Bütün yenilikləri Facebook səhifənizdə izləyin. Yalnız "Bəyənirəm" edin.

17:46 - 25.06.2018  
Lənkəran MERO-da rüşvət tragikomediyası: "Saçlarını yol gətir!"...
Tarix: 11-08-2017, 12:32 | Bölmə: Xəbərlər » Ölkə içi

Həyatımızı bəzəyən çox şey var. Həyatımızı korlayan şeylər də az deyil. İnsan övladı həyatını bəzəmək üçün nələrə əl atmır ki,...

  Lənkəran MERO-da rüşvət tragikomediyası: "Saçlarını yol gətir!"...Lakin insanın ən böyük bəzəyi onun ləyaqəti, şərəfi, vicdanıdır. Bu bütün dövrlərdə , bütün xalqlarda belə olub. Əsl insan bu keyfiyyətləri itirdikdə gözdən düşür, qınaq obyektinə çevrilir.

   Peşə əxlaqı, peşə etikası da bunların sırasında önəmli yer tutur. Hüquq-mühafizə  fəaliyyəti də dövlətimizin ictimai-siyasi həyatının mühüm sahələrindəndir. Daxili işlər orqanları əməkdaşlarının etik davranış kodeksində bu fəaliyyət hüquq-mühafizə orqanlarının əməkdaşlarının şəxsi, mənəvi və  işgüzarlıq keyfiyyətlərindən, insanlarla ünsiyyət yaratmaq, onların inam və etibarını qazanmaq bacarığından bilavasitə asılı olduğu bildirilir.

     "Yalnız bu keyfiyyətlərə, o cümlədən dəyanətə və saf mənəviyyata, öz həmkarları və əhali arasında hörmətə və nüfuza malik, dövlətə, xalqa və xidməti borca sədaqəti olan daxili işlər orqanlarının əməkdaşları insanların etibarını qazanıb onların dəstəyinə arxalana bilər”.- kodeksdə belə deyilir. Əməldə, təcrübədə bunun əksi ilə rastlaşdıqda vətəndaşın hansı hisslər keçirdiyini anlamaq çətin deyil.

    DİN-in 08.04.2005-ci il tarixli 180 nömrəli əmri ilə təsdiq edilmiş kodeksin 2-ci maddəsində deyilir: ”Anda, xidməti və vətəndaşlıq borcuna sadiq olmalı, vətəndaşların həyat və sağlamlığının, hüquq və azadlıqlarının, cəmiyyətin və dövlətin maraqlarının hüquqazidd qəsdlərdən qorunmasına görə öz şəxsi məsuliyyətini hiss etməlidir”.

        Beləliklə, polislər daim yadda saxlamalıdır ki, hətta bir əməkdaşın Andı pozması, xidməti borcunu yerinə yetirməməsi və nalayiq hərəkətə yol verməsi , bir çox əməkdaşın fədakar əməyi və nümunəvi xidməti hesabına əldə olunmuş uğurlara və nüfuza kölgə sala bilər.

      Vətəndaş və yaradıcı insan kimi Kodeksdə yazılmış bu sözlərin insanların ürəyindən gələn sözlər olduğunu təsdiqləyə bilərəm. Azərbaycan vətəndaşı öz polisinə güvənir. Onun polis haqqında öz anlayışı mövcuddur və vəzifə başında əxlaq anlayışına əməl etməyən bəzi polisləri bu xalqın düşmənləri ilə bir tutur.

      Nədir polis əxlaqı? Yenə də həmin kodeksə müraciət edək. Polis işçisi ”insanlara ədalətli, humanist, alicənab və mədəni münasibət bəsləməli, vətəndaşlarla ünsiyyətdə diqqətli və nəzakətli olmalı, dövlət tərəfindən verilmiş səlahiyyətlərdən yalnız qanun çərçivəsində istifadə etməlidir”.

      Bu hər dəfə belədirmi? " Əgər polis əməkdaşı vəzifə başında kodeksdə təsdiq olunmuş müddəalara riayət etmirsə, özü qanunu pozur və ya cinayət törədirsə, onlara müraciət edən vətəndaşları təhqir edirsə, rüşvət alırsa... onda onları hansı cəza gözləyir? Ümumiyyətlə, gözləyirmi? Əlbəttə ki, bu, qəliz, mürəkkəb bir mövzudur. Bunlara nəzarət edəcək güc strukturları mövcuddur. Baxmayaraq ki, ictimai nəzarət deyilən bir anlayış da vardır.Lakin hər kəs polis paltarı geyinmiş insanlara söz demək, irad tutmaq iqtidarında deyildir. Və buna öz hgəyatına təhlükə kimi qəbul edə bilər. Lakin polis əməkdaşları peşə etikasına riayət etmədikdə, özü qanunları pozursa, bu, üzə deyilməsə də qınağa, gülüşə, istehzaya, hətta nifrətə bələ layiq görülür.Demək, Azərbaycan polisinin illər ərzində formalaşmış müsbət obrazına ləkə gəlir, insanlar arxalanmalı, köməyinə ümid etməli olduğu vəzifə sahiblərinə inamını itirir. O, sadəcə, gözdən düşür. Polis səlahiyyət həddini aşırsa, özü istənilən cəzaya layiq görülür.Bu, nifrət və kindir. Polis işçisi bundan artıq cəzaya layiq görülə bilməz.

        Sözlərimə qüvvət üçün Lənkəran rayonunda şahidi olduğum bir hadisəni qeyd etməyi özümə borc bildim. Qonaq olduğum rayonda ev sahibi maşınını texniki baxışdan keçirmək üçün mənim onunla getməyimi xahiş etdi. Lənkəran "Mero”sunun rəisinin polis polkovnik- leytenantı Tariyel Məmmədov olduğunu bildirdim. O əvvəllər Gəncə Merosunun rəisi işləyib. Mən də Gəncə şəhər sakiniyəm. Onun bu şəhərdə fəaliyyətindən də az-çox xəbərdaram. Lakin Lənkəranda gördüklərim sözün həqiqi mənasında məni şoka saldı. Polis işçilərinin pul qazanmaq naminə hansı "improvizasiya”lara əl atması düzü məni doyunca güldürdü. Hərçənd, polis işçilərinin özlərini saldığı vəziyyət məni kövrəltdi də. Hisslərimi gizlətmək üçün qonağı olduğum şəxsdən aralandım.

       Mənə qəribə gələn insanların idarədə polislər haqqında nalayiq ifadələr işlətməsi oldu. Heç kim onlara cavab vermir, polislər bu adamlara heç baş qoşmurdu da. Yaxınlaşıb onların biri ilə söhbətr etməyə cəhd etdim. ”Sizin ”... deyib kükrəyən bir yaşlı dayıdan niyə belə hərəkət etdiyini soruşdum. Eşidərlər-dedim.

       "Elə bilirsən eşitmirlər,- dayı daha da coşdu. –"Onlara pul lazım idi onu da aldılar.İstəyirsən, bir də söyüm.. Pe...pe-lar”!Tez dayını ağzını tutdum .Qolundan tutub eşiyə çıxardım. Sağa-sola baxıb şahidin olub-olmamasını yoxlayırdım ki, kənardan birinin "Kişi adamdı bu. Dilinə quzu kəsim” dediyini eşitdim (Sonradan öyrəndim ki, bu dayı da elə "Mero”nun işçisidi). Kim kişi idi. Nə üçün kişilər kişisi sayılırdı daha onu anlamağa vaxtım olmadı.

      Bir polis mayoru səsə çölə çıxdı. Guya ki, nəsə başqa işi vardı.Bir-iki dəfə "öhö-öhö” edib kabinetinə yaxınlaşdı. Elə içəri təzə girmişdi ki, başqa birisi səsini başına atdı. - ”Kül sizin başınıza! Dədənizdən qalıb bu idarə? Hökümət bu boyda bina tikib ki, siz oturub pul qazanasınız özüvüzçün? –dayı kimi nəzərdə tuturdu anlamaq qəliz məsələ oldu. Ona nə demişdilər , o niyə nalayiq sözlər işlədirdi, soruşmağa cürət etmədik. Bu dəfəki dayı o birisindən də hirsli çıxdı. Ona da heç kim baş qoşmadı. Marağımı saxlaya bilmədim.Yanındakı bir cavandan soruşdum-Bu dayı niyə  belə eləyir görəsən?

       Cavab həqiqətən də gülməli oldu. - "Hər yerin maklerini görmüşdük, polisin maklerin birinci dəfədi görürük. Maşının texniki baxışının vaxtından bir-iki gündür ki, ötüb. Başım toya qarışdı,vaxtını  ötürdüm. Maşınsız gəlmişəm. Yolda onsuz da tutub cərimələyəcəkdilər. Bu rəis (açıq otaqdan polis kapitanını göstərir ) deyir mümkün deyil, get maşınını gətir.Mən 60 km yol gəlmişəm, 60 km da qayıtmalıyam ki,maşını gətirim.Dedim rəis ,gəl hörmətini  edim, işi düzəlt.Onsuzda baxışın dövlət rüsümu 20 manatdı,siz 40 manat alırsız. Rəis də dedi ki, mümkün deyil, vəssəlam. Demə burda dəllallar var imiş. Biri məndən 5 manat alıb işimi düzəltdi”.

     Bəs niyə əsəbləşirsən, işin düzəlib  də? - ona dedim. - "Söhbət onda deyil,qardaş. Bu idarəni bazara döndəriblər.Vətəndaşa,üzr istəyirəm, hüquqsuz məxluqa baxan kimi baxırlar”.

        Bəs niyə söyüş söyürsən ki? – deyə soruşdum. ”Bəs neyləyim,öldürüm,döyüm? Balalarımı da yetim qoyum? Dünyanın hansı ölkəsində polis işçisi belə işlər görür? Məndən qabaqkı da 5 manat verib getdi”.

        Gözlərimi aşağı dikdim. Baxmağa bir yer, bir kəs qalmamışdı. Gözlərim üçün ən sakit, baxmalı yer elə ayaqlarım idi. Sakitcə eşiyə çıxdım. Onsuzda məni həddən artıq maraq göstərdiyim üçün qaralamışdılar.

      Fikirləşdim-görəsən, günahkar kimdir? Rüşvət verən, yoxsa rüşvət alan? Dövlətin idarəsində nalayiq söyüşlər söyənlər, yoxsa özünü söydürənlər?

    -Hər halda hər iki tərəfdə günah var, -dostum dedi, sanki ürəyimdəkiləri oxuyurdu – Mən sakitcə yaxınlaşdım, qanunla işimi gördüm, heç kim də məni incitmədi.

       Və köks ötürüb maşının qazını basdı!..

 Ruhulla Zahidov

 Yazıçı-jurnalist

"Demokratik.Az"dan:

Lənkəran MERO-da baş verənlərdən anlamaq olur ki, uzun illər Gəncə 9 saylı Rayonlararsı Qeydiyyat İmtahan Şöbəsində vətəndaşlara qənim kəsilərək görülən xidmətlər müqabilində rüşvət toplayan, bu yolla da varlanaraq adını az qala rəsmi milyonçular siyahısına saldırmağı bacaran polis polkovniki Tariyel Məmmədov hələ də öz əməllərindən çəkinməyib. Bu üzdən Lənkəranlıların bir çoxu hesab edir ki, cənab Məmmədovun Gəncədən Lənkərana gətirilməsi sadəcə hansısa korrupsioner virusun, özünəsöydürən polisin yerdəyişməsindən başqa bir məna daşımır. Bilirik ki, ümidlərimiz puça çıxacaq. Amma hər bir halda, ölkədə fəaliyyət göstərən MERO-larda baş alıb gedən analoji biabırçılıqlara son qoyulacağına, General Ramiz Zeynalovun şəxsən özündə belə bir kəramətin oyanacağına ümid edirik.

 

Adıçəkilənlərin də söz haqqı var!

 

"Demokratik.Az"

Xəbər 3198 dəfə oxunub






Oxşar xəbərlər

Roza Günayı yıxıb sürüdü: “İnsan gərək…” – VİDEO
Aparıcı Humay Muxtarovadan ehtiraslı FOTOSESSİYA
BTQ dəmir yolunda ilk yük vaqonları nəql edilib
Ermənistanın müdafiə naziri qumarda uduzdu
Türkiyənin məşhur futbolçusu millət vəkili seçilib
Qarabağ “düyünü”: Rusiya da onu açmasa, kim açacaq?
Ərdoğan və Türkiyə deyən oldu
Göygölün icra başçısı oğluna toy edir - Bakıda
Putin və Tramp iyulun 15-də Vyanada görüşəcək
Oğlu həbs olunan səfirimizin QALMAQALLARI: - Rus qızlara “padxod”, təcüvüz
İskəndər Həmidovun mərhum qardaşı: "Mənə dəli deyənlər özləri səydir!" - VİDEO
Elçibəy... - 80
Türkiyədə 11 PKK üzvü saxlanılıb - seçki təxribatı
Bu fotolar Rusiyada rezonans doğurub
BİABIRÇILIQ! - Xırdalanda Əfqan Şəhidliyi dağıdılıb (VİDEO)
Nazir Yavər Camalov vəfat etdi
Qüdsi Osmanov oğlunun həbsini təsdiqlədi
QHT Şurasının 10 illik yubileyi münasibətilə tədbir keçirildi
Ağdam Musiqi Kollecinin direktoru yol qəzasına düşüb
Nazir: “Təhsilə qoyulan investisiya ən yaxşı investisiyadır"
Əli Həsənov: "Azərbaycanda azad media formalaşıb"
Ərdoğan nazirliklərin sayını AZALDACAQ - özü AÇIQLADI
“Günay Bank”ın keçmiş sədr müavininin saxlanmasının bəzi TƏFƏRRÜATLARI
Məmurların maaşını artırmaq TƏKLİF OLUNDU
“Dövlət büdcəsindən insan inkişafına az vəsait ayrılır”
Rza Zərrab qoltuq ağacı ilə Nyu-York küçələrində... - FOTOLAR
Müdafiə xərcləri 2,9 milyard manata qaldırılır
Sirkdə fil və dəniz şirlərinin çıxışı qadağan edildi
Mağazadan oğurluğu - şübhəli şəxs saxlanılıb
“Oğlum yaxşı kişi olsaydı, arvadı qaçmazdı”–Əli Mirəliyev –VİDEO
77 il öncə... – Stalinin inanmaq istəmədiyi həqiqət
Tramp milli təhlükəsizlik üzrə müşavirini Moskvaya göndərir
AŞ PA-nın yay sessiyası öncəsi Bakıya təzyiq - Bəyanat
Oliqarxların süni balıq gölləri ləğv edilir - ZƏRURƏT
Sarkisyanın adamlarına qarşı əməliyyat keçirildi
Türkiyənin baş naziri: “Qonşumuz ABŞ deyil, Rusiyadır”
Sərhəddə atışma: Elçin Quliyev hadisə yerinə getdi
Kəmaləddin Heydərovun qəbulunun vaxtı dəyişdi
Şok: Erməni generalın evində dəhşət - Video/18+
“Məni Elmarla dəyişik salırlar, Azərbaycan haqda sual verirlər...”
Təhsil Nazirliyinə yeni Aparat rəhbəri təyin edilib
DİN ətrafı zibilləyən 206 şəxsi cərimələyib
Kameraya danışdı və intihar etdi - 16 yaşlı qızdan ölümöncəki – VİDEO
Ramil Usubov İsraildə səfərdə olub
Jurnalisti təhqir edən generalın qardaşı üzr istədi
Ərdoğan: Türkiyə 4 milyona yaxın qaçqın qəbul edib
Şengen vizası bahalaşır
Zakir Həsənov: “Artıq ordumuz Laçına gedən yola nəzarət edir”
DÇ-2018: Ən yaşlı oyunçu Misir xalqından üzr istəyib
Cəlladın oğru çıxması: Manvel Qriqoryan kimdir?
Püşk atıldı: “Qarabağ”ın rəqibi bəlli oldu
Müdafiə naziri hərbi hissənin açılışında – FOTOLAR
“Azərbaycan açıq və fəal əməkdaşlıq edir” - Ali komissar
Temperatur yüksəlir - HAVA PROQNOZU
Rusiya Dövlət Dumasının sədri Bakıya gəlir
İmişlidə kütləvi zəhərlənmə - İcra başçısı danışdı
Naxçıvanda Müəllimlər İnstitunun rektoru vəfat edib
Online oyunlardan asılılıq xəstəlik kimi tanındı
«Kürd birləşmələri Mənbici tərk edirlər» – Ərdoğan
Obama siyasətə qayıda bilər
GÜNÜN QOROSKOPU - 19 İYUN
Türkiyə ordusu PKK-nın 9 terrorçusunu zərərsizləşdirib
Youtube-un fəaliyyəti bərpa edilib
"Ərdoğan gecə yarısına qədər..." - “Der Şpigel yazdı
Abşeronda isti, rayonlarda leysan... SABAHA
"Lotu Quli"nin adamları saxlanıldı - Gürcüstanda
ABŞ Bəşər Əsədi vurdu: Onlarla ölü var – Təsdiq
Tverdə saxta araq satan azərbaycanlı tutuldu
Samir Şərifovun oğlu Türkiyədən bahalı it alıb
Ermənistan bir neçə Su-30SM qırıcısı alır?

Bütün xəbərlər

2018-SARI İT BİZƏ NƏLƏR VƏD EDİR?
love HƏR ŞEY "İT" KİMİ OLACAQ
am DİNAMİK İNKİŞAFIMIZ DAVAM EDƏCƏK
lol HEÇ VECİMƏ DƏ DEYİL
tongue AZƏRBAYCANDAN BAŞ GÖTÜRÜB QAÇACAĞAM
crying TRAMP NEFTİN QİYMƏTİNİ QALDIRMAĞA NAİL OLACAQ
what QARABAĞI GERİ ALACAĞIQ
wink SƏN SAYDIĞINI SAY, GÖR Kİ, FƏLƏK NƏ SAYACAQ
recourse DOLLAR 2 MANATDAN BAHA OLACAQ
angry ACLIQ, YOXSULLUQ GƏLİR
tongue ALLAH BİLİR OLACAĞI...

«    İyun 2018    »
BeÇaÇCaCŞB
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 
        Ünvan: Bakı şəhəri, Mətbuat prospekti, 529-cu məhəllə, Azərbaycan nəşriyyatı, 1-ci mərtəbə.
© Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Script time: [0.13441] initstartout [0.00016] initstartin [0.00068] calstart [0.00915] calend [0.00049] topnewsend [0.00385] rsssend [0.00000] ehgend [0.00644] tagsstart [0.00059] tag-initendin [0.00000] initendout [0.00001] weathend [0.00000] end [0.11301]