GENERAL" bacısı oğluna 12 il iş verildi - HÖKM
Tərtərin Dəmirçilər kəndindən ŞİKAYƏT – “..son ümüd yerimiz mətbuatadır ki, bəlkə…”
Noyabrın 14-də NATO baş katibi Ağ Evə səfər edəcək
Azərbaycan Nayrobi Sammitində iştirak edəcək
Mehriban Əliyeva “Bayraq Günü"nü təbrik etdi
Ərdoğanla Putin Suriya məsələsini müzakirə ediblər
Göyçayda möhtəşəm Nar festivalı keçirilib
Bu gün Azərbaycan Dövlət Bayrağı günüdür
ADAU-nun müəllimləri TƏKZİB EDİR - "Yazılanlar yalan və böhtandır"
Alman şirkəti ərazimizi Ermənistan torpağı kimi təqdim edir - FOTO
Tanınmış yazıçının əri intihar etdi
"Azeri Light" nefti bahalaşıb
“Yeni Müsavat” qəzetinin 30 illik yubileyi qeyd olundu
Nəcməddin Sadıkovu da istefaya çağırdılar - 26 ildir ki...
"Qanunları tapdalayan Cavid Qurbanovdur, yoxsa onun işçiləri?" - VİDEO
İlham Əliyevin təşəbbüsü ilə bu qanunlar dəyişdirilir – Siyahı
İraq kəşfiyyatı iki İŞİD liderini saxlayıb
ADAU-nun "itkin düşmüş" avtobusu tapıldı - Fotolar
MTRŞ ANS ÇM-in tezliyini müsabiqəyə çıxarıb – Vahid Mustafayevin sözçüsündən REAKSİYA
Mehman Hüseynov da bələdiyyə sədri olmaq istəyir
Məşhur milyarder Göyçaya gəldi (FOTO)
Azərbaycan müharibəyə hazırlaşır?
Səfir: “Fransa və Azərbaycanın strateji maraqları üst-üstə düşür"
Qazaxda raket tapılıb
Ümumdünya Şahmat Olimpiadası Naxçıvanda keçirilə bilər
ABŞ Paşinyana əvəz axtarır
"Alışanov üçün 100 min “semiçka puludur"" - Qulu Məhərrəmli

Bütün xəbərlər

2019 - SARI QABAN NƏLƏR VƏD EDİR?
love HƏR ŞEY "QABAN" KİMİ OLACAQ
love DEMOKRATİYAYA DOĞRU BİR AZ DA İRƏLİLƏYƏCƏYİK...
am DİNAMİK İNKİŞAFIMIZ DAVAM EDƏCƏK
lol HEÇ VECİMƏ DƏ DEYİL
tongue AZƏRBAYCANDAN BAŞ GÖTÜRÜB QAÇACAĞAM
crying TRAMP NEFTİN QİYMƏTİNİ QALDIRMAĞA NAİL OLACAQ
what QARABAĞI GERİ ALACAĞIQ
wink SƏN SAYDIĞINI SAY, GÖR Kİ, FƏLƏK NƏ SAYACAQ
recourse DOLLAR 2 MANATDAN BAHA OLACAQ
angry ACLIQ, YOXSULLUQ GƏLİR
tongue ALLAH BİLİR OLACAĞI...

«    Noyabr 2019    »
BeÇaÇCaCŞB
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 
        Ünvan: Bakı şəhəri, Mətbuat prospekti, 529-cu məhəllə, Azərbaycan nəşriyyatı, 1-ci mərtəbə.
© Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Script time: [0.46570] initstartout [0.00022] initstartin [0.00099] calstart [0.01423] calend [0.00096] topnewsend [0.00665] rsssend [0.00000] ehgend [0.13609] tagsstart [0.00118] tag-initendin [0.00000] initendout [0.00001] weathend [0.00000] end [0.30533]